سجاول، ضلع بھر میں پولیس کی جانب سے اشتہاری مطلوب روپوش ملزمان کی گرفتاری اور منشیات کے خلاف کارروائی تیز کردی گئی

منگل 15 جنوری 2019 23:36

سجاول(اُردو پوائنٹ اخبارتازہ ترین - این این آئی۔ 15 جنوری2019ء) ضلع بھر میں پولیس کی جانب سے اشتہاری مطلوب روپوش ملزمان کی گرفتاری اور منشیات کے خلاف کارروائی تیز کردی گئی ہے ، ایس پی سجاول امیرسعود مگسی کے پی آراو کی جاری پریس رلیز کے مطابق سجاول ضلع میں جاری پولیس کاروائیوں کے دوران ایک درجن سے زائد ملزمان کو گرفتارکرلیاگیاہے ۔

(جاری ہے)

سجاول میں کاروائی کرکے ایک مطلوب ملزم جمع رند کو گرفتارکرلیاگیاجبکہ دو مشکوک موٹرسائیکل بھی برآمد کرلئے گئے ہیں ،جاتی میں پولیس نے ایک مشکوک موٹرسائیکل چالان کیالاڈیوں پولیس نے تین روپوش ملزمان بچایوسوڈھو، ملوک چانڈیو،آموں پالاری کو گرفتارکرلیا، مریدکھوسو میں پولیس نے دو مطلوب ملزمان طفیل میمن اور عرس لوڈھو کو گرفتارکرلیا،میرپوربٹھورو میں پولیس نے تین مطلوب ملزمان سومار سوڈھو، غلام مصطفی شیخ، محمد الرحیم ماچھی کو گرفتارکرلیاجبکہ اصغرسوھو کو گرفتارکرکے پینتالیس تھیلی کچی شراب برآمد کرلی ،اسحاق کچھی اور رجب علی میمن کو گرفتارکرکے بھاری مقدار میں گھٹکے برآمد کئے گئے ،بنوں سے محرم ملاح کو گرفتارکرکے گھٹکے برآمد کئے گئے ،جبکہ پولیس کی جانب سے مزید کاروائی جاری ہے ۔