Aey Mare Saray Logo, Urdu Nazam By Ahmed Faraz
Aey Mare Saray Logo is a famous Urdu Nazam written by a famous poet, Ahmed Faraz. Aey Mare Saray Logo comes under the Social category of Urdu Nazam. You can read Aey Mare Saray Logo on this page of UrduPoint.
اے میرے سارے لوگو
احمد فراز
اب مرے دوسرے بازو پہ وہ شمشیر ہے جو
اس سے پہلے بھی مرا نصف بدن کاٹ چکی
اسی بندوق کی نالی ہے مری سمت کہ جو
اس سے پہلے مری شہہ رگ کا لہو چاٹ چکی
پھر وہی آگ در آئی ہے مری گلیوں میں
پھر مرے شہر میں بارود کی بو پھیلی ہے
پھر سے ''تو کون ہے میں کون ہوں'' آپس میں سوال
پھر وہی سوچ میان من و تو پھیلی ہے
مری بستی سے پرے بھی مرے دشمن ہوں گے
پر یہاں کب کوئی اغیار کا لشکر اترا
آشنا ہاتھ ہی اکثر مری جانب لپکے
میرے سینے میں سدا اپنا ہی خنجر اترا
پھر وہی خوف کی دیوار تذبذب کی فضا
پھر وہی عام ہوئیں اہل ریا کی باتیں
نعرۂ حب وطن مال تجارت کی طرح
جنس ارزاں کی طرح دین خدا کی باتیں
اس سے پہلے بھی تو ایسی ہی گھڑی آئی تھی
صبح وحشت کی طرح شام غریباں کی طرح
اس سے پہلے بھی تو پیمان وفا ٹوٹے تھے
شیشۂ دل کی طرح آئینۂ جاں کی طرح
پھر کہاں احمریں ہونٹوں پہ دعاؤں کے دئیے
پھر کہاں شبنمیں چہروں پہ رفاقت کی ردا
صندلیں پاؤں سے مستانہ روی روٹھ گئی
مرمریں ہاتھوں پہ جل بجھ گیا انگار حنا
دل نشیں آنکھوں میں فرقت زدہ کاجل رویا
شاخ بازو کے لیے زلف کا بادل رویا
مثل پیراہن گل پھر سے بدن چاک ہوئے
جیسے اپنوں کی کمانوں میں ہوں اغیار کے تیر
اس سے پہلے بھی ہوا چاند محبت کا دو نیم
نوک دشنہ سے کھچی تھی مری دھرتی پہ لکیر
آج ایسا نہیں ایسا نہیں ہونے دینا
اے مرے سوختہ جانو مرے پیارے لوگو
اب کے گر زلزلے آئے تو قیامت ہوگی
میرے دلگیر مرے درد کے مارے لوگو
کسی غاصب کسی ظالم کسی قاتل کے لیے
خود کو تقسیم نہ کرنا مرے سارے لوگو
احمد فراز
© UrduPoint.com
All Rights Reserved
(9636) ووٹ وصول ہوئے
Related Ahmed Faraz Poetry
More Ahmed Faraz Poetry
روشنی رہتی تھی دل میں زخم جب تک تازہ تھا
Ahmed Faraz - احمد فراز
Roshni Rehti Thi Dil Mein Zakhm Jab Tak Taaza Tha
مستقل محرومیوں پر بھی تو دل مانا نہیں
Ahmed Faraz - احمد فراز
Mustaqil Mehromion Par Bhi To Dil Mana Nahi
ترس رہا ہوں مگر تو نظر نہ آ مجھ کو
Ahmed Faraz - احمد فراز
Taras Raha Hon Magar To Nazar Nah A Mujh Ko
کل ہم نے بزم یار میں کیا کیا شراب پی
Ahmed Faraz - احمد فراز
Kal Hum Ne Bazm Yaar Main Kya Kya Sharab Pi
جو قربتوں کے نشے تھے وہ اب اترنے لگے
Ahmed Faraz - احمد فراز
Jo Kurbatoun Ke Nashay Thay Woh Ab Utrney Lagey
ہر ایک بات نہ کیوں زہر سی ہماری لگے
Ahmed Faraz - احمد فراز
Har Aik Baat Nah Ku Zaher Si Hamari Lagey
تیری باتیں ہی سنانے آئے
Ahmed Faraz - احمد فراز
Teri Baten Hi Sunane Aaye
کل نالہ قمری کی صدا تک نہیں آئی
Ahmed Faraz - احمد فراز
Kal Naalaa Qamri Ki Sada Tak Nahin Aai
You can read Aey Mare Saray Logo written by Ahmed Faraz at UrduPoint. Aey Mare Saray Logo is one of the masterpieces written by Ahmed Faraz. You can also find the complete poetry collection of Ahmed Faraz by clicking on the button 'Read Complete Poetry Collection of Ahmed Faraz' above.
Aey Mare Saray Logo is a widely read Urdu Nazam. If you like Aey Mare Saray Logo, you will also like to read other famous Urdu Nazam.
You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.