Mahatma-gandhi Ka Qatl, Urdu Nazam By Anand Narayan Mulla
Mahatma-gandhi Ka Qatl is a famous Urdu Nazam written by a famous poet, Anand Narayan Mulla. Mahatma-gandhi Ka Qatl comes under the Love, Sad category of Urdu Nazam. You can read Mahatma-gandhi Ka Qatl on this page of UrduPoint.
مہاتما گاندھی کا قتل
آنند نرائن ملا
مشرق کا دیا گل ہوتا ہے مغرب پہ سیاہی چھاتی ہے
ہر دل سن سا ہو جاتا ہے ہر سانس کی لو تھراتی ہے
اتر دکھن پورب پچھم ہر سمت سے اک چیخ آتی ہے
نوع انساں کاندھوں پہ لئے گاندھی کی ارتھی جاتی ہے
آکاش کے تارے بجھتے ہیں دھرتی سے دھواں سا اٹھتا ہے
دنیا کو یہ لگتا ہے جیسے سر سے کوئی سایا اٹھتا ہے
کچھ دیر کو نبض عالم بھی چلتے چلتے رک جاتی ہے
ہر ملک کا پرچم گرتا ہے ہر قوم کو ہچکی آتی ہے
تہذیب جہاں تھراتی ہے تاریخ بشر شرماتی ہے
موت اپنے کٹے پر خود جیسے دل ہی دل میں پچھتاتی ہے
انساں وہ اٹھا جس کا ثانی صدیوں میں بھی دنیا جن نہ سکی
مورت وہ مٹی نقاش سے بھی جوبن کے دوبارہ بن نہ سکی
دیکھا نہیں جاتا آنکھوں سے یہ منظر عبرتناک وطن
پھولوں کے لہو کے پیاسے ہیں اپنے ہی خس و خاشاک وطن
ہاتھوں سے بجھایا خود اپنے وہ شعلۂ روح پاک وطن
داغ اس سے سیہ تر کوئی نہیں دامن پہ ترے اے خاک وطن
پیغام اجل لائی اپنے اس سب سے بڑے محسن کے لئے
اے وائے طلوع آزادی آزاد ہوئے اس دن کے لئے
جب ناخن حکمت ہی ٹوٹے دشوار کو آساں کون کرے
جب خشک ہوا ابر باراں ہی شاخوں کو گل افشاں کون کرے
جب شعلۂ مینا سرد ہو خود جاموں کو فروزاں کون کرے
جب سورج ہی گل ہو جائے تاروں میں چراغاں کون کرے
ناشاد وطن افسوس تری قسمت کا ستارہ ٹوٹ گیا
انگلی کو پکڑ کر چلتے تھے جس کی وہی رہبر چھوٹ گیا
اس حسن سے کچھ ہستی میں تری اضداد ہوئے تھے آ کے بہم
اک خواب و حقیقت کا سنگم مٹی پہ قدم نظروں میں ارم
اک جسم نحیف و زار مگر اک عزم جوان و مستحکم
چشم بینا معصوم کا دل خورشید نفس ذوق شبنم
وہ عجز غرور سلطاں بھی جس کے آگے جھک جاتا تھا
وہ موم کہ جس سے ٹکرا کر لوہے کو پسینہ آتا تھا
سینے میں جو دے کانٹوں کو بھی جا اس گل کی لطافت کیا کہئے
جو زہر پئے امرت کر کے اس لب کی حلاوت کیا کہئے
جس سانس میں دنیا جاں پائے اس سانس کی نکہت کیا کہئے
جس موت پہ ہستی ناز کرے اس موت کی عظمت کیا کہئے
یہ موت نہ تھی قدرت نے ترے سر پر رکھا اک تاج حیات
تھی زیست تری معراج وفا اور موت تری معراج حیات
یکساں نزدیک و دور پہ تھا باران فیض عام ترا
ہر دشت و چمن ہر کوہ و دمن میں گونجا ہے پیغام ترا
ہر خشک و تر ہستی پہ رقم ہے خط جلی میں نام ترا
ہر ذرہ میں تیرا معبد ہر قطرہ تیرتھ دھام ترا
اس لطف و کرم کے آئیں میں مر کر بھی نہ کچھ ترمیم ہوئی
اس ملک کے کونے کونے میں مٹی بھی تری تقسیم ہوئی
تاریخ میں قوموں کی ابھرے کیسے کیسے ممتاز بشر
کچھ ملک کے تخت نشیں کچھ تخت فلک کے تاج بسر
اپنوں کے لئے جام و صہبا اوروں کے لئے شمشیر و تبر
نرد و انساں ٹپتی ہی رہی دنیا کی بساط طاقت پر
مخلوق خدا کی بن کے سپر میداں میں دلاور ایک تو ہی
ایماں کے پیمبر آئے بہت انساں کا پیمبر ایک تو ہی
بازوئے فردا اڑ اڑ کے تھکے تری رفعت تک جا نہ سکے
ذہنوں کی تجلی کام آئی خاکے بھی ترے ہاتھ آ نہ سکے
الفاظ و معنی ختم ہوئے عنواں بھی ترا اپنا نہ سکے
نظروں کے کنول جل جل کے بجھے پرچھائیں بھی تیری پا نہ سکے
ہر علم و یقیں سے بالاتر تو ہے وہ سپہر تابندہ
صوفی کی جہاں نیچی ہے نظر شاعر کا تصور شرمندہ
پستئ سیاست کو تو نے اپنے قامت سے رفعت دی
ایماں کی تنگ خیالی کو انساں کے غم کی وسعت دی
ہر سانس سے درس امن دیا ہر جبر پہ داد الفت دی
قاتل کو بھی گر لب ہل نہ سکے آنکھوں سے دعائے رحمت دی
ہنسا کو اہنسا کا اپنی پیغام سنانے آیا تھا
