تھرمیں حاملہ خاتون کا غلط آپریشن، نوزائیدہ کا سر دھڑ سے جدا

تھرپارکر کے علاقے چھاچھرو کے مقامی صحت مرکز کے عملے نے حاملہ خاتون کا غلط آپریشن کر ڈالا جس کے نتیجے میں پیدا ہونے والے بچے کا سرکٹ گیا

دانش احمد انصاری اتوار 19 جون 2022 15:47

تھر(اُردو پوائنٹ، اخبار تازہ ترین، 19جون2022) تھرمیں حاملہ خاتون کا غلط آپریشن، نوزائیدہ کا سر دھڑ سے جدا۔تھرپارکر کے علاقے چھاچھرو کے مقامی صحت مرکز کے عملے نے حاملہ خاتون کا غلط آپریشن کر ڈالا جس کے نتیجے میں پیدا ہونے والے بچے کا سرکٹ گیا۔تفصیلات کے مطابق تھرپارکر کے علاقے چھاچھرو کے مقامی صحت مرکز کے عملے نے حاملہ خاتون کا غلط آپریشن کر ڈالا جس کے نتیجے میں پیدا ہونے والے بچے کا سرکٹ گیا۔

(جاری ہے)

محکمہ صحت حکام کے مطابق عملے نے نوزائیدہ کوسرکاٹ کرماں کے پیٹ سےنکالا اور دھڑپیٹ میں چھوڑدیا، پھر انہیں چھاچھروسےسول اسپتال مٹھی بھیجاگیاجہاں کوئی سہولت نہیں تھی۔بعدازاں مٹھی سےحاملہ خاتون کوسول اسپتال حیدرآبادلایاگیا جہاں خاتون کے پیٹ سے بچے کا دھڑ نکالا گیا اور خاتون کی جان بچائی۔ڈی جی ہیلتھ کا کہنا تھا کہ سفاکی میں ملوث افرادکےخلاف سخت کارروائی کی جائے گی۔ڈائریکٹر جنرل ہیلتھ سندھ ڈاکٹرجمن کے مطابق اس اندوہناک واقعے کی تحقیقات کا حکم دےدیا گیا ہے۔