KHwab Jo Bikhar Gae, Urdu Nazam By Amir Usmani
KHwab Jo Bikhar Gae is a famous Urdu Nazam written by a famous poet, Amir Usmani. KHwab Jo Bikhar Gae comes under the Love, Sad category of Urdu Nazam. You can read KHwab Jo Bikhar Gae on this page of UrduPoint.
خواب جو بکھر گئے
عامر عثمانی
جنہیں سحر نگل گئی، وہ خواب ڈھونڈھتا ہوں میں
کہاں گئی وہ نیند کی، شراب ڈھونڈھتا ہوں میں
مجھے نمک کی کان میں مٹھاس کی تلاش ہے
برہنگی کے شہر میں لباس کی تلاش ہے
وہ برف باریاں ہوئیں کہ پیاس خود ہی بجھ گئی
میں ساغروں کو کیا کروں کہ پیاس کی تلاش ہے
گھرا ہوا ہے ابر ماہتاب ڈھونڈھتا ہوں میں
جنہیں سحر نگل گئی، وہ خواب ڈھونڈھتا ہوں میں
کہاں گئی وہ نیند کی شراب ڈھونڈھتا ہوں میں
جو رک سکے تو روک دو یہ سیل رنگ و نور کا
مری نظر کو چاہئے وہی چراغ دور کا
کھٹک رہی ہے ہر کرن نظر میں خار کی طرح
چھپا دیا ہے تابشوں نے آئنہ شعور کا
نگاہ شوق جل اٹھی حجاب ڈھونڈھتا ہوں میں
جنہیں سحر نگل گئی وہ خواب ڈھونڈھتا ہوں میں
کہاں گئی وہ نیند کی شراب ڈھونڈھتا ہوں میں
یہ دھوپ زرد زرد سی یہ چاندنی دھواں دھواں
یہ طلعتیں بجھی بجھی، یہ داغ داغ کہکشاں
یہ سرخ سرخ پھول ہیں کہ زخم ہیں بہار کے
یہ اوس کی پھوار ہیں، کہ رو رہا ہے آسماں
دل و نظر کے موتیوں کی آب ڈھونڈھتا ہوں میں
جنہیں سحر نگل گئی وہ خواب ڈھونڈھتا ہوں میں
کہاں گئی وہ نیند کی شراب ڈھونڈھتا ہوں میں
یہ تلخ تلخ راحتیں، جراحتیں لیے ہوئے
یہ خونچکاں لطافتیں کثافتیں لیے ہوئے
یہ تار تار پیرہن عروسۂ بہار کا
یہ خندہ زن صداقتیں قیامتیں لیے ہوئے
زمین کی تہوں میں آفتاب ڈھونڈھتا ہوں میں
جنہیں سحر نگل گئی وہ خواب ڈھونڈھتا ہوں میں
کہاں گئی وہ نیند کی شراب ڈھونڈھتا ہوں میں
جو مرحلوں میں ساتھ تھے وہ منزلوں پہ چھٹ گئے
جو رات میں لٹے نہ تھے وہ دوپہر میں لٹ گئے
مگن تھا میں کہ پیار کے بہت سے گیت گاؤں گا
زبان گنگ ہو گئی، گلے میں گیت گھٹ گئے
کٹی ہوئی ہیں انگلیاں رباب ڈھونڈھتا ہوں میں
جنہیں سحر نگل گئی وہ خواب ڈھونڈھتا ہوں میں
کہاں گئی وہ نیند کی شراب ڈھونڈھتا ہوں میں
یہ کتنے پھول ٹوٹ کر بکھر گئے یہ کیا ہوا
یہ کتنے پھول شاخچوں پہ مر گئے یہ کیا ہوا
بڑھی جو تیز روشنی چمک اٹھی روش روش
مگر لہو کے داغ بھی ابھر گئے یہ کیا ہوا
انہیں چھپاؤں کس طرح نقاب ڈھونڈھتا ہوں میں
جنہیں سحر نگل گئی وہ خواب ڈھونڈھتا ہوں میں
کہاں گئی وہ نیند کی شراب ڈھونڈھتا ہوں میں
خوشا وہ دور بے خودی کہ جستجوئے یار تھی
جو درد میں سرور تھا تو بے کلی قرار تھی
کسی نے زہر غم دیا تو مسکرا کے پی گئے
تڑپ میں بھی سکوں نہ تھا، خلش بھی سازگار تھی
حیات شوق کا وہی سراب ڈھونڈھتا ہوں میں
جنہیں سحر نگل گئی وہ خواب ڈھونڈھتا ہوں میں
کہاں گئی وہ نیند کی شراب ڈھونڈھتا ہوں میں
خلوص بے شعور کی وہ زود اعتباریاں
وہ شوق سادہ لوح کی حسین خامکاریاں
نئی سحر کے خال و خد، نگاہ میں بسے ہوئے
خیال ہی خیال میں، وہ حاشیہ نگاریاں
جو دے گیا فریب وہ، شباب ڈھونڈھتا ہوں میں
جنہیں سحر نگل گئی وہ خواب ڈھونڈھتا ہوں میں
کہاں گئی وہ نیند کی شراب ڈھونڈھتا ہوں میں
وہ لعل و لب کے تذکرے، وہ زلف و رخ کے زمزمے
وہ کاروبار آرزو وہ ولولے، وہ ہمہمے
دل و نظر کی جان تھا وہ دور جو گزر گیا
نہ اب کسی سے دل لگے نہ اب کہیں نظر جمے
سمند وقت جا چکا رکاب ڈھونڈھتا ہوں میں
جنہیں سحر نگل گئی وہ خواب ڈھونڈھتا ہوں میں
کہاں گئی وہ نیند کی شراب ڈھونڈھتا ہوں میں
نہ عشق با ادب رہا، نہ حسن میں حیا رہی