نفرت کی ماری دنیا میں اک پریم سندیسہ لایا تھا
اس پریم سندیسے کو تیرے سینوں کی امانت بننا ہے
سینوں سے کدورت دھونے کو اک موج ندامت بننا ہے
اس موج کو بڑھتے بڑھتے پھر سیلاب محبت بننا ہے
اس سیل رواں کے دھارے کو اس ملک کی قسمت بننا ہے
جب تک نہ بہے گا یہ دھارا شاداب نہ ہوگا باغ ترا
اے خاک وطن دامن سے ترے دھلنے کا نہیں یہ داغ ترا
جاتے جاتے بھی تو ہم کو اک زیست کا عنواں دے کے گیا
بجھتی ہوئی شمع محفل کو پھر شعلۂ رقصاں دے کے گیا
بھٹکے ہوئے گام انساں کو پھر جادۂ انساں دے کے گیا
ہر ساحل ظلمت کو اپنا مینار درخشاں دے کے گیا
تو چپ ہے لیکن صدیوں تک گونجے گی صدائے ساز تری
دنیا کو اندھیری راتوں میں ڈھارس دے گی آواز تری
آنند نرائن ملا
© UrduPoint.com
All Rights Reserved
Mahatma-gandhi Ka Qatl
Anand Narayan Mulla
har dil san sa ho jata hai har sans ki lau tharraati hai
uttar dakhkhin purab pachchhim har samt se ek chiKH aati hai
nau-e-insan kandhon pe liye gandhi ki arthi jati hai
aakash ke tare bujhte hain dharti se dhuan sa uThta hai
duniya ko ye lagta hai jaise sar se koi saya uThta hai
kuchh der ko nabz-e-alam bhi chalte chalte ruk jati hai
har mulk ka parcham girta hai har qaum ko hichki aati hai
tahzib jahan tharraati hai tariKH-e-bashar sharmati hai
maut apne kaTe par KHud jaise dil hi dil mein pachhtati hai
insan wo uTha jis ka sani sadiyon mein bhi duniya jan na saki
murat wo miTi naqqash se bhi joban ke dobara ban na saki
dekha nahin jata aankhon se ye manzar-e-ibratnak-e-watan
phulon ke lahu ke pyase hain apne hi KHas-o-KHashak-e-watan
hathon se bujhaya KHud apne wo shoala-e-ruh pak-e-watan
dagh us se siyah-tar koi nahin daman pe tere ai KHak-e-watan
paigham-e-ajal lai apne us sab se baDe mohsin ke liye
ai wae-tulu-e-azadi aazad hue us din ke liye
jab naKHun-e-hikmat hi TuTe dushwar ko aasan kaun kare
jab KHushk hua abr-e-baran hi shaKHon ko gul-afshan kaun kare
jab shoala-e-mina sard ho KHud jamon ko farozan kaun kare
jab suraj hi gul ho jae taron mein charaghan kaun kare
nashad watan afsos teri qismat ka sitara TuT gaya
ungli ko pakaD kar chalte the jis ki wahi rahbar chhuT gaya
us husn se kuchh hasti mein teri azdad hue the aa ke baham
ek KHwab-o-haqiqat ka sangam miTTi pe qadam nazron mein iram
ek jism-e-nahif-o-zar magar ek azm-e-jawan-o-mustahkam
chashm-e-bina masum ka dil KHurshid nafas zauq-e-shabnam
wo ijz-e-ghurur-e-sultan bhi jis ke aage jhuk jata tha
wo mom ki jis se Takra kar lohe ko pasina aata tha
sine mein jo de kanTon ko bhi ja us gul ki latafat kya kahiye
jo zahar piye amrit kar ke us lab ki halawat kya kahiye
jis sans mein duniya jaan pae us sans ki nikhat kya kahiye
jis maut pe hasti naz kare us maut ki azmat kya kahiye
ye maut na thi qudrat ne tere sar par rakkha ek taj-e-hayat
thi zist teri meraj-e-wafa aur maut teri meraj-e-hayat
yaksan nazdik-o-dur pe tha baran-e-faiz-e-am tera
har dasht-o-chaman har koh-o-daman mein gunja hai paigham tera
har KHushk-o-tar hasti pe raqam hai KHatt-e-jali mein nam tera
har zarre mein tera mabad har qatra tirath dham tera
us lutf-o-karam ke aain mein mar kar bhi na kuchh tarmim hui
is mulk ke kone kone mein miTTi bhi teri taqsim hui
tariKH mein qaumon ki ubhre kaise kaise mumtaz bashar
kuchh mulk ke taKHt-nashin kuchh taKHt-falak ke taj-basar
