Zuba Ko Hukum Nigah Karam Ko Pehchane

زباں کو حکم نگاہ کرم کو پہچانے

زباں کو حکم نگاہ کرم کو پہچانے

نگہ کا جرم غبار الم کو پہچانے

وہ ایک جام کہاں ہر کسی کی قسمت میں

وہ ایک ظرف کہ اعجاز‌ سم کو پہچانے

متاع درد پرکھنا تو بس کی بات نہیں

جو تجھ کو دیکھ کے آئے وہ ہم کو پہچانے

وہ دل جو خاک ہوئے آج تک دھڑکتے ہیں

رہ وفا ترے معجز رقم کو پہچانے

سحر سے پہلے یہاں آفتاب ابھرے ہیں

خلوص بندگیٔ چشم نم کو پہچانے

یہ خود فریب اجالے یہ ہاتھ ہاتھ دیئے

دیئے بجھاؤ کہ انسان غم کو پہچانے

کسی خیال کا سایہ کسی امید کی دھوپ

کوئی تو آئے کہ دل کیف و کم کو پہچانے

ہزار کوس نگاہوں سے دل کی منزل تک

کوئی قریب سے دیکھے تو ہم کو پہچانے

جو ہم سفر بھی رہے ہیں شریک منزل بھی

کچھ اجنبی تو نہ تھے پھر بھی کم کو پہچانے

بہت دنوں تو ہواؤں کا ہم نے رخ دیکھا

بڑے دنوں میں متاع قلم کو پہچانے

ادا جعفری

© UrduPoint.com

All Rights Reserved

(431) ووٹ وصول ہوئے

Your Thoughts and Comments

Urdu Nazam Poetry of Ada Jafri, Zuba Ko Hukum Nigah Karam Ko Pehchane in Urdu. This famous Urdu Shayari is a Ghazal, and the type of this Nazam is Sad Urdu Poetry. Also there are 90 Urdu poetry collection of the poet published on the site. The average rating for this Urdu Shayari by our users is 4.1 out of 5 stars. Read the Sad poetry online by the poet. You can also read Best Urdu Nazam and Top Urdu Ghazal of Ada Jafri.