Kahin Aur Hi Chalna Hoga, Urdu Nazam By Anwar Nadeem

Kahin Aur Hi Chalna Hoga is a famous Urdu Nazam written by a famous poet, Anwar Nadeem. Kahin Aur Hi Chalna Hoga comes under the Love, Sad category of Urdu Nazam. You can read Kahin Aur Hi Chalna Hoga on this page of UrduPoint.

Urdu Poem English Poem

کہیں اور ہی چلنا ہوگا

انور ندیم

میرے گیتوں میں محبت نے جلائے ہیں چراغ

اور یہاں ظلمت زردار کے گھیرے ہیں تمام

سب کے ہونٹوں پہ ہوس ناک امیدوں کی برات

کوئی لیتا نہیں الفت بھرے گیتوں کا سلام

اے مرے گیت! کہیں اور ہی چلنا ہوگا

تجھ کو معلوم نہیں آدم و حوا کی زمیں

اپنے ناسور کو پردے میں چھپانے کے لیے

گل کئے دیتی ہے افکار کے معصوم چراغ

ہر نفس اپنے گریبان پہ رکھتی ہے نظر

جس میں اک تار بھی باقی نہیں پردے کے لیے

اے مرے گیت! کہیں اور ہی چلنا ہوگا

آ کہیں اور کسی دیش کو ڈھونڈیں چل کر

ہو جہاں بھوک نہ افکار کے پردوں پہ محیط

وقت ڈالے نہ جہاں قید میں فکروں کا جمال

پیار کے بول کو اپنائے جہاں ساری زمیں

آ اسی دیش میں پھیلاؤں ترے پیار کا نور

اے مرے گیت! کہیں اور ہی چلنا ہوگا

یہ بھی ممکن ہے کہ جھولی میں عمل کی اک روز

یاس کی خاک ہو اور دور ہو اپنی منزل

آرزوؤں کا کوئی دیش نہ مل پائے اگر

میرے سینے میں اتر جا کہ یہاں کوئی نہیں

جو ترے نور کو پیغام کو سمجھے آ کر

اے مرے گیت کہیں اور ہی چلنا ہوگا

انور ندیم

© UrduPoint.com

All Rights Reserved

Kahin Aur Hi Chalna Hoga

Anwar Nadeem

mere giton mein mohabbat ne jalae hain charagh
aur yahan zulmat-e-zardar ke ghere hain tamam
sab ke honTon pe hawasnak umidon ki baraat
koi leta nahin ulfat bhare giton ka salam

ai mere git! kahin aur hi chalna hoga

tujh ko malum nahin aadam o hawwa ki zamin
apne nasur ko parde mein chhupane ke liye
gul kiye deti hai afkar ke masum charagh
har nafas apne gareban pe rakhti hai nazar
jis mein ek tar bhi baqi nahin parde ke liye

ai mere git! kahin aur hi chalna hoga

aa kahin aur kisi desh ko DhunDen chal kar
ho jahan bhuk na afkar ke pardon pe muhit
waqt Dale na jahan qaid mein fikron ka jamal
pyar ke bol ko apnae jahan sari zamin
aa usi desh mein phailaun tere pyar ka nur

ai mere git! kahin aur hi chalna hoga

ye bhi mumkin hai ki jholi mein amal ki ek roz
yas ki KHak ho aur dur ho apni manzil
aarzuon ka koi desh na mil pae agar
mere sine mein utar ja ki yahan koi nahin
jo tere nur ko paigham ko samjhe aa kar

ai mere git kahin aur hi chalna hoga

(667) ووٹ وصول ہوئے

You can read Kahin Aur Hi Chalna Hoga written by Anwar Nadeem at UrduPoint. Kahin Aur Hi Chalna Hoga is one of the masterpieces written by Anwar Nadeem. You can also find the complete poetry collection of Anwar Nadeem by clicking on the button 'Read Complete Poetry Collection of Anwar Nadeem' above.

Kahin Aur Hi Chalna Hoga is a widely read Urdu Nazam. If you like Kahin Aur Hi Chalna Hoga, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.