Dekha Jo Marg To Marna Ziyan Na Tha, Urdu Ghazal By Anwar Dehlvi
Dekha Jo Marg To Marna Ziyan Na Tha is a famous Urdu Ghazal written by a famous poet, Anwar Dehlvi. Dekha Jo Marg To Marna Ziyan Na Tha comes under the Love, Sad category of Urdu Ghazal. You can read Dekha Jo Marg To Marna Ziyan Na Tha on this page of UrduPoint.
دیکھا جو مرگ تو مرنا زیاں نہ تھا
انور دہلوی
دیکھا جو مرگ تو مرنا زیاں نہ تھا
فانی کے بدلے ملک بقا کچھ گراں نہ تھا
شب کو بغل میں تھا بھی تو وہ دلستاں نہ تھا
شوخی یہ کہہ رہی تھی کہ یاں تھا وہاں نہ تھا
بے وجہ منہ چھپانے سے جو تھا نہاں نہ تھا
پر خیر تھی کچھ اس میں کہ میں بد گمان نہ تھا
یہ تو نہیں کہ اب کے وہ مطلق وہاں نہ تھا
لیکن سوال وصل یہ کہنے کو ہاں نہ تھا
وہ بت ہی کہوں زمیں پہ جو بلہ گراں نہ تھا
ہم سنگ لیکن اس کا مگر آسماں نہ تھا
حسرت کے صدقے آنکھ کے ملتے ہی کھل گیا
وہ کچھ کہ ممکنات سے جس کا بیاں نہ تھا
نالہ جو اپنا پایۂ تاثیر سے گرا
اتنا سبک ہوا کہ میں اتنا گراں نہ تھا
تھے بزم میں وہ غنچۂ افسردہ شرم سے
کیوں کر کہوں بہار میں رنگ خزاں نہ تھا
کیسی حیا کہاں کی وفا پاس خلق کیا
ہاں یہ سہی کہ آپ کو آنا یہاں نہ تھا
سب کام اپنی ایک نگہ پر ہیں منحصر
گویا مرے لیے تو بنا آسماں نہ تھا
کیوں مجھ پہ تیز کی نگہ قہر کی چھری
میں دور چرخ میں کوئی سنگ فساں نہ تھا
کچھ اپنے دل کے ولولے کچھ زاہدوں کی ضد
سر پھوڑنے کو ورنہ وہی آستاں نہ تھا
آئینہ کو وہ دیکھتے ہیں ان کی شکل ہم
تھا ہم کو وہ گماں کہ انہیں وہ گماں نہ تھا
انکار محض محض غلط میزباں سہی
مانا کہ بزم غیر میں تو میہماں نہ تھا
دشمن حریف راہ وفا ہے خدا کی شاں
وہاں جس پہ تھا یقین مجھے اس کا گماں نہ تھا
حیران ہوں حجاب جدائی اٹھا نہ کیوں
وہ نازنیں تھے میں تو کوئی ناتواں نہ تھا
اب آسماں بن کے مرا مدعی بنا
تھی لب پہ کچھ فغاں تو فلک کا نشاں نہ تھا
ٹپکا زمیں پہ گر فلک پیر کو تو کیا
پھر یہ کہیں گے سب کہ وہ کچھ نوجواں نہ تھا
کچھ جذب دل میں جان کے سمجھے تھے ان کو پاس
ایک وہم سے یقین پہ کیا کچھ گماں نہ تھا
گردوں سے آج ہے فلک ظلم پھٹ پڑا
سینہ میں آج ہی دم آتش فشاں نہ تھا
حسن جہاں فروز سے جس جا نہ تھے وہ بت
میں بے نشانیوں سے جہاں تھا وہاں نہ تھا
یوں خامشی سے خوش کہ وہ تصویر تھے مگر
یوں بات سے بتنگ کہ گویاں وہاں نہ تھا
بھاری ہوئے یہاں تو سبک ہوگی زندگی
وہاں تو نظر سے ہم کو گرانا گراں نہ تھا
تھے بے خودی میں پاس وہ ہوش آئی تو گئے
چوکے غضب ہی ہوش میں آنا یہاں نہ تھا
آنا یہ ان کا صبح کو میری اجل کے ساتھ
یعنی کہ نالۂ شب غم رائیگاں نہ تھا
تھا کچھ شکست دل سے مرا امتحان صبر
وہاں اپنی نازکی کا فقط امتحاں نہ تھا
بے مہر یوں نہ ہو کہ یہ خوش ہو کے میں کہوں
شاید کہ تو رقیب پہ بھی مہرباں نہ تھا
میں اور روز وصل عدو اور شب فراق
یہاں آسماں نہ تھا کہ وہاں آسماں نہ تھا
فرہاد کوہ کن تھا یہ اک ہلکی بات ہے
عاشق تھا بے ستوں کا اٹھانا گراں نہ تھا
شب مجھ سے آنکھ ملتی رہی دل رقیب سے
یہاں یوں ستم رہا کہ کسی پر عیاں نہ تھا
تھا دوستوں کا یار طریق اور دلوں سے دور
کیا تھا جو میں غبار پس کارواں نہ تھا
حیران ہوں کہ دم میں ترے کیونکہ آ گیا