ہوس کی دھوم دھام ہے، نگر نگر، گلی گلی
قدم قدم کھلے ہوئے ہیں مکر و فن کے مدرسے
مگر یہ میری سادگی تو دیکھیے کہ آج بھی
وفا کی درس گاہوں کا نصاب ڈھونڈھتا ہوں میں
جنہیں سحر نگل گئی وہ خواب ڈھونڈھتا ہوں میں
کہاں گئی وہ نیند کی شراب ڈھونڈھتا ہوں میں
بہت دنوں میں راستہ حریم ناز کا ملا
مگر حریم ناز تک پہنچ گئے تو کیا ملا
مرے سفر کے ساتھیو! تمہیں سے پوچھتا ہوں میں
بتاؤ کیا صنم ملے، بتاؤ کیا خدا ملا
جواب چاہئے مجھے جواب ڈھونڈھتا ہوں میں
جنہیں سحر نگل گئی وہ خواب ڈھونڈھتا ہوں میں
کہاں گئی وہ نیند کی شراب ڈھونڈھتا ہوں میں
عامر عثمانی
© UrduPoint.com
All Rights Reserved
Amir Usmani KHwab Jo Bikhar Gae
Amir Usmani
kahan gai wo nind ki, sharab DhunDhta hun main
mujhe namak ki kan mein miThas ki talash hai
barahnagi ke shahr mein libas ki talash hai
wo barf-bariyan huin ki pyas KHud hi bujh gai
main sagharon ko kya karun ki pyas ki talash hai
ghira hua hai abr mahtab DhunDhta hun main
jinhen sahar nigal gai, wo KHwab DhunDhta hun main
kahan gai wo nind ki sharab DhunDhta hun main
jo ruk sake to rok do ye sail rang-o-nur ka
meri nazar ko chahiye wahi charagh dur ka
khaTak rahi hai har kiran nazar mein KHar ki tarah
chhupa diya hai tabishon ne aaina shuur ka
nigah-e-shauq jal uThi hijab DhunDhta hun main
jinhen sahar nigal gai wo KHwab DhunDhta hun main
kahan gai wo nind ki sharab DhunDhta hun main
ye dhup zard zard si ye chandni dhuan dhuan
ye talaten bujhi bujhi, ye dagh dagh kahkashan
ye surKH surKH phul hain ki zaKHm hain bahaar ke
ye os ki phuwar hain, ki ro raha hai aasman
dil o nazar ke motiyon ki aab DhunDhta hun main
jinhen sahar nigal gai wo KHwab DhunDhta hun main
kahan gai wo nind ki sharab DhunDhta hun main
ye talKH talKH rahaten, jarahaten liye hue
ye KHun-chakan latafaten kasafaten liye hue
ye tar tar pairahan urusa-e-bahaar ka
ye KHanda-zan sadaqaten qayamaten liye hue
zamin ki tahon mein aaftab DhunDhta hun main
jinhen sahar nigal gai wo KHwab DhunDhta hun main
kahan gai wo nind ki sharab DhunDhta hun main
jo marhalon mein sath the wo manzilon pe chhuT gae
jo raat mein luTe na the wo dopahar mein luT gae
magan tha main ki pyar ke bahut se git gaunga
zaban gung ho gai, gale mein git ghuT gae
kaTi hui hain ungliyan rubab DhunDhta hun main
jinhen sahar nigal gai wo KHwab DhunDhta hun main
kahan gai wo nind ki sharab DhunDhta hun main
ye kitne phul TuT kar bikhar gae ye kya hua
ye kitne phul shaKHchon pe mar gae ye kya hua
baDhi jo tez raushni chamak uThi rawish rawish
magar lahu ke dagh bhi ubhar gae ye kya hua
inhen chhupaun kis tarah naqab DhunDhta hun main
jinhen sahar nigal gai wo KHwab DhunDhta hun main
kahan gai wo nind ki sharab DhunDhta hun main
KHusha wo daur-e-be-KHudi ki justuju-e-yar thi
jo dard mein surur tha to be-kali qarar thi
kisi ne zahr-e-gham diya to muskura ke pi gae
taDap mein bhi sukun na tha, KHalish bhi sazgar thi
hayat-e-shauq ka wahi sarab DhunDhta hun main
jinhen sahar nigal gai wo KHwab DhunDhta hun main
