Anwer Shaoor Ki Shairi Se Intikhab
جناب انور شعور کی شاعری سے انتخاب
جناب انور شعور جو جدید غزل کا نہایت معتبر حوالہ ہیں ان کی شاعری سے احباب کے لئے کچھ انتخاب۔۔۔۔
نام انور حسین خاں اور تخلص شعور ہے۔ ۱۱؍اپریل ۱۹۴۳ء کو صوبہ سی پی کے شہر سیونی(بھارت) میں پیدا ہوئے۔ قیام پاکستان کے فوراً بعد آپ کے اہل خاندان کراچی آگئے۔ پہلے انجمن ترقی اردو پاکستان اور ’’اخبار جہاں‘‘ سے وابستہ رہے۔ بعدازاں ’’سب رنگ‘‘ ڈائجسٹ ، کراچی سے متعلق رہے۔
آج کل روزنامہ ’’جنگ‘‘ میں ایک قطعہ روز لکھتے ہیں ۔ ا ن کا کلام ’’فنون‘‘ اور دوسرے رسائل میں شائع ہوتا رہتا ہے۔ ان کی تصانیف کے نام یہ ہیں: ’’اندوختہ‘‘، ’’مشق سخن‘‘، ’’می رقصم‘‘انور شعور صاحب کی چند غزلوں سے اشعار۔
اتفاق اپنی جگہ خوش قسمتی اپنی جگہ
خود بناتا ہے جہاں میں آدمی اپنی جگہ
صرف اس کے ہونٹ کاغذ پر بنا دیتا ہوں میں
خود بنا لیتی ہے ہونٹوں پر ہنسی اپنی جگہ
______________________________________
جو ہم کلام ہو ہم سے اسی کے ہوتے ہیں
ہم ایک وقت میں ایک آدمی کے ہوتے ہیں
کوئی جہاں میں خوشی سے گزارنا چاہے
تو بے شمار بہانے خوشی کے ہوتے ہیں
جمالیات کے پرچے میں آٹھ نو نمبر
فقط شگفتگی و دلکشی کے ہوتے ہیں
________________________________
آدمی بن کے مرا آدمیوں میں رہنا
ایک الگ وضع ہے درویشی و سلطانی سے
___________________________________
وہی خدا کبھی ملوائے گا ہمیں اس سے
جو انتظار کراتا ہے صبح شام اس کا
کہاں ہے شیخ کو سدھ بدھ مزید پینے کی
نشہ اتار گئے تین چار جام اُس کا
_______________________________
گو مجھے احساس۔
(جاری ہے)
کاٹ دی آدھی صدی ایک اجنبی عورت کے ساتھ
_____________________________
برا برے کے علاوہ بھلا بھی ہوتا ہے
ہر آدمی میں کوئی دوسرا بھی ہوتا ہے
وہ چہرہ ایک تصور بھی ہے حقیقت بھی
دریچہ بند بھی ہوتا ہے وا بھی ہوتا ہے
____________________________
صاف و شفاف آسماں کو دیکھ کر
گندی گندی گالیاں بکتا ہوں میں
میں چھپاتا ہوں برہنہ خواہشیں
وہ سمجھتی ہے کہ شرمیلا ہوں میں
_____________________________
اس تعلق میں نہیں ممکن طلاق
یہ محبت ہے کوئی شادی نہیں
___________________________
بہروپ نہیں بھرا ہے میں نے
جیسا بھی ہوں سامنے کھڑا ہوں
____________________________
ٹھہر سکتی ہے کہاں اس رخ۔
دیکھ سکتا ہے اسے آدمی بند آنکھوں سے
________________________________
مہنگائی راہ۔ راست پہ لے آئی کھینچ کر
بچتی نہیں رقم بری عادات کے لیے
_____________________________
کیا پتا تھا دیکھنا اس کی طرف
حادثہ اتنا بڑا ہو جائے گا
مدتوں سے بند دروازہ کوئی
دستکیں دینے پہ وا ہو جائے گا
مسکرا کر دیکھ لیتے ہو مجھے
اس طرح کیا حق ادا ہو جائے گا
__________________________
عشق تو ہر شخص کرتا ہے شعور
تم نے اپنا حال یہ کیا کر لیا
___________________________
ایک ہی بات ہے محبت میں
چاہے میں جیت جائوں چاہے وہ
____________________________
وہ رنگ رنگ کے چھینٹے پڑے کہ اس کے بعد
کبھی نہ پھر نئے کپڑے پہن کے نکلا میں
یہی نہیں کہ تجھی کو نہ تھی امید ایسی
مجھے بھی علم نہیں تھا کہ یہ کروں گا میں
میں خاک ہی سے بنا تھا تو کاش یوں بنتا
کہ اس کے ہاتھ سے گرتے ہی ٹوٹ جاتا میں
________________________
تری یاد اتنا بڑا کام ہے
کہ معلوم ہوتے ہیں دن رات کم
_________________________
ہم بلاتے وہ تشریف لاتے رہے
خواب میں یہ کرامات ہوتی رہی
____________________________
تھا وعدہ شام کا مگرآئے وہ رات کو
میں بھی کواڑ کھولنے فوراٗ نہیں گیا
_____________________________
مرنے والا خود روٹھا تھا
یا ناراض حیات ہوئی تھی
اسے ذرا سا خط لکھنے پر
خرچ تمام دوات ہوئی تھی
جناب کے رخ۔
تو ہم سیاہ نصیبوں کی عید ہو جاتی
اچھا خاصا بیٹھے بیٹھے گم ہو جاتا ہوں
اب میں اکثر میں نہیں رہتا تم ہو جاتا ہوں
________________________
زندگی کی ضرورتوں کا یہاں
حسرتوں میں شمار ہوتا ہے
کوئی زنجیر نہیں تار نظر سے مضبوط
ہم نے اس چاند پہ ڈالی ہے کمند آنکھوں سے
_________________________
دل ہمارا جلتے جلتے' گُھل گیا
اَور آخِر خاک میں مِل جُل گیا
دے گئی اُمّید بھی داغ ِ فراق
جو اَثاثہ پاس تھا ' وہ کُل گیا !
