Lakin

لیکن

تم نے تھاما ہاتھ جو میرا

میں نے سمجھا اپنے دل کی ساری باتیں

بس اب تم سے کہہ ڈالوں گی

اور تمہارے سینہ لگ کر

اپنے سارے غم رو لوں گی

لیکن تم بھی ہنستے چہرے کے دیوانہ

سچ ہے اب ہم اپنی اپنی دنیاؤں میں گم رہتے ہیں

یہ بھی سچ ہم دونوں بالکل تنہا جینا سیکھ گئے ہیں

سچ ہے چاہت کی وہ باتیں

دونوں ہی کو یاد نہیں ہیں

یہ بھی سچ تجدید وفا اب

نا ممکن ہے

سب کچھ سچ ہے

لیکن تم سے آنکھ ملاتے دل ڈرتا ہے

عنبرین حسیب عنبر

(724) ووٹ وصول ہوئے