kahan gai wo nind ki sharab DhunDhta hun main
KHulus-e-be-shuur ki wo zud-etabariyan
wo shauq-e-sada-lauh ki hasin KHam-kariyan
nai sahar ke KHal-o-KHad, nigah mein base hue
KHayal hi KHayal mein, wo hashiya-nigariyan
jo de gaya fareb wo, shabab DhunDhta hun main
jinhen sahar nigal gai wo KHwab DhunDhta hun main
kahan gai wo nind ki sharab DhunDhta hun main
wo lal o lab ke tazkire, wo zulf o ruKH ke zamzame
wo karobar-e-arzu wo walwale, wo hamhame
dil o nazar ki jaan tha wo daur jo guzar gaya
na ab kisi se dil lage na ab kahin nazar jame
samand-e-waqt ja chuka rikab DhunDhta hun main
jinhen sahar nigal gai wo KHwab DhunDhta hun main
kahan gai wo nind ki sharab DhunDhta hun main
na ishq ba-adab raha, na husn mein haya rahi
hawas ki dhum-dham hai, nagar nagar, gali gali
qadam qadam khule hue hain makr-o-fan ke madrase
magar ye meri sadgi to dekhiye ki aaj bhi
wafa ki dars-gahon ka nisab DhunDhta hun main
jinhen sahar nigal gai wo KHwab DhunDhta hun main
kahan gai wo nind ki sharab DhunDhta hun mein
bahut dinon mein rasta harim-e-naz ka mila
magar harim-e-naz tak pahunch gae to kya mila
mere safar ke sathiyo! tumhin se puchhta hun main
batao kya sanam mile, batao kya KHuda mila
jawab chahiye mujhe jawab DhunDhta hun main
jinhen sahar nigal gai wo KHwab DhunDhta hun main
kahan gai wo nind ki sharab DhunDhta hun main
(2692) ووٹ وصول ہوئے
More Amir Usmani Poetry
کتنی پامال امنگوں کا ہے مدفن مت پوچھ
Amir Usmani - عامر عثمانی
Kitni Pamal Umangon Ka Hai Madfan Mat Puchh
یہ قدم قدم بلائیں یہ سواد کوئے جاناں (ردیف .. ی)
Amir Usmani - عامر عثمانی
Ye Qadam Qadam Balaen Ye Sawad-e-ku-e-jaanan
اس کے وعدوں سے اتنا تو ثابت ہوا اس کو تھوڑا سا پاس تعلق تو ہے
Amir Usmani - عامر عثمانی
Uske Wadon Se Itna To Sabit Hua Usko Thoda Sa Pas-e-talluq To Hai
ظاہراً توڑ لیا ہم نے بتوں سے رشتہ (ردیف .. و)
Amir Usmani - عامر عثمانی
Zahiran Tod Liya Humne Buton Se Rishta
سبق ملا ہے یہ اپنوں کا تجربہ کر کے (ردیف .. ن)
Amir Usmani - عامر عثمانی
Sabaq Mila Hai Ye Apnon Ka Tajraba Kar Ke
تھی سیاہیوں کا مسکن مری زندگی کی وادی
Amir Usmani - عامر عثمانی
Thi Siyahiyon Ka Maskan Meri Zindagi Ki Wadi
آپ کی راہ میں کیا کیا نہ سہا تھا ہم نے
Amir Usmani - عامر عثمانی
Aap Ki Rah Mein Kya Kya Na Saha Tha Humne
التجا
Amir Usmani - عامر عثمانی
Iltija
You can read KHwab Jo Bikhar Gae written by Amir Usmani at UrduPoint. KHwab Jo Bikhar Gae is one of the masterpieces written by Amir Usmani. You can also find the complete poetry collection of Amir Usmani by clicking on the button 'Read Complete Poetry Collection of Amir Usmani' above.
KHwab Jo Bikhar Gae is a widely read Urdu Nazam. If you like KHwab Jo Bikhar Gae, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.
Mir Taqi Mir 
Majeed Amjad 
Nazeer Qaisar 
Yagana Changezi 
Jaun Elia 
Mohammad Ibrahim Zauq 
Amjad Islam Amjad 
Khwaja Haidar Ali Aatish 
Lala Anoop Chand Aaftab Panipati 
Mirza Mahmood Sarhadi 
Mahwar Sirsivi 
Khalid Azaz 
Ibn E Mufti