Hum KHwab-zada, Urdu Nazam By Ambar Bahraichi

Hum KHwab-zada is a famous Urdu Nazam written by a famous poet, Ambar Bahraichi. Hum KHwab-zada comes under the Love, Sad category of Urdu Nazam. You can read Hum KHwab-zada on this page of UrduPoint.

Urdu Poem English Poem

ہم خواب زدہ

عنبر بہرائچی

ہم خواب زدہ

پیلے موسم کے انگاروں سے جلے ہوئے

پلکوں میں رنگ برنگے خاکے بھرے ہوئے

سانسوں کو روکے ہوئے

مسلسل خوابیدہ ہیں

دیکھ رہے ہیں خود کو جنگل اور پہاڑوں کے شانوں پر اڑتے ہوئے

آگ اگلتے جھرنوں کی بانہوں میں نغمے گاتے ہوئے

خوش پیکر روپوش پرندوں کے ہمراہ فضا کی وسعت کو لرزیدہ کرتے ہوئے

سیاروں اور کہکشاؤں کی دنیا سے بھی کچھ آگے بڑھتے ہوئے

نیلے ساگر کے گہرے سینے میں پربت کی چوٹی پر مونگے کی گل رنگ چٹانوں پر

لہروں سے لڑتے ہوئے

ہم خواب زدہ پیلے موسم کے انگاروں سے جلے ہوئے

جینے کی خواہش میں ایسے لمحے روز چرا لیتے ہیں

خود سے خود کا کرب اسی تیور سے روز چھپا لیتے ہیں

آنکھیں کیا کھلتی ہیں پاگل بارہ سنگھوں کے حملوں سے

خود کو گھرا ہوا پاتے ہیں

ہم ہمت کے دھنی کھڑے تو ہو جاتے ہیں

لیکن اک عفریت ہمارے پیروں کو یوں کس لیتا ہے

ہم بے حس اور بے دست و پا ہو جاتے ہیں

خوابوں کی وادی میں پہنچ کر

خاک سمندر اور خلا کے

سب رنگوں سے ہاتھ ملا کے ہنس پڑتے ہیں

پلکوں کے صد رنگ طلسموں کی باہوں میں آخر کب تک

ہم سانسو کو بہلائیں گے

لمحوں کے اس جبر مسلسل سے خود کو کب رہا کریں گے

ہم خواب زدہ پیلے موسم کے انگاروں سے جلے ہوئے

عنبر بہرائچی

© UrduPoint.com

All Rights Reserved

Hum KHwab-zada

Ambar Bahraichi

hum KHwab-zada
pile mausam ke angaron se jale hue
palkon mein rang-birange KHake bhare hue
sanson ko roke hue
musalsal KHwabida hain
dekh rahe hain KHud ko jangal aur pahaDon ke shanon par uDte hue
aag ugalte jharnon ki banhon mein naghme gate hue
KHush-paikar ru-posh parindon ke ham-rah faza ki wusat ko larzida karte hue
sayyaron aur kahkashaon ki duniya se bhi kuchh aage baDhte hue
nile sagar ke gahre sine mein parbat ki choTi par munge ki gul-rang chaTTanon par
lahron se laDte hue
hum KHwab-zada pile mausam ke angaron se jale hue
jine ki KHwahish mein aise lamhe roz chura lete hain
KHud se KHud ka karb isi tewar se roz chhupa lete hain
aankhen kya khulti hain pagal barah-singhon ke hamlon se
KHud ko ghira hua pate hain
hum himmat ke dhani khaDe to ho jate hain
lekin ek ifrit hamare pairon ko yun kas leta hai
hum behis aur be-dast-o-pa ho jate hain
KHwabon ki wadi mein pahunch kar
KHak samundar aur KHala ke
sab rangon se hath mila ke hans paDte hain
palkon ke sad-rang tilismon ki bahon mein aaKHir kab tak
hum sanso ko bahlaenge
lamhon ke is jabr-e-musalsal se KHud ko kab riha karenge
hum KHwab-zada pile mausam ke angaron se jale hue

(681) ووٹ وصول ہوئے

Related Poetry

You can read Hum KHwab-zada written by Ambar Bahraichi at UrduPoint. Hum KHwab-zada is one of the masterpieces written by Ambar Bahraichi. You can also find the complete poetry collection of Ambar Bahraichi by clicking on the button 'Read Complete Poetry Collection of Ambar Bahraichi' above.

Hum KHwab-zada is a widely read Urdu Nazam. If you like Hum KHwab-zada, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.