Qanoon Qudrat, Urdu Nazam By Ahmad Nadeem Qasmi
Qanoon Qudrat is a famous Urdu Nazam written by a famous poet, Ahmad Nadeem Qasmi. Qanoon Qudrat comes under the Social category of Urdu Nazam. You can read Qanoon Qudrat on this page of UrduPoint.
قانون قدرت
احمد ندیم قاسمی
گلیوں کی شمعیں بجھ گئیں اور شہر سونا ہو گیا
بجلی کا کھمبا تھام کر بانکا سپاہی سو گیا
تاریکیوں کی دیویاں کرنے لگیں سرگوشیاں
اک دھیمی دھیمی تان میں گانے لگیں خاموشیاں
مشرق کے پربت سے ورے ابھریں گھٹائیں یک بیک
انگڑائیاں لینے لگیں بے خود ہوائیں یک بیک
تارے نگلتی بدلیاں چاروں طرف چھانے لگیں
چھم چھم پھواروں کی جھڑی دھرتی پہ برسانے لگیں
کتے اچانک چونک کر بھونکے دبک کر سو گئے
بے رس چچوڑی ہڈیوں کی لذتوں میں کھو گئے
مائیں لپکتی ہیں کہیں بچے بلکتے ہیں کہیں
اور کھاٹ لینے کے لیے بوڑھے اچکتے ہیں کہیں
اک سرسراہٹ سی اٹھی لہرائی تھم کر رہ گئی
ہر چیز نے آنکھیں ملیں ہر چیز جم کر رہ گئی
پھر گنگناتی ظلمتوں کا سحر ہر سو چھا گیا
بادل کہیں گم ہوگئے تاروں پہ جوبن آ گیا
قدرت کے سب چھوٹے بڑے قانون ہیں یکساں مگر
پردے پڑے ہیں جا بجا چھنتی نہیں جن سے نظر
انسان کا معصوم دل تاریک سونا شہر ہے
جس کے تلے احساس کی چنگاریوں کی لہر ہے
جب دیکھتا ہے وہ کہیں بدمست پنگھٹ والیاں
گالوں کو جن کے چومتی ہیں پتلی پتلی بالیاں
زلفیں گھٹاؤں کی طرح آنکھیں ستاروں کی طرح
چلنا ہواؤں کی طرح رنگت شراروں کی طرح
لہنگے کی لہروں کے تلے مکھن سے پاؤں رقص میں
پگڈنڈیوں کے اس طرف گاگر کی چھاؤں رقص میں
سینے چھلکتے مے کدے اور ہونٹ پیمانوں کے لب
ٹخنوں پہ بجتی جھانجھنیں ہنسنا ہنسانا بے سبب
یہ دیکھ کر انگڑائیاں لیتا ہے دل انسان کا
اور اس کی ہر دھڑکن پہ ہوتا ہے گماں طوفان کا
گلیوں میں چھپ جاتی ہیں جب یہ چلتی پھرتی بجلیاں
ہوتا ہے طاری روح پر سنسان راتوں کا سماں
احمد ندیم قاسمی
© UrduPoint.com
All Rights Reserved
(3022) ووٹ وصول ہوئے
Related Ahmad Nadeem Qasmi Poetry
More Ahmad Nadeem Qasmi Poetry
کھڑا تھا کب سے زمیں پیٹھ پر اٹھائے ہوئے
Ahmad Nadeem Qasmi - احمد ندیم قاسمی
Khara Tha Kab Say Zamee Peeth Par Uthaye Howay
رات دن سلسلۂ عمر رواں کی کڑیاں
Ahmad Nadeem Qasmi - احمد ندیم قاسمی
Raat Din Silsila Umar Rawan Ki Koriya
اگر ہے جذبۂ تعمیر زندہ
Ahmad Nadeem Qasmi - احمد ندیم قاسمی
Agar Hai Jazba Taamer Zindah
عجیب رنگ ترے حسن کا لگاؤ میں تھا
Ahmad Nadeem Qasmi - احمد ندیم قاسمی
Ajiib Rang Tere Hussan Ka Lagao Mein Tha
ہم کبھی عشق کو وحشت نہیں بننے دیتے
Ahmad Nadeem Qasmi - احمد ندیم قاسمی
Hum Kabhi Ishq Ko Wehshat Nahi Ban'nay Datey
تجھے اظہار محبت سے اگر نفرت ہے
Ahmad Nadeem Qasmi - احمد ندیم قاسمی
Tujhe Izhaar Mohabbat Se Agar Nafrat Hai
ریت اور برف پہ نقش کف پا میرا ہے
Ahmad Nadeem Qasmi - احمد ندیم قاسمی
Rait Aur Baraf Pe Naqsh E Kafe Paa Mera Hai
ریستوراں میں سجے ہوئے ہیں کیسے کیسے چہرے
Ahmad Nadeem Qasmi - احمد ندیم قاسمی
Ristoran Mein Sajay Hue Hain Kaisay Kaisay Chehray
You can read Qanoon Qudrat written by Ahmad Nadeem Qasmi at UrduPoint. Qanoon Qudrat is one of the masterpieces written by Ahmad Nadeem Qasmi. You can also find the complete poetry collection of Ahmad Nadeem Qasmi by clicking on the button 'Read Complete Poetry Collection of Ahmad Nadeem Qasmi' above.
Qanoon Qudrat is a widely read Urdu Nazam. If you like Qanoon Qudrat, you will also like to read other famous Urdu Nazam.
You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.