میں ورنہ اپنے دل میں کہاں سے کہاں نہ تھا
مرتا ہوں کہ کیوں نہ رہا دل میں تیر یار
آرام جاں تھا کوئی آزار جاں نہ تھا
دیکھا نہ آنکھ اٹھا کے مجھے نازکی سے جھوٹ
ایسا تو کچھ نگاہ کا اٹھانا گراں نہ تھا
خالی در ان کا پایا تو دل وہم سے رکا
تھا پاسباں میں آپ جو وہاں پاسباں نہ تھا
کس بے دلی سے ہجر میں کی ہم نے زندگی
دل تھا کہاں کہ یہاں وہ بت دلستاں نہ تھا
مٹ جانا اپنا اس کا رہا سب کے دل پہ نقش
ایک یہ بھی تھا نشاں کہ مرا کچھ نشاں نہ تھا
کچھ وہم سد راہ ستم تھا کہ وقت ذبح
میرے گلو پہ خنجر قاتل رواں نہ تھا
انورؔ نے بدلے جان کے لی جنس درد دل
اور اس پہ ناز یہ کہ یہ سودا گراں نہ تھا
انور دہلوی
© UrduPoint.com
All Rights Reserved
Dekha Jo Marg To Marna Ziyan Na Tha
Anwar Dehlvi
fani ke badle mulk-e-baqa kuchh garan na tha
shab ko baghal mein tha bhi to wo dilsitan na tha
shoKHi ye kah rahi thi ki yan tha wahan na tha
be-wajh munh chhupane se jo tha nihan na tha
par KHair thi kuchh is mein ki main bad-guman na tha
ye to nahin ki ab ke wo mutlaq wahan na tha
lekin sawal-e-wasl ye kahne ko han na tha
wo but hi kahun zamin pe jo bala-garan na tha
ham-sang lekin us ka magar aasman na tha
hasrat ke sadqe aankh ke malte hi khul gaya
wo kuchh ki mumkinat se jis ka bayan na tha
nala jo apna paya-e-tasir se gira
itna subuk hua ki main itna garan na tha
the bazm mein wo ghuncha-e-afsurda sharm se
kyunkar kahun bahaar mein rang-e-KHizan na tha
kaisi haya kahan ki wafa pas-e-KHalq kya
han ye sahi ki aap ko aana yahan na tha
sab kaam apni ek nigah par hain munhasir
goya mere liye to bana aasman na tha
kyun mujh pe tez ki nigah-e-qahr ki chhuri
main daur-e-charKH mein koi sang-e-fasan na tha
kuchh apne dil ke walwale kuchh zahidon ki zid
sar phoDne ko warna wahi aastan na tha
aaina ko wo dekhte hain un ki shakl hum
tha hum ko wo guman ki unhin wo guman na tha
inkar mahz mahz ghalat mezban sahi
mana ki bazm-e-ghair mein tu mehman na tha
dushman harif-e-rah-e-wafa hai KHuda ki shan
wahan jis pe tha yaqin mujhe us ka guman na tha
hairan hun hijab-e-judai uTha na kyun
wo naznin the main to koi na-tawan na tha
ab aasman ban ke mera muddai bana
thi lab pe kuchh fughan to falak ka nishan na tha
Tapka zamin pe gar falak-e-pir ko to kya
phir ye kahenge sab ki wo kuchh naujawan na tha
kuchh jazb dil mein jaan ke samjhe the un ko pas
ek wahm se yaqin pe kya kuchh guman na tha
gardun se aaj hai falak-e-zulm phaT paDa
sina mein aaj hi dam-e-atish-fishan na tha
husn-e-jahan-faroz se jis ja na the wo but
main be-nishaniyon se jahan tha wahan na tha
yun KHamushi se KHush ki wo taswir the magar
yun baat se ba-tang ki guyyan wahan na tha
bhaari hue yahan to subuk hogi zindagi
wahan to nazar se hum ko girana garan na tha
the be-KHudi mein pas wo hosh aai to gae
