Ahad-nama-e-imroz, Urdu Nazam By Aziz Qaisi

Ahad-nama-e-imroz is a famous Urdu Nazam written by a famous poet, Aziz Qaisi. Ahad-nama-e-imroz comes under the Love, Sad category of Urdu Nazam. You can read Ahad-nama-e-imroz on this page of UrduPoint.

Urdu Poem English Poem

عہد نامۂ امروز

عزیز قیسی

اور پھر یوں ہوا

دن کا اگلا پہر سبز زیتون کی چھاؤں میں کاٹ کر

ابن آدم اٹھا

اپنے اک ہاتھ میں سانپ اور دوسرے ہاتھ میں

اک ممولا لیے

عرش کی سمت جاتے ہوئے

مڑ کے وادی کے لوگوں سے اس نے کہا

''مجھ پہ ایمان لاؤ خدا مر چکا ہے

یہ افلاک و آفاق کا بار اب میرے شانوں پہ ہے

مہر و ماہ و کواکب سبھی میرے آیات ہیں''

اور وادی کے لوگوں میں کچھ لوگ دانا تھے ایمان لے آئے

کچھ کشمکش میں رہے

اور کتنے ہی ایسے بھی تھے جو خود اپنی صداؤں میں گم

ابن آدم کی آواز سے دور تھے

اور پھر یوں ہوا

چار آفاق سے اک گھنا ابر اٹھا

اور وادی پہ اک سائباں کی طرح تن گیا

اور زمیں جیسے تپنے لگی

اور وادی کے سب لوگ گھبرا گئے

ایسی آواز میں جیسے سکرات میں سانس کی فصل کو

کاٹتا ہو کوئی

ابن آدم کو سب نے پکارا کہ

یہ موت کے کالے ڈھکنے کی مانند آنکھوں پہ رکھا ہوا

ابر کیسا ہے؟

تنور پر ایک تانبے کی تھالی کی مانند تپتی زمیں کس لیے!

دیکھ ہم لوگ ایسے لرزتے ہیں سینوں میں ایمان

جیسے لرزتے ہوں

یہ کیسا آسیب ہے!!

ان کی آواز لوٹ آئی

پھر کانپتے تلملاتے دھڑکتے دلوں سے یہ سب نے سنا

''ابر سے زہر برسے گا

تپتی زمیں اور دہکے گی

وادی کا ہر غنچہ مر جائے گا

خاک کے رحم میں سانس لیتا ہوا آفرینش کا ہر بیج

مر جائے گا''

یہ صدائیں افق تا افق گونج اٹھیں

اور سب نے سنیں

ان میں دانا بھی تھے

جن کی دانائیاں تن برہنہ کنواری کنیزوں کی مانند

لب بستہ تھیں

اور وہ لوگ بھی ان میں موجود تھے

کشمکش جن کے دل کی گنہ گار جسموں کے

معصوم بچوں کی مانند حیران تھی

اور کتنے ہی وہ بھی تھے

معصومیت جن کی فولاد پیکر غلاموں کی مانند

مقتول تھی

اور پھر یوں ہوا

سب کی نظریں اٹھیں جس طرف

اپنے اک ہاتھ میں ارض محکوم اور دوسرے ہاتھ میں

جوہری بم لیے

ابن آدم کھڑا تھا کسی آتشیں پیڑ کی چھاؤں میں

نیچے وادی میں اک شور تھا

''وہ ہمارا خدا ہم کو لوٹاؤ

تسکین کی کوئی صورت تو ہو

کوئی چھت کوئی سایہ کوئی سائباں

کچھ تو ہو جس کے ظلمات میں چھپ کے ہم

زندگی کاٹ لیں

اور یہ ابر آنکھوں سے اوجھل رہے''

وہ ہمارا خدا ہم کو لوٹاؤ

وادی کا یہ شور بڑھتا رہا

شور کرتی ہوئی بھیڑ میں وہ بھی تھے

جن کے ایمان مضبوط تھے

اور پھر یوں ہوا

ابن آدم نے دیکھا کہ

وادی میں صدیوں کا بوڑھا خدا پھر سے موجود تھا

عزیز قیسی

© UrduPoint.com

All Rights Reserved

Ahad-nama-e-imroz

Aziz Qaisi

aur phir yun hua
din ka ugla pahar sabz zaitun ki chhanw mein kaT kar
ibn-e-adam uTha
apne ek hath mein sanp aur dusre hath mein
ek mamola liye
arsh ki samt jate hue
muD ke wadi ke logon se us ne kaha
mujh pe iman lao KHuda mar chuka hai
ye aflak o aafaq ka bar ab mere shanon pe hai
mahr o mah o kawakib sabhi mere aayat hain
aur wadi ke logon mein kuchh log dana the iman le aae
kuchh kashmakash mein rahe
aur kitne hi aise bhi the jo KHud apni sadaon mein gum
ibn-e-adam ki aawaz se dur the

aur phir yun hua
chaar aafaq se ek ghana abr uTha
aur wadi pe ek saeban ki tarah tan gaya
aur zamin jaise tapne lagi
aur wadi ke sab log ghabra gae
aisi aawaz mein jaise sakraat mein sans ki fasl ko
kaTta ho koi
ibn-e-adam ko sab ne pukara ki
ye maut ke kale dhakne ki manind aankhon pe rakkha hua
abr kaisa hai?
tannur par ek tanbe ki thaali ki manind tapti zamin kis liye!
dekh hum log aise larazte hain sinon mein iman
jaise larazte hon
ye kaisa aaseb hai!!
in ki aawaz lauT aai
phir kanpte tilmilate dhaDakte dilon se ye sab ne suna
abr se zahr barsega
tapti zamin aur dahkegi
wadi ka har ghuncha mar jaega
KHak ke rahm mein sans leta hua aafrinash ka har bij
mar jaega
ye sadaen ufuq-ta-ufuq gunj uThin
aur sab ne sunin
un mein dana bhi the
jin ki danaiyan tan-barhana kunwari kanizon ki manind
lab-basta thin
aur wo log bhi in mein maujud the
kashmakash jin ke dil ki gunahgar jismon ke
masum bachchon ki manind hairan thi
aur kitne hi wo bhi the
masumiyat jin ki faulad-paikar ghulamon ki manind
maqtul thi
aur phir yun hua
sab ki nazren uThin jis taraf
apne ek hath mein arz-e-mahkum aur dusre hath mein
jauhari bam liye
ibn-e-adam khaDa tha kisi aatishin peD ki chhanw mein
niche wadi mein ek shor tha
wo hamara KHuda hum ko lauTao
taskin ki koi surat to ho
koi chhat koi saya koi saeban
kuchh to ho jis ke zulmat mein chhup ke hum
zindagi kaT len
aur ye abr aankhon se ojhal rahe
wo hamara KHuda hum ko lauTao
wadi ka ye shor baDhta raha
shor karti hui bhiD mein wo bhi the
jin ke iman mazbut the
aur phir yun hua
ibn-e-adam ne dekha ki
wadi mein sadiyon ka buDha KHuda phir se maujud tha

(697) ووٹ وصول ہوئے

Related Poetry

You can read Ahad-nama-e-imroz written by Aziz Qaisi at UrduPoint. Ahad-nama-e-imroz is one of the masterpieces written by Aziz Qaisi. You can also find the complete poetry collection of Aziz Qaisi by clicking on the button 'Read Complete Poetry Collection of Aziz Qaisi' above.

Ahad-nama-e-imroz is a widely read Urdu Nazam. If you like Ahad-nama-e-imroz, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.