Ahmad Khiyal Ki Shaeri Se Intikhab By Adab Nama
ادب نامہ کی طرف سے احمد خیال کی شاعری سے انتخاب
خوبصورت لب و لہجے کے شاعر جناب احمد خیال آجکل روزگار کے سلسلے میں لاہور میں مقیم ہیں مینیجر کی حیثیت سے سیرینا انڈسٹریز (ٹیکسٹائل انڈسڑی) لاہور میں اپنے فرائض انجام دے رہے ہیں
13جون 1979 کو مُحب پور ضلع خوشاب میں پیدا ہونے والے خوبصورت لب و لہجے کے شاعر جناب احمد خیال آجکل روزگار کے سلسلے میں لاہور میں مقیم ہیں مینیجر کی حیثیت سے سیرینا انڈسٹریز (ٹیکسٹائل انڈسڑی) لاہور میں اپنے فرائض انجام دے رہے ہیں۔ پہلا مجموعہ کلام خاک میں ستارہ (2007) میں منظر۔عام پر آیا جبکہ دوسرا مجموعہ کلام"ستارے آسماں کے پھُول ہیں" کے نام سے زیر طبع ہے۔
ان کے کلام سے چند اشعار آپ احباب کی محبتوں کی نظر
لگتا ہے پُوری قوم گدا گر تھی اس طرف
کھودیں اگر زمین ، تو کاسہ نکلتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تو کیا وہ پھُول سا پیکر کبھی اک خواب ہو گا
تو کیا اُس کے لب و رُخسار مٹی میں ملیں گے
۔۔۔۔۔۔۔۔۔
(جاری ہے)
۔۔۔۔۔۔۔۔۔۔۔۔۔۔۔۔۔
اے مری قوم چلی آمرے پیچھے پیچھے
کوئی رستہ بھی تو پانی سے نکل سکتا ہے
۔
خالی پڑے ایاغ سے کچھ واسطہ نہیں
میرا بجھے چراغ سے کچھ واسطہ نہیں
کیوں لڑکیوں کو روک رہے ہو سکول سے
کیا تتلیوں کا باغ سے کچھ واسطہ نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سنہری جل پری دیکھی تو پھر پانی میں کودے
وگرنہ ہم تو دریا کے کنارے جا رہے تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ زہر ہے فضاوں میں کہ آدمی کی بات کیا
ہوا کا سانس لینا بھی محال کر دیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پہلی خوشی کے جام میں غم مت ملائیے
شفاف جل میں آنکھ کا نم مت ملائیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پگڈنڈیاں ہیں سانپ کی صورت میں دور تک
اس راہ پر قدم سے قدم مت ملائیے
اس کا نہیں جواب ، سو آواز و ساز سے
پائل کی وہ سریلی سی چھم مت ملائیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر یہ باغ کی جانب کا دروازہ نہ ہوتا
تو ممکن تھا کہ میں اتنا ترو تازہ نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تتلیاں اُڑنے لگیں عالم مدہوشی میں
جانے کیا بات کہی پُھول نے سرگوشی میں
چادرِآب کہاں کوئی بدن ڈھانپتی ہے
جَل پری آج بھی نا کام ہے تن پوشی میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم سامری کے عہد میں زندہ ہیں اس لیے
ہر آدمی کے پاس عصا ہونا چاہئیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں تھوڑا تھوڑا زمین زادوں سے مُختلف ہو تو اس لیے کہ
فلک سے آتے ہوئے کسی اجنبی ستارے پہ رُک گیا تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھ کو مہتاب تہہ آب بلاتا ہے خیال
چاندی رات میں تالاب نہیں دیکھتا میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اک طرف چلتی ہے تیغِ گفتگو
اک طرف میری زُباں کے پھول ہیں
تھوڑا تھوڑا غور سے گر دیکھئیے
یہ بھنور آبِ رواں کے پھول ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں نے کافی دیر تک آنکھوں سے چھُوئی ہے دھنک
اب تو مجھ کو سات رنگے خواب آنے چاہئیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فلک کے رنگ زمیں پر اُتارتا ہوا میں
تمام خلق کو حیرت سے مارتا ہوا میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تتلیاں،پھُول ،ستارے ،نہیں رہتا کچھ بھی
رنج ہوتا ہے جوانی میں قدم رکھتے ہوئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شدّت سے ہانپ ہانپ کے مُردہ سی ہو چُکی
وحشت زدہ چراغ سے کھیلی ہوئی ، ہوا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موجود کے اس جال میں آنے کا نہیں میں
اک بات تو طے ہے کہ زمانے کا نہیں میں
