MENU Open Sub Menu

Zia Turk Ki Shairi Me Se Intekhab By Hammad Niazi

ضیا المصطفی ترک کی شاعری میں سے انتخاب

Zia Turk Ki Shairi Me Se Intekhab By Hammad Niazi

یہ انتخاب ضیا المصطفی ترک کی شاعری میں سے حماد نیازی نے کیا

بقول شخصے اسلوب میں ایک خاص شان اور قوت ڈکشن بلکہ اس سی بھی زیادہ ان کی حرکت کہ سبب پیدا ہوتی ہے -عمدہ بہترین شاعری میں صداقت اور سنجیدگی کہ جو ا علی

معیار ،مواد اور موضوع میں قائم ہوتا ہے وہ انتخاب الفاظ کی عمدگی اور اسلوب کی قوت و حرکت کہ ذریعے پیدا ہوتا ہے

اور انہیں ایک دوسرے سے الگ نہیں کیا جا سکتا ہے ضیاء ترک کی شاعری میں ہمیں یہ چیز بڑی عمدگی کہ ساتھ نظر آتی ہے اسکی شاعری میں اظہار کی سادگی ، قطعیت اور سرعت

کہ امتزاج اسکے اسلوب کو اسلوب جلیل کے قریب لے جاتے ہیں

اردو ادب بلا شبہ اس شاعری پر فخر کر سکتا ہے


ڈوبتے ہاتھ ۔

سسکتی ہوئی آنکھیں ہر سمت ۔ ۔ ۔

سَیلِ پُر شور ہے ۔ پَر کوئی بھی آواز نہیں۔ ۔ ۔


جی تو کرتا ہے کبھی اپنے گلے بھی لگئیے ۔ ۔

لیکن آئینے میں دَر بھی تو نہیں کر سکتے ۔ ۔


صَرفِ نظّارہ ہُوئی جاتی ہیں آنکھیں اپنی ۔
۔

ہم مگر صَرفِ نظر بھی تو نہیں کر سکتے ۔ ۔


کواڑ کھلنے سے پہلے ہی دن نکل آیا

بشارتیں ابھی سامان میں پڑی ہوئی تھیں


سکوت ٹوٹے نہیں آئینے تہی ہو جائیں

یہ لحن ملتا ہے جب لفظ ملتوی ہو جائیں


یہ باغ کیسی پر اسرار خامشی ہے یہاں

میں سو رہوں تو یہی پیڑ آدمی ہو جائیں


بدل رہی ہیں شب و روز خدوخال، اشیا

عجب نہیں کہ یہی ہم کل اور ہی ہو جائیں


گلاب شاخ سے سیارگاں فلک سے ہیں

چراغ کو کسی نسبت سے دیکھئے صاحب


نہیں نہیں یہ فقط آپ ہی نہیں ہوتے

یہ آئینہ کبھی حیرت سے دیکھئے صاحب


نجانے آسماں کس شکل میں تھا

سروں پر سائباں ہونے سے پہلے


دیکھتے ہی دیکھتے گم ہو گئی

روشنی بڑھتی ہوئی رفتار میں


اپنی آنکھیں ہی میں بھول آیا کہیں

رات اتنی بھیڑ تھی بازار میں


قطرہ قطرہ چھت سے ہی رسنے لگی

دھوپ کا رستہ نہ تھا دیوار میں


شاید کسی نے دھوپ کی چادر لپیٹ لی

آج ایک بھی درخت کہ سایہ نہیں کھلا



دشت جہات و آئینہ،شہر پس چراغ

اس چشم کم نگاہ پہ کیا کیا نہیں کھلا


گل تازہ نہ لائے طاق پر ہم

بکھرتی پتیوں کو چوم رکھا


اذان گونجی تو محراب میں کوئی بھی نہ تھا

بس ایک رحل پہ کچھ آیتیں پڑی ہوئی تھیں


چراغ اوندھے پڑے تھے زمین پر سارے

اور انکے پاس میں ان کی لویں پڑی ہوئی تھیں


اے مجھے روز ملنے والے درخت

تو مرا یار ہی نہ ہو جائے


اسکو دیکھا نہیں کئی دن سے

آنکھ بیکار ہی نہ ہو جائے


سخن کرتا رہے تو آئینہ کافی ہے مجھکو

دیا روشن نہ ہو تو طاقچے پر رائیگاں ہے


پھر ایک صبح وہ آئینہ مجھ سے ٹوٹ گیا

کسے کہوں کہ مرا انہدام مجھ سے ہوا


آوازوں میں بہتے بہتے

خاموشی سے مر جاتا ہوں


تھوڑی سی بارش ہوتی ہے

کتنی جلدی بھر جاتا ہوں


مرے چراغ مرے راستے مرے منظر

کہاں ظہور هوئے تھے کہاں تمام هوئے


مسافرت کی کوئی سمت لازمی تو نہیں

یہ ریگزار بھی کیا رائیگاں تمام هوئے


کہتے ہیں لو بولتی بھی تھی کبھی

اگلے وقتوں میں چراغ اک ساز تھا


دور تک بہتا ہوا ہر راستہ

میری خاطر سر بسر آواز تھا


اندروں تو ہے سراسر خالی

جانے ہوں اپنے بروں بھی کہ نہیں


اتفاقی ہی نہ ہو ہونا میرا

بار دیگر میں بنوں بھی کہ نہیں


خواب دوہراتے هوئے ڈرتا ہوں

ورنہ تاثیر میں گھٹ جاتے ہیں


آنکھیں مت پونچھئےاس عشرے میں

ان دنوں آئینے پھٹ جاتے ہیں

تیری تصویر ادھوری ہے ابھی

کیا کروں رنگ الٹ جاتے ہیں


اس نے یکبارگی مجھے دیکھا

