Nasar Ullah Haris Ki Shaeri Se Intikhab By Adab Nama
ادب نامہ کی طرف سے نصراللہ حارث کی شاعری سے انتخاب
چنیوٹ سے تعلق رکھنے والے ایک نوجوان شاعر جنہوں نے پراڈکٹ اینڈ انڈسٹریل ڈیزائنگ میں انجینئرنگ یونیورسٹی لاہور سے ڈگری حاصل کی ۔ آج کل سرگودھا میں آئیڈیا کے نام سے ایک کنسلٹنسی چلا رہے ہیں۔ شاعری میں خوبصورت لہجے کے ساتھ ساتھ روایتی اور علاقائی رنگ کا ملاپ ان کے شعری حسن کو نکھارتا ہے
چنیوٹ سے تعلق رکھنے والے ایک نوجوان شاعر جنہوں نے پراڈکٹ اینڈ انڈسٹریل ڈیزائنگ میں انجینئرنگ یونیورسٹی لاہور سے ڈگری حاصل کی ۔ آج کل سرگودھا میں آئیڈیا کے نام سے ایک کنسلٹنسی چلا رہے ہیں۔ شاعری میں خوبصورت لہجے کے ساتھ ساتھ روایتی اور علاقائی رنگ کا ملاپ ان کے شعری حسن کو نکھارتا ہے۔ ادبی سرگرمیوں میں خاصے سرگرم ہیں اور اکثر مشاعروں میں بھی نظر آتے ہیں ۔
نظم اور غزل دونوں کہتے ہیں ۔ ان کے کلام سے کچھ انتخاب آپ احباب کی محبتوں کا منتظر ہےشعر اچھا ہو تو دیوان سے باہر جھانکے
کان کا رزق ہے بھائی جو سنائی دیوے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پڑی ہیں بام پر آنکھیں کسی کی
جسے آنا تھا واپس آ چکا ہے
سڑک بیٹھی ہے دو زانو زمیں پر
کوئی قصدِ سفر فرما چکا ہے
۔
(جاری ہے)
آتے جاتے چیخ اٹھتی تھیں، پاگل پن میں
دیواروں کو چپ رہنے کا بول دیا ہے
ضد کی پکی۔۔۔ بات نہیں کی، شربت میں ہی
بیٹھے بیٹھے اپنا دُکھڑا گھول دیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ جو کشتی ہے ڈوبنے والی
آنکھ سمجھو اسے سمندر کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دل میں اک ریل رکی رات گئے
ایک اک کر کے خسارے اترے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیڑ کٹا کے صحن سے وقت کو راستہ دیا
دھوپ ہی دھوپ گھر میں ہے جیسے یہ فروری نہ ہو
سوتا ہوں شب گزار کے، اٹھتا ہوں دن اتار کے
جیسے کوئی بھی دکھ نہ ہو، جیسے کوئی خوشی نہ ہو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خدا کی سلطنت اپنی جگہ ہے
میں اک فٹ پاتھ پر بیٹھا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گونگی غزلیں سنتے سنتے اس نے کروٹ لی
شعر سمجھ میں آ جاتے ہیں سمجھانے سے کیا؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پٹڑیوں پر اگے ہوئے کچھ پھول
ریل گاڑی میں یاد آئے مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گھڑی کی سوئیاں واپس گھما دوں؟
مگر یہ مسئلے کا حل نہیں ہے
تمہارا مسئلہ تو پیاس ہے نا
ہماری چھابڑی چھاگل نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بڑے دنوں سے کچھ نہیں سنا گیا
کوئی تو مسئلہ ہے اس مکان میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگلے وقتوں میں ہوتے تو میلوں چل کر
میٹھے کنوئیں سے پانی بھرتے، باتیں کرتے
اپنے اپنے فون پہ سب مصروف تھے ورنہ
ہم سگریٹ کے کش نہ بھرتے، باتیں کرتے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اک سگریٹ میں اتنا زہر ملا سکتا ہوں
پورے کش میں آدھا دکھ نمٹا سکتا ہوں
میرا ہاتھ پکڑ کر اپنے آپ سے پوچھ
کیا میں تیری جھوٹی قسمیں کھا سکتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آج دیکھا ہے دیکھنا اُن کا
آج دیکھی ہیں دیکھتی آنکھیں
جائیے معزرت نہیں درکار
دیکھ سکتا ہوں آپ کی انکھیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایسےچپ بیٹھنے سے کیا ہوگا
بات ہو گی تو فیصلہ ہوگا
زندگی ہےتواک پہیلی ہی
ہاں،اگر بوجھ لی تو کیا ہو گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محرومی کا دسواں سال
رو دیں گے کیلنڈر بھی
چائے ملتی رہتی ہے
