Shahid Zaki Ki Shaeri Se Intikhab By Adab Nama
ادب نامہ کی طرف سے شاہد ذکی کی شاعری سے انتخاب
سیالکوٹ سے تعلق رکھنے والے خوبصورت لب و لہجے کے شاعر۔ ایم اے انگلش اور وکالت میں ڈگری کی۔ وکالت کی پریکٹس کے ساتھ ساتھ ہائوس آف نالج کے نام سے ایک اکیڈمی میں ڈائریکٹر کی حیثیت سے اپنے فرائض انجام دے رہے ہیں
ان کے کلام سے کچھ اشعار احباب کی محبتوں کی نظر
یار بھی راہ کی دیوار سمجھتے ہیں مجھے
میں سمجھتا تھا مرے یار سمجھتے ہیں مجھے
میں بدلتے ہوئے حالات میں ڈھل جاتا ہوں
دیکھنے والے اداکار سمجھتے ہیں مجھے
۔
(جاری ہے)
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔میں دشمنوں کو بتائوں تو شرم آتی ہے
کہ میں نے کس لیے احباب سے کنارہ کیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوزے بنانے والے کو عجلت عجیب تھی
پورے نہیں بنائے تھے سارے بنائے تھے
پھر یوں ہوا کہ اس کی زباں کاٹ دی گئی
وہ جس نے گفتگو کے اشارے بنائے تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ مجھے نیند میں چلنے کی جو بیماری ہے
مجھ کو اک خواب سرا اپنی طرف کھینچتی ہے
لاش پٹڑی پہ پڑی دیکھی ہے جب سے، تب سے
ریل گاڑی کی صدا اپنی طرف کھینچتی ہے
عشق تعویز پہن کر بھی نہ مجھ سے نکلا
آج بھی اس کی دعا اپنی طرف کھینچتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں آپ اپنی موت کی تیاریوں میں ہوں
میرے خلاف آپ کی سازش فضول ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جدھر بھی دیکھیے اک راستہ بنا ہوا ہے
سفر ہمارے لیے مسئلہ بنا ہوا ہے
میں کیا کروں مرا گوشہ نشین ہونا بھی
پڑوسیوں کے لیے واقعہ بنا ہوا ہے
شعوری کوششیں منظر بگاڑ دیتی ہیں
وہی بھلا ہے جو بے ساختہ بنا ہوا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ کس بلندی پہ لا کر کھڑا کیا ہے مجھے
کہ تھک گیا ہوں توازن سنبھالتا ہوا میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رنگ اپنے اپنے وقت پہ کھلتے ہیں آنکھ پر
اول فریب ہے کوئی ثانی فریب ہے
اس گھومتی زمیں پہ دوبارہ ملیں گے ہم
ہجرت فرار نقل مکانی فریب ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فنا پذیر کو یوں جاوداں سمجھتا ہوں
میں رفتگاں کو بھی آئندگاں سمجھتا ہوں
چراغ میں بھی رہا ہوں ، سو اے چراغ۔ سیاہ
سنے بغیر تری داستاں سمجھتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو زخم ہیں نظر انداز اندمال میں ہیں
بہت خیال ہے جس کا وہی نہیں بھرتا
مرے نقوش مرا دائمی تعارف ہیں
میں کوئی رنگ کہیں عارضی نہیں بھرتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یاد بکھری ہے کہ سامان تمہارا مجھ میں
لگ رہا ہے کہ تم آئو گے دوبارہ مجھ میں
تھے بھٹکتے ہوئے کچھ لوگ مرے اندر بھی
تو نے کیوں کوئی پیمبر نہ اتارا مجھ میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مرے گناہ کی مجھ کو سزا نہیں دیتا
مرا خدا کہیں ناراض تو نہیں مجھ سے
میں سانس تک نہیں لیتا پرائی خوشبو میں
جھجھک رہی ہے یونہی شاخ۔ یاسمیں مجھ سے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دکھائوں گا تری بے چہرگی تجھے کسی دن
اور آئنہ بھی ترے روبرو نہیں کروں گا
یہ دودھ کوزہ۔ آلود کے لیے نہیں ہے
میں ہر کسی سے تری گفتگو نہیں کروں گا
مجھے چراغ۔ خموشی جلانا آتا ہے
میں روشنی کے لیے ہائو ہو نہیں کروں گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیری ضد نے تجھے تالاب بنا رکھا ہے
تو مرے پائوں بھگوتا تو سمندر ہوتا
کر گئی جھیل مجھے امن پسندی میری
بستیاں میں بھی ڈبوتا تو سمندر ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاشوں میں ایک لاش مری بھی نہ ہو کہیں
تکتا ہوں ایک ایک کو چادر اٹھا کے میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اب کوئی آئے، چلا جائے، میں خوش رہتا ہوں
اب کسی شخص کی عادت نہیں ہوتی مجھ کو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انہیں جگہ نہیں دیتے یہ سامنے والے
کئی ستارے پس۔آسماں پڑے ہوئے ہیں
مجھے تو صلح کی صورت نظر نہیں آتی
کہ خیر خواہ بہت درمیاں پڑے ہوئے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حرام ہے عمل۔ خود کشی مگر مالک
وہ کیا کرے جسے مجبور کر دیا جائے
جسے بھی دینی ہو تنہائیوں کی موت اسے
ہمارے شہر میں مشہور کر دیا جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انہیں بتائو کہ لہریں جدا نہیں ہوتیں
یہ کون لوگ ہیں پانی پہ وار کرتے ہوئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آرزو ترک نہ کرتا تو یہ گھر کٹ جاتا
میں اگر شاخ بچاتا تو شجر کٹ جاتا
یوں نہیں ہے کہ مجھے تاب۔تب۔و تاب نہ تھی
میں اسے دیکھتا رہتا تو گہر کٹ جاتا