chuke ghazab hi hosh mein aana yahan na tha
aana ye un ka subh ko meri ajal ke sath
yani ki nala-e-shab-e-gham raegan na tha
tha kuchh shikast-e-dil se mera imtihan-e-sabr
wahan apni nazuki ka faqat imtihan na tha
be-mehr yun na ho ki ye KHush ho ke main kahun
shayad ki tu raqib pe bhi mehrban na tha
main aur roz-e-wasl-e-adu aur shab-e-firaq
yahan aasman na tha ki wahan aasman na tha
farhad kohkan tha ye ek halki baat hai
aashiq tha be-sutun ka uThana garan na tha
shab mujh se aankh malti rahi dil raqib se
yahan yun sitam raha ki kisi par ayan na tha
tha doston ka yar tariq aur dilon se dur
kya tha jo main ghubar-e-pas-e-karwan na tha
hairan hun ki dam mein tere kyunki aa gaya
main warna apne dil mein kahan se kahan na tha
marta hun ki kyun na raha dil mein tir-e-yar
aaram-jaan tha koi aazar-jaan na tha
dekha na aankh uTha ke mujhe nazuki se jhuT
aisa to kuchh nigah ka uThana garan na tha
KHali dar un ka paya to dil wahm se ruka
tha pasban mein aap jo wahan pasban na tha
kis be-dili se hijr mein ki hum ne zindagi
dil tha kahan ki yahan wo but-e-dilsitan na tha
miT jaana apna us ka raha sab ke dil pe naqsh
ek ye bhi tha nishan ki mera kuchh nishan na tha
kuchh wahm sadd-e-rah-e-sitam tha ki waqt-e-zabh
mere gulu pe KHanjar-e-qatil rawan na tha
'anwar' ne badle jaan ke li jins-e-dard-e-dil
aur is pe naz ye ki ye sauda garan na tha
(595) ووٹ وصول ہوئے
Related Anwar Dehlvi Poetry
More Anwar Dehlvi Poetry
دیکھا جو مرگ تو مرنا زیاں نہ تھا
Anwar Dehlvi - انور دہلوی
Dekha Jo Marg To Marna Ziyan Na Tha
نظر آئے کیا مجھ سے فانی کی صورت
Anwar Dehlvi - انور دہلوی
Nazar Aae Kya Mujhse Fani Ki Surat
ان سے ہم لو لگائے بیٹھے ہیں
Anwar Dehlvi - انور دہلوی
Un Se Hum Lau Lagae Baithe Hain
وہ جو گردن جھکائے بیٹھے ہیں
Anwar Dehlvi - انور دہلوی
Wo Jo Gardan Jhukae Baithe Hain
یوسف حسن کا حسن آپ خریدار رہا
Anwar Dehlvi - انور دہلوی
Yusuf-e-husn Ka Husn Aap Kharidar Raha
نیند کا کام گرچہ آنا ہے
Anwar Dehlvi - انور دہلوی
Nind Ka Kaam Garche Aana Hai
صورت چھپائیے کسی صورت پرست سے
Anwar Dehlvi - انور دہلوی
Surat Chhupaiye Kisi Surat-parast Se
نظر آئے کیا مجھ سے فانی کی صورت
Anwar Dehlvi - انور دہلوی
Nazar Aae Kya Mujhse Fani Ki Surat
You can read Dekha Jo Marg To Marna Ziyan Na Tha written by Anwar Dehlvi at UrduPoint. Dekha Jo Marg To Marna Ziyan Na Tha is one of the masterpieces written by Anwar Dehlvi. You can also find the complete poetry collection of Anwar Dehlvi by clicking on the button 'Read Complete Poetry Collection of Anwar Dehlvi' above.
Dekha Jo Marg To Marna Ziyan Na Tha is a widely read Urdu Ghazal. If you like Dekha Jo Marg To Marna Ziyan Na Tha, you will also like to read other famous Urdu Ghazal.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.