Aap Apne Raqib Hain Hum Log, Urdu Ghazal By Birj Lal Raana

aap apne raqib hain hum log
kis qadar bad-nasib hain hum log

daulat-e-dard se hain mala-mal
go ba-zahir gharib hain hum log

hum ko har haal mein ujaDna hai
aashiqon ka nasib hain hum log

jitne apni KHudi se dur hue
utne un se qarib hain hum log

phir na sanwre bigaD ke hum shayad
dushmanon ka nasib ka nasib hain hum log

maut se khelte hain sham-o-sahar
zindagi ke qarib hain hum log

un ki nazron se dur hain phir bhi
un ke dil se qarib hain hum log

hum se puchho haqiqaten gham ki
der se gham-nasib hain hum log

kis ko ja kar sunain haal apna
ajnabi hain gharib hain hum log

dosh-e-hasti pe haar hain 'rana'
aaj-kal ke adib hain hum log