apnon ke liye jam-o-sahba auron ke liye shamshir-o-tabar
nard-e-insan Tapti hi rahi duniya ki bisat-e-taqat par
maKHluq KHuda ki ban ke sipar maidan mein dilawar ek tu hi
iman ke payambar aae bahut insan ka payambar ek tu hi
bazu-e-farda uD uD ke thake teri rifat tak ja na sake
zehnon ki tajalli kaam aai KHake bhi tere hath aa na sake
alfaz-o-mani KHatm hue unwan bhi tera apna na sake
nazron ke kanwal jal jal ke bujhe parchhain bhi teri pa na sake
har ilm-o-yaqin se baala-tar tu hai wo sipehr-e-tabinda
sufi ki jahan nichi hai nazar shair ka tasawwur sharminda
pasti-e-siyasat ko tu ne apne qamat se rifat di
iman ki tang-KHayali ko insan ke gham ki wusat di
har sans se dars-e-aman diya har jabr pe dad-e-ulfat di
qatil ko bhi gar lab hil na sake aankhon se dua-e-rahmat di
hinsa ko ahinsa ka apni paigham sunane aaya tha
nafrat ki mari duniya mein ek prem sandesa laya tha
us prem sandese ko tere sinon ki amanat banna hai
sinon se kudurat dhone ko ek mauj-e-nadamat banna hai
us mauj ko baDhte baDhte phir sailab-e-mohabbat banna hai
us sail-e-rawan ke dhaare ko is mulk ki qismat banna hai
jab tak na bahega ye dhaara shadab na hoga bagh tera
ai KHak-e-watan daman se tere Dhulne ka nahin ye dagh tera
jate jate bhi to hum ko ek zist ka unwan de ke gaya
bujhti hui sham-e-mahfil ko phir shoala-e-raqsan de ke gaya
bhaTke hue gam-e-insan ko phir jada-e-insan de ke gaya
har sahil-e-zulmat ko apna minar-e-daraKHshan de ke gaya
tu chup hai lekin sadiyon tak gunjegi sada-e-saz teri
duniya ko andheri raaton mein Dhaaras degi aawaz teri
(901) ووٹ وصول ہوئے
Related Anand Narayan Mulla Poetry
Related Poetry
More Anand Narayan Mulla Poetry
ہر اک صورت پہ دھوکا کھا رہی ہیں تیری صورت کا
Anand Narayan Mulla - آنند نرائن ملا
Har Ek Surat Pe Dhoka Kha Rahi Hain Teri Surat Ka
مختصر اپنی حدیث زیست یہ ہے عشق میں (ردیف .. ے)
Anand Narayan Mulla - آنند نرائن ملا
Mukhtasar Apni Hadis-e-zist Ye Hai Ishq Mein
گلے لگا کے کیا نذر شعلۂ آتش (ردیف .. ے)
Anand Narayan Mulla - آنند نرائن ملا
Gale Laga Ke Kiya Nazr-e-shoala-e-atish
ہوا ناسازگار گلستاں معلوم ہوتی ہے
Anand Narayan Mulla - آنند نرائن ملا
Hawa Na-sazgar-e-gulsitan Malum Hoti Hai
دل بے تاب کا انداز بیاں ہے ورنہ (ردیف .. ن)
Anand Narayan Mulla - آنند نرائن ملا
Dil-e-betab Ka Andaz-e-bayan Hai Warna
اب اپنے دیدہ و دل کا بھی اعتبار نہیں
Anand Narayan Mulla - آنند نرائن ملا
Ab Apne Dida-o-dil Ka Bhi Etibar Nahin
فرق جو کچھ ہے وہ مطرب میں ہے اور ساز میں ہے
Anand Narayan Mulla - آنند نرائن ملا
Farq Jo Kuchh Hai Wo Mutrib Mein Hai Aur Saz Mein Hai
جب دل میں ذرا بھی آس نہ ہو اظہار تمنا کون کرے
Anand Narayan Mulla - آنند نرائن ملا
Jab Dil Mein Zara Bhi Aas Na Ho Izhaar-e-tamanna Kaun Kare
You can read Mahatma-gandhi Ka Qatl written by Anand Narayan Mulla at UrduPoint. Mahatma-gandhi Ka Qatl is one of the masterpieces written by Anand Narayan Mulla. You can also find the complete poetry collection of Anand Narayan Mulla by clicking on the button 'Read Complete Poetry Collection of Anand Narayan Mulla' above.
Mahatma-gandhi Ka Qatl is a widely read Urdu Nazam. If you like Mahatma-gandhi Ka Qatl, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.