Ajab Mamool Hai Awargi Ka

عجب معمول ہے آوارگی کا

عجب معمول ہے آوارگی کا

گریباں جھانکتی ہے ہر گلی کا

نہ جانے کس طرح کیسے خدا نے

بھروسہ کر لیا تھا آدمی کا

ابھی اس وقت ہے جو کچھ ہے ورنہ

کوئی لمحہ نہیں موجودگی کا

مجھے تم سے بچھڑنے کے عوض میں

وسیلہ مل گیا ہے شاعری کا

زمیں ہے رقص میں سورج کی جانب

چھپا کر جسم آدھا تیرگی کا

میں اک ہی سطح پر ٹھہروں گا کیسے

اترتا چڑھتا پانی ہوں ندی کا

میں مٹی گوندھ کر یہ سوچتا ہوں

مجھے فن آ گیا کوزہ گری کا

کھٹک جاؤں گا صوفے کو تمہارے

میں بندہ بیٹھنے والا دری کا

میں اس منظر میں پایا ہی گیا کب

جہاں بھی زاویہ نکلا خوشی کا

سمندر جس کی آنکھوں کا ہو خالی

وہ کیسے خواب دیکھے جل پری کا

نکالو کیل کو دیوار میں سے

وگرنہ ٹانگ لو فوٹو کسی کا

آفتاب شکیل

© UrduPoint.com

All Rights Reserved

(937) ووٹ وصول ہوئے

Your Thoughts and Comments

Urdu Nazam Poetry of Aftab Shakeel, Ajab Mamool Hai Awargi Ka in Urdu. This famous Urdu Shayari is a Ghazal, and the type of this Nazam is Love, Sad, Social, Friendship, Bewafa, Heart Broken, Hope Urdu Poetry. Also there are 10 Urdu poetry collection of the poet published on the site. The average rating for this Urdu Shayari by our users is 4.1 out of 5 stars. Read the Love, Sad, Social, Friendship, Bewafa, Heart Broken, Hope poetry online by the poet. You can also read Best Urdu Nazam and Top Urdu Ghazal of Aftab Shakeel.