ڈالتے ہیں ہاتھ ' اچّھی شے پہ لوگ
رہ گیا ٹہنی پہ کانٹا ' گُل گیا
چاہ رُخصت ہو گئی ' اے دوست ! آہ
جو مِلاتا تھا ہمیں ' وہ پُل گیا
پھول کے مانند کوئی لالہ فام
پیار کی پہلی نظر میں تُل گیا
گو ' ہمارے گھر وہ چُپ چاپ آئے تھے
اِس گلی سے اُس گلی تک ' غُل گیا
جب ' جہاں سے جائے گا ' انور شعُور
سب کہَیں گے ' باغ سے بُلبُل گیا
( انور شعور )
(6638) ووٹ وصول ہوئے
Related Poet
Related Articles
ادب نامہ کی طرف سے ذیشان حیدر کی شاعری سے انتخاب
Zeeshan Haider Ki Shaeri Se Intikhab
الیاس بابر اعوان کی شاعری پر شمس الرحمن فاروقی صاحب کا مضمون
Iliyas Babur Aewan Ki Shaairi Par Shams Ur Rehman Farooqi Sahib Ka Mazmon
کاشف مجید کی شاعری سے انتخاب
Kashif Majeed Ki Shaairi Se Intekhab
شاہین عباس کی شاعری میں سے انتخاب
Shaheen Abbas Ki Shaairi Se Intekhab
ضیاءالمصطفیٰ ترک کی کتاب پر ایک تجزیہ "شہر پس _چراغ" سے گزرتے هوئے۔حماد نیازی
Zia Ul Mustafa Turk Ki Kitab Ka Tajzia
وسیع کینوس کا شاعر ۔۔ شاہین عباس
Wasee Canvas Ka Shaair, Shaheen Abbas
فراق گورکھپوری
Firaq Gorakhpuri
عدنان بشیر کی شاعری میں سے انتخاب
Adnan Basheer Ki Shaairi Me Se
ذوالفقار عادل کی شاعری (ںوید صادق)
Zulfiqar Adil Ki Shaeri (naveed Sadiq)
ادب نامہ کی طرف سے ضامن عباس کاظمی کی شاعری سے انتخاب
Zamin Abbas Kazmi Ki Shaeri Se Intikhab By Adab Nama
ادب نامہ کی طرف سے تہذیب حافی کی شاعری سے انتخاب
Tehzeeb Hafi Ki Shaeri Se Intikhab By Adab Nama
کئی زمانوں کا شاعر ۔۔۔ افضل خان
Kaee Zamanoon Ka Shaair ..afzal Khan
علامتوں کے تنوع کا شاعر ____ابرار احمد
Alaamton Ki Tanu Ka Shaair
ادب نامہ کی جانب سے عمدہ شاعر اظہر فراغ کی شاعری سے انتخاب
Adan Nama Ki Taraf Se Azhar Faragh Ki Shaeri Se Kiya Gaya Intikhab
ادب نامہ کی طرف سے فیاض اسود کی شاعری سےانتخاب
Fiaz Aswad Ki Shaeri Se Intikhab
ثمینہ راجا ۔۔۔ ایک سچی شاعرہ
Sameena Raja
Anwer Shaoor Ki Shairi Se Intikhab - Read Urdu Article
Anwer Shaoor Ki Shairi Se Intikhab is a detailed Urdu Poetry Article in which you can read everything about your favorite Poet. Anwer Shaoor Ki Shairi Se Intikhab is available to read in Urdu so that you can easily understand it in your native language.
Anwer Shaoor Ki Shairi Se Intikhab in Urdu has everything you wish to know about your favorite poet. Read what they like and who their inspiration is. You can learn about the personal life of your favorite poet in Anwer Shaoor Ki Shairi Se Intikhab.
Anwer Shaoor Ki Shairi Se Intikhab is a unique and latest article about your favorite poet. If you wish to know the latest happenings in the life of your favorite poet, Anwer Shaoor Ki Shairi Se Intikhab is a must-read for you. Read it out, and you will surely like it.