اور پھر میں بھی دیکھ سکنے لگا


سامنے طاق پر تھی آنکھیں مری

جب وہ مجھ میں چراغ رکھنے لگا


تجھ سے بھی بڑھ کے ہوں نزاکت میں

نکہت گل ترے نفس میں ہوں


اپنا اظہار چاہتا ہوں میں

نئے اسلوب کی ہوس میں ہوں


جائیں اگر تو جائیں کہاں ہم سفر نژاد

سمت سفر کھلی ہے تو رستہ نہیں کھلا


ہمیشہ دل کو رکھا بے خبر ترے بارے

اور اب کہ دل نے ہمیں بھی کوئی خبر نہیں کی


یہ شعر سینہ خراشی سے کم نہیں ہیں مجھے

یہ کام تھوڑا سا آسان ہونا چاہئے تھا


دل وہ نادان کہ بازار میں آ جاتا ہے

جنس کم ہوتے هوئے،نرخ گراں ہوتے هوئے


کون جانے کہ مرے بعد زمانے لگ جائیں

نئے چشمے کو تہ سنگ رواں ہوتے هوئے

(323) ووٹ وصول ہوئے

مزید مضامین

Ahmad Nadeem Qasmi Ki Barsi Par Khasoosi Tehreer (Naveed Sadiq)

احمد ندیم قاسمی کی برسی پر خصوصی تحریر ( نوید صادق)

Ahmad Nadeem Qasmi ki barsi par khasoosi tehreer (Naveed Sadiq)

Anwer Shaoor Ki Shairi Se Intikhab

جناب انور شعور کی شاعری سے انتخاب

Anwer Shaoor ki shairi se intikhab

Ghulam Muhammad Qasir

غلام محمد قاصر

Ghulam Muhammad Qasir

Fehmida Riaz Sahiba Se Aik Mulaqat

فہمیدہ ریاض سے ملاقات ( بشکریہ: بی بی سی اردو منظرنامہ)

Fehmida Riaz sahiba se aik mulaqat

Nazeer Qaisar Ki Shaeri Se Intikhab By Adab Nama

ادب نامہ کی طرف سے جناب نذیر قیصر کی شاعری سے انتخاب

Nazeer Qaisar ki shaeri se intikhab by Adab Nama

Abrab Ahmed Ki Nazm Ka Tajziyati Matalea By Arifa Shehzaz

ابرار احمد کی نظم کا تجزیاتی مطالعہ۔۔۔۔۔۔ عارفہ شہزاد

Abrab ahmed ki nazm ka tajziyati matalea by Arifa Shehzaz

Fakhara Batool

فاخرہ بتول کا تعارف اور ان کا منتخب کلام

Fakhara Batool

Majeed Amjad Ki Shaeri Me Koniyati Science Ka Vision

مجید امجد کی شاعری میں کَونیاتی اور سائنسی وژن ( سہ ماہی کاراں )

Majeed Amjad ki shaeri me koniyati science ka vision

Iliyas Babur Aewan Ki Shaairi Par Shams Ur Rehman Farooqi Sahib Ka Mazmon

الیاس بابر اعوان کی شاعری پر شمس الرحمن فاروقی صاحب کا مضمون

iliyas babur aewan ki shaairi par Shams ur rehman farooqi sahib ka mazmon

Adnan Basheer Ki Shaairi Me Se

عدنان بشیر کی شاعری میں سے انتخاب

Adnan Basheer ki shaairi me se

Shaheen Abbas Ki Shaairi Se Intekhab

شاہین عباس کی شاعری میں سے انتخاب

Shaheen Abbas ki shaairi se intekhab

Ahmad Faraz

احمد فراز ایک عظیم شاعر

Ahmad Faraz

Guftgu Ka Muanviayati Tajzia

گفتگو کا معنویاتی تجزیہ

guftgu ka muanviayati tajzia

Karachi Festival Ka Ehwal

کراچی لٹریچر فیسٹیول کا احوال

Karachi festival ka ehwal

Haroon Tariq Ka Khasoosi Interview

ہارون طارق کا خصوصی انٹرویو

Haroon Tariq Ka Khasoosi Interview

Adab Na Ma Ki Taraf Se Shaheen Abbas Ki Shairi Se Intikhab

ادب نامہ کی طرف سے شاہین عباس کی شاعری سے انتخاب

Adab na ma ki taraf se shaheen abbas ki shairi se intikhab

Your Thoughts and Comments

Zia Turk Ki Shairi Me Se Intekhab By Hammad Niazi. Read Special Urdu Poetry related articles, Latest Poetic Columns & Tributes on Urdu poets. Read article Zia Turk Ki Shairi Me Se Intekhab By Hammad Niazi and other Urdu shaiyre mazameen in Urdu. Read Urdu poets profiles, new poetry and mazameen like Zia Turk Ki Shairi Me Se Intekhab By Hammad Niazi only on UrduPoint.