Mare Shehr Ke Saray Raste Band Hain Logo, Urdu Nazam By Ahmed Faraz
Mare Shehr Ke Saray Raste Band Hain Logo is a famous Urdu Nazam written by a famous poet, Ahmed Faraz. Mare Shehr Ke Saray Raste Band Hain Logo comes under the Sad category of Urdu Nazam. You can read Mare Shehr Ke Saray Raste Band Hain Logo on this page of UrduPoint.
میرے شہر کے سارے رستے بند ہیں لوگو
احمد فراز
میرے شہر کے سارے رستے بند ہیں لوگو
میں اس شہر کا نغمہ گر
جو دو اک موسم غربت کے دکھ جھیل کے آیا
تاکہ اپنے گھر کی دیواروں سے
اپنی تھکی ہوئی اور ترسی ہوئی
آنکھیں سہلاؤں
اپنے دروازے کے اترتے روغن کو
اپنے اشکوں سے صیقل کر لوں
اپنے چمن کے جلے ہوئے پودوں
اور گرد آلود درختوں کی
مردہ شاخوں پر بین کروں
ہر مہجور ستون کو اتنا ٹوٹ کے چوموں
میرے لبوں کے خون سے
ان کے نقش و نگار سبھی جی اٹھیں
گلی کے لوگوں کو اتنا دیکھوں
اتنا دیکھوں
میری آنکھیں
برسوں کی ترسی ہوئی آنکھیں
چہروں کے آنگن بن جائیں
پھر میں اپنا ساز اٹھاؤں
آنسوؤں اور مسکانوں سے جھلمل جھلمل
نظمیں غزلیں گیت سناؤں
اپنے پیاروں
درد کے ماروں کا درماں بن جاؤں
لیکن میرے شہر کے سارے رستوں پر
اب باڑ ہے لوہے کے کانٹوں کی
شہ دروازے پر کچھ پہرے دار کھڑے ہیں
جو مجھ سے اور مجھ جیسے دل والوں کی
پہچان سے عاری
میرے ساز سے
سنگینوں سے بات کریں
میں ان سے کہتا ہوں
دیکھو
میں اس شہر کا نغمہ گر ہوں
برسوں بعد کڑی راہوں کی
ساری اذیت جھیل کے اب واپس آیا ہوں
اس مٹی کی خاطر
جس کی خوشبوئیں
دنیا بھر کی دوشیزاؤں کے جسموں کی مہکوں سے
اور سارے جہاں کے
سبھی گلابوں سے
بڑھ کر ہے
مجھ کو شہر میں
میرے شہر میں جانے دو
لیکن تنے ہوئے نیزوں نے
میرے جسم کو یوں برمایا
میرے ساز کو یوں ریزایا
میرا ہمکتا خون اور میرے سسکتے نغمے
شہ دروازے کی دہلیز سے
رستے رستے
شہر کے اندر جا پہنچے ہیں
اور میں اپنے جسم کا ملبہ
ساز کا لاشہ
اپنے شہر کے شہ دروازے
کی دہلیز پہ چھوڑ کے
پھر انجانے شہروں کی شہراہوں پر
مجبور سفر ہوں
جن کو تج کر گھر آیا تھا
جن کو تج کر گھر آیا تھا
احمد فراز
© UrduPoint.com
All Rights Reserved
(16399) ووٹ وصول ہوئے
Related Ahmed Faraz Poetry
More Ahmed Faraz Poetry
اس سے پہلے کہ بے وفا ہوجائیں
Ahmed Faraz - احمد فراز
Is Se Pehle Ke Be Wafa Ho Jayen
ملول کر ہمیں اتنا ملول کر ہمیں یتنا ملول کر جاناں
Ahmed Faraz - احمد فراز
Malul Kar Hume Itna Malul Kar Janaah
اگر یہ سب کچھ نہیں
Ahmed Faraz - احمد فراز
Agar Yeh Sab Kuch Nahi
ابھی ہم خوبصورت ہیں
Ahmed Faraz - احمد فراز
Abhi Hum Khoobsurat Hen
میں مر مٹا تو وہ سمجھا یہ انتہا تھی مری
Ahmed Faraz - احمد فراز
Mein Mar Mita To Woh Samjha Yeh Intihaa Thi Meri
دشت افسردہ میں اک پھول کھلا ہے سو کہا
Ahmed Faraz - احمد فراز
Dasht E Afsurda Mein Ek Phol Khila Hai Su Kaha
ایسے چپ ہیں کہ یہ منزل بھی کڑی ہو جیسے
Ahmed Faraz - احمد فراز
Aisay Chup Hain Ke Yeh Manzil Bhi Kari Ho Jaisay
انتساب
Ahmed Faraz - احمد فراز
Intsaab
You can read Mare Shehr Ke Saray Raste Band Hain Logo written by Ahmed Faraz at UrduPoint. Mare Shehr Ke Saray Raste Band Hain Logo is one of the masterpieces written by Ahmed Faraz. You can also find the complete poetry collection of Ahmed Faraz by clicking on the button 'Read Complete Poetry Collection of Ahmed Faraz' above.
Mare Shehr Ke Saray Raste Band Hain Logo is a widely read Urdu Nazam. If you like Mare Shehr Ke Saray Raste Band Hain Logo, you will also like to read other famous Urdu Nazam.
You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.