تیریی آواز سے جانا ہے کہ دشمن نہیں تو
ورنہ اس تیرہ شبی میں ترا سر کٹ جاتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر میں چاہوں تو تیری زباں گواہی دے
ترے خلاف ترے ہی دہن میں رکھی ہوئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھلا کہ میں ابھی ازبر نہیں ہوا اس کو
وہ یاد رکھتا ہے میری نشانیوں سے مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تو مری پیاس خریدے گا، ہنسی آتی ہے
میں تو لعنت بھی نہ بھیجوں گا ترے پانی پر
اپنے ہم جنس میں اک طرفہ کشش ہوتی ہے
اڑ کے آتی ہے پریشانی، پریشانی پر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہ دھرو ملال، ملال پر مرے دوستو
مجھے چھوڑ دو مرے حال پر مرے دوستو
یہ جو تم میں خوبی۔ رقص ہے یہی نقص ہے
کہ نہیں ہے وقت کی تال پر مرے دوستو
کوئی بوسہ۔ گل۔ نرم ہے ابھی گرم ہے
یہ جو داغ ہے مرے گال پر مرے دوستو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مری عمر یونہی گزر گئی ترے برزخوں میں پڑے پڑے
نہ سزا کوئی مجھے دی گئی نہ گنہ معاف کیا گیا
میں بکھر گیا تو سنور گیا مرے منصفوں کو یہ دکھ ہوا
وہی فیصلہ مرے حق میں تھا جو مرے خلاف کیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ خوف تھا کہ میں اڑنے لگا تھا جال سمیت
مگر کسی نے اچانک لگا دی جال میں آگ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہوا کے سامنے دست۔ سوال کرتے ہوئے
چراغ رو پڑا گھر کا خیال کرتے ہوئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں اکیلا ہی بچا ہوں تو بتائوں کس کو
کہ میں دنیا کی تباہی کا سبب جانتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ انتشار بپا ہے کہ لوگ سوچتے ہیں
یہ کائنات خدا کی سمجھ سے باہر ہے
مرا معاملہ کچھ اور ہے خدا کے ساتھ
مرا گناہ سزا کی سمجھ سے باہر ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(7974) ووٹ وصول ہوئے
Related Poet
Related Articles
سراج الدّین ظفر۔ تعارف اور منتخب کلام تحریر : عرفان ستار
Siraj Ul Din Zafar
مجید امجد کی نظم نگاری
Majeed Amjad Ki Nazm Nigari
اداسی کا خا لق ۔ابرار احمد۔ از ۔فہیم جوزی (معروف شاعر، نقاد و براڈ کا سٹر
Udasi Ka Khaaliq Abrar Ahmed By Faheem Jozi
وسیع کینوس کا شاعر ۔۔ شاہین عباس
Wasee Canvas Ka Shaair, Shaheen Abbas
ابرار احمد کی نظم کا تجزیاتی مطالعہ۔۔۔۔۔۔ عارفہ شہزاد
Abrab Ahmed Ki Nazm Ka Tajziyati Matalea By Arifa Shehzaz
ہارون طارق کا خصوصی انٹرویو
Haroon Tariq Ka Khasoosi Interview
سید علی عباس جلالپوری تحریر : پروفیسر لالہ رخ بخاری
Syed Ali Abbas Jalalpuri
ادب نامہ کی جانب سے کاشف حسین غائر کی شاعری سے انتخاب
Kashif Hussain Ghayr Ki Shaeri Se Intikhab By Adab Nama
فہمیدہ ریاض سے ملاقات ( بشکریہ: بی بی سی اردو منظرنامہ)
Fehmida Riaz Sahiba Se Aik Mulaqat
حسن عباسی کا خصوصی انٹرویو
Hassan Abbasi Ka Khasoosi Interview
اور یہ دوستی رہے گی ابھی (ابرار احمد ) از قلم۔نصیر احمد ناصر
Aor Yeh Dosti Rahay Gi Bhi
احمد فراز ایک عظیم شاعر
Ahmad Faraz
ممتاز شاعر قمر رضا شہزاد صاحب کیے مجموعہء کلام یاددہانی کے بعد کہے گئے " تازہ کلام سے منتخب اشعار انتخاب : عتیق الرحمن صفی
Qamar Raza Shahzad Sb K Muntakhib Ashaar
پروین شاکر کی شاعری میں رقیب کا کردار
Parveen Shakir Ki Shayari Me Raqeeb Ka Kirdar
ادب نامہ کی جانب سے ممتاز گرمانی کی شاعری سے انتخاب
Mumtaz Gurmani Ki Shaeri Se Intikhab By Adab Nama
کچھ شاعری کے بارے میں ( نوید صادق )
Shairi K Baray Me
Shahid Zaki Ki Shaeri Se Intikhab By Adab Nama - Read Urdu Article
Shahid Zaki Ki Shaeri Se Intikhab By Adab Nama is a detailed Urdu Poetry Article in which you can read everything about your favorite Poet. Shahid Zaki Ki Shaeri Se Intikhab By Adab Nama is available to read in Urdu so that you can easily understand it in your native language.
Shahid Zaki Ki Shaeri Se Intikhab By Adab Nama in Urdu has everything you wish to know about your favorite poet. Read what they like and who their inspiration is. You can learn about the personal life of your favorite poet in Shahid Zaki Ki Shaeri Se Intikhab By Adab Nama.
Shahid Zaki Ki Shaeri Se Intikhab By Adab Nama is a unique and latest article about your favorite poet. If you wish to know the latest happenings in the life of your favorite poet, Shahid Zaki Ki Shaeri Se Intikhab By Adab Nama is a must-read for you. Read it out, and you will surely like it.