عید میلادالنبی ؐ کے حوالے سے ایس ایس پی سجاول الطاف حسین کی زیرِ صدارت اہم اجلاس

سجاول (اُردو پوائنٹ اخبارتازہ ترین - این این آئی۔ 20 اکتوبر2020ء) عید میلادالنبی ؐکے حوالے سے ایس ایس پی سجاول الطاف حسین کی زیرِ صدارت اہم اجلاس، ضلع بھر سے جماعت اہلسنت کے علما کرام اور رہنماں کی شرکت کی گئی ،جشنِ عید میلادالنبیؐ کے سلسلے میں امن وامان کے پیشِ نظر ایس ایس پی آفس میں میٹنگ کا انعقاد کیا گیا جس میں ضلعے کی تینوں تحصیلوں سے اہلسنت مسلک کے رہنماں نے شرکت کی۔

میٹنگ کا آغاز تلاوت کلام پاک سے کیا گیا بعد ازاں ماہ ربیع الاول کے دوران امن وامان اور محافلِ میلاد و جلوسوں کی سکیورٹی کے متعلق رہنماں سے تبادلہ خیال کیا گیا۔اس ضمن میں رہنماں سے مسائل و تجاویز دریافت کی گئیں۔ اس موقع پر ایس ایس پی سجاول الطاف حسین کی جانب سے عید میلادالنبی ؐ کی نسبت سے منعقد ہونے والی ریلیوں اور محافلِ میلاد میں ضلع سجاول پولیس کی جانب سے بھرپور سیکیورٹی انتظامات کرنے کا عزم ظاہر کیا گیا۔

(جاری ہے)

انہوں نے مزید کہا کہ ہمارے پیارے نبی آخر الزماں حضرت محمد مصطفی ؐ کی آمد کی نسبت سے ماہِ ربیع الاول مسلم امہ کے لیے خوشیوں کا مہینہ ہے جس میں امن وامان بحال رکھنے کیلئے ضلع سجاول پولیس کی جانب سے خصوصی سیکیورٹی پلان تشکیل دے کر سیکیورٹی کے سخت اقدامات کیے جائیں گے۔دوسری جانب تمام شرکا نے انتظامیہ سے تعاون کرنے کا عزم ظاہر کرتے ہوئے پولیس اقدامات پر اعتماد کا اظہار کیا۔آخر میں دعائے خیر سے اجلاس کا اختتام کیا گیا۔