گھر جیسا ہےدفتر بھی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ابھی ہم فرض کر لیتے ہیں وحشت
کبھی پھر دشت بھی دکھلائیے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کتاب انگلی پکڑ کر گھما رہی تھی ہمیں
پھر ایک سطر میں خود سے ملے، بڑے ہو کر
ہمارا عشق، ہماری کہانیاں، ہم لوگ
پڑے رہیں گے کتابوں میں مخمصے ہو کر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جاتے ہوئے دنوں کے ساتھ شام کبھی نہیں گئی
حلقے میں ایک میز پر بیٹھے ہیں یار آج تک
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اک گھڑی کیا خرید لی میں نے
وقت پیچھے ہی پڑ گیا ہے مرے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونہی پوروں پہ بیٹھا گن رہا ہوں
میں اس دنیا میں کتنے دن رہا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
روک لوں دو گھڑی تجھے لیکن
رکنے والی نہیں گھڑی میری
مرنے والی ہے شاعری مجھ میں
لگنے والی ہے نوکری میری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(4394) ووٹ وصول ہوئے
Related Poet
Related Articles
فاخرہ بتول کا تعارف اور ان کا منتخب کلام
Fakhara Batool
ادب نامہ کی طرف سے شاہد ذکی کی شاعری سے انتخاب
Shahid Zaki Ki Shaeri Se Intikhab By Adab Nama
گلزار صاحب کا تعارف اور کچھ منتخب کلام
Gulzar
عذرا عباس کی نظمو ں کا مو ضوعا تی تنوع
Azra Abbas Ki Nazmoon Ka Maozuati Tanao
قیس کے قبیلے کا فرد ۔۔ مبشر سعید
Qais K Qabeelay Ka Fard
راستوں کا دل دادہ ۔۔۔۔۔ کاشف حسین غائر
Raastoon Ka Dil Daada
ادب نامہ کی جانب سے حماد نیازی کی شاعری سے انتخاب
Hammad Niazi Ki Shaeri Se Intikhab By Adab Nama
سراج الدّین ظفر۔ تعارف اور منتخب کلام تحریر : عرفان ستار
Siraj Ul Din Zafar
مجید امجد کی شاعری کے انگریزی تراجم (عارفہ شہزاد )
Majeed Amjad Ki Shaeri Ka Tarjuma
علامتوں کے تنوع کا شاعر ____ابرار احمد
Alaamton Ki Tanu Ka Shaair
ادب نامہ کی طرف سے ضامن عباس کاظمی کی شاعری سے انتخاب
Zamin Abbas Kazmi Ki Shaeri Se Intikhab By Adab Nama
صوفی شاعر حضرت خواجہ غلام
Khuwaja Ghulam Farid
گفتگو کا معنویاتی تجزیہ
Guftgu Ka Muanviayati Tajzia
نور محمد نور کپورتھلوی کے کلام میں عصری آ گہی کا شعور
Noor Mohammad Noor Kapoor Thalavi
ادب نامہ کی طرف سے تہذیب حافی کی شاعری سے انتخاب
Tehzeeb Hafi Ki Shaeri Se Intikhab By Adab Nama
وسیع کینوس کا شاعر ۔۔ شاہین عباس
Wasee Canvas Ka Shaair, Shaheen Abbas
Nasar Ullah Haris Ki Shaeri Se Intikhab By Adab Nama - Read Urdu Article
Nasar Ullah Haris Ki Shaeri Se Intikhab By Adab Nama is a detailed Urdu Poetry Article in which you can read everything about your favorite Poet. Nasar Ullah Haris Ki Shaeri Se Intikhab By Adab Nama is available to read in Urdu so that you can easily understand it in your native language.
Nasar Ullah Haris Ki Shaeri Se Intikhab By Adab Nama in Urdu has everything you wish to know about your favorite poet. Read what they like and who their inspiration is. You can learn about the personal life of your favorite poet in Nasar Ullah Haris Ki Shaeri Se Intikhab By Adab Nama.
Nasar Ullah Haris Ki Shaeri Se Intikhab By Adab Nama is a unique and latest article about your favorite poet. If you wish to know the latest happenings in the life of your favorite poet, Nasar Ullah Haris Ki Shaeri Se Intikhab By Adab Nama is a must-read for you. Read it out, and you will surely like it.