افلاک سے آگے کا علاقہ بھی مجھے دے
اس خاک کی وسعت میں سمانے کا نہیں میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اے یزیدا،وہی خطبہ جو کہ زینب نے دیا
آج تک ڈال رہا ہے ترے دربار پہ خاک
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
باغباں کی نیند اُڑنے کا زمانہ آچُکا
رنگ سیبوں کا ترے رُخسار جیسا ہو گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سب زرد رُتیں ایک کہانی کی طرح ہیں
سرسوں بھی مرے کھیت میں پیلی نہیں ہوتی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صبح کے رنگ اور ہیں شام کے رنگ اور ہیں
چائے کا اپنا لُطف ہے ،جام کے رنگ اور ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پھُول پر ہاتھ اٹھایا بھی تو بس چھوُنے تک
اُس کو مارا بھی تو طاقت سے نہیں ماروں گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قدو قامت کے سب اسرار کھُلتے جا رہے ہیں
چلو اچھا ہُواکُچھ یار کھلتے جا رہے ہیں
(3212) ووٹ وصول ہوئے
Related Poet
Related Articles
احمد ندیم قاسمی کی برسی پر خصوصی تحریر ( نوید صادق)
Ahmad Nadeem Qasmi Ki Barsi Par Khasoosi Tehreer (naveed Sadiq)
فہمیدہ ریاض سے ملاقات ( بشکریہ: بی بی سی اردو منظرنامہ)
Fehmida Riaz Sahiba Se Aik Mulaqat
سر گودھا سے تعلق رکھنے والے خوبصورت شاعر فیضان ہاشمی کی شاعری سے انتخاب ۔۔۔۔۔۔۔۔ نصراللہ حارث
Faizan Hashmi Ki Shaeri Me Se Intikhab
ادب نامہ کی طرف سے جناب نذیر قیصر کی شاعری سے انتخاب
Nazeer Qaisar Ki Shaeri Se Intikhab By Adab Nama
ذوالفقار عادل کی شاعری (ںوید صادق)
Zulfiqar Adil Ki Shaeri (naveed Sadiq)
ادب نامہ کی طرف سے شاہین عباس کی شاعری سے انتخاب
Adab Na Ma Ki Taraf Se Shaheen Abbas Ki Shairi Se Intikhab
بھینسیں پالنے والا شاعر
Bhaensain Palnay Wala Shaer
اعتبار ساجد کا خصوصی انٹرویو
Aitbar Sajid Ka Khasoosi Interview
حسن عباسی کا خصوصی انٹرویو
Hassan Abbasi Ka Khasoosi Interview
نور محمد نور کپورتھلوی کے کلام میں عصری آ گہی کا شعور
Noor Mohammad Noor Kapoor Thalavi
اور یہ دوستی رہے گی ابھی (ابرار احمد ) از قلم۔نصیر احمد ناصر
Aor Yeh Dosti Rahay Gi Bhi
ادب نامہ کی جانب سے کاشف حسین غائر کی شاعری سے انتخاب
Kashif Hussain Ghayr Ki Shaeri Se Intikhab By Adab Nama
علامتوں کے تنوع کا شاعر ____ابرار احمد
Alaamton Ki Tanu Ka Shaair
ثمینہ راجا ۔۔۔ ایک سچی شاعرہ
Sameena Raja
گفتگو کا معنویاتی تجزیہ
Guftgu Ka Muanviayati Tajzia
زوللفقار عادل کے مجموعہ سے چند منتخب اشعار (ابرار احمد)
Zulfiqar Adil Ki Shaeri Se Intikhab
Ahmad Khiyal Ki Shaeri Se Intikhab By Adab Nama - Read Urdu Article
Ahmad Khiyal Ki Shaeri Se Intikhab By Adab Nama is a detailed Urdu Poetry Article in which you can read everything about your favorite Poet. Ahmad Khiyal Ki Shaeri Se Intikhab By Adab Nama is available to read in Urdu so that you can easily understand it in your native language.
Ahmad Khiyal Ki Shaeri Se Intikhab By Adab Nama in Urdu has everything you wish to know about your favorite poet. Read what they like and who their inspiration is. You can learn about the personal life of your favorite poet in Ahmad Khiyal Ki Shaeri Se Intikhab By Adab Nama.
Ahmad Khiyal Ki Shaeri Se Intikhab By Adab Nama is a unique and latest article about your favorite poet. If you wish to know the latest happenings in the life of your favorite poet, Ahmad Khiyal Ki Shaeri Se Intikhab By Adab Nama is a must-read for you. Read it out, and you will surely like it.