Guru-nanak Dev Ji, Urdu Nazam By Darshan Singh
Guru-nanak Dev Ji is a famous Urdu Nazam written by a famous poet, Darshan Singh. Guru-nanak Dev Ji comes under the category of Urdu Nazam. You can read Guru-nanak Dev Ji on this page of UrduPoint.
گرو نانک دیو جی
درشن سنگھ
ترے جمال سے اے آفتاب ننکانہ
نکھر نکھر گیا حسن شعور رندانہ
کچھ ایسے رنگ سے چھیڑا رباب مستانہ
کہ جھومنے لگا روحانیت کا مے خانہ
تری شراب سے مدہوش ہو گئے مے خوار
دوئی مٹا کے ہم آغوش ہو گئے مے خوار
ترا پیام تھا ڈوبا ہوا تبسم میں
بھری تھی روح لطافت ترے تکلم میں
نوائے حق کی کشش تھی ترے ترنم میں
یقیں کی شمع جلائی شب توہم میں
دلوں کو حق سے ہم آہنگ کر دیا تو نے
گلوں کو گوندھ کے یک رنگ کر دیا تو نے
تری نوا نے دیا نور آدمیت کو
مٹا کے رکھ دیا حرص و ہوا کی ظلمت کو
دلوں سے دور کیا سیم و زر کی رغبت کو
کہ پا لیا تھا ترے دل نے حق کی دولت کو
ہجوم ظلمت باطل میں حق پناہی کی
فقیر ہو کے بھی دنیا میں بادشاہی کی
تری نگاہ میں قرآن و دید کا عالم
ترا خیال تھا راز حیات کا محرم
ہر ایک گل پہ ٹپکتی تھی پیار کی شبنم
کہ بس گیا تھا نظر میں بہشت کا موسم
نفس نفس میں کلی رنگ و بو کی ڈھلتی تھی
نسیم تھی کہ فرشتوں کی سانس چلتی تھی
تری شراب سے بابا فرید تھے سرشار
ترے خلوص سے بے خود تھے صوفیان کبار
کہاں کہاں نہیں پہنچی ترے قدم کی بہار
ترے عمل نے سنوارے جہان کے کردار
تری نگاہ نے صہبائے آگہی دے دی
بشر کے ہاتھ میں قندیل زندگی دے دی
ترے پیام سے ایسی کی تھی مسیحائی
ترے سخن میں حبیب خدا کی رعنائی
ترے کلام میں گوتم کا نور دانائی
ترے ترانے میں مرلی کا لحن یکتائی
ہر ایک نور نظر آیا تیرے پیکر میں
تمام نکہتیں سمٹی ہیں اک گل تر میں
جہاں جہاں بھی گیا تو نے آگہی بانٹی
اندھیری رات میں چاہت کی روشنی بانٹی
عطا کیا دل بیدار زندگی بانٹی
فساد و جنگ کی دنیا میں شانتی بانٹی
بہار آئی کھلی پیار کی کلی ہر سو
ترے نفس سے نسیم سحر چلی ہر سو
رضائے حق کو نجات بشر کہا تو نے
تعینات خودی کو ضرر کہا تو نے
وفا نگر کو حقیقت نگر کہا تو نے
ظہور عشق کو سچی سحر کہا تو نے
جہان عشق میں کچھ بیش و کم کا فرق نہ تھا
تری نگاہ میں دیر و حرم کا فرق نہ تھا
بتایا تو نے کہ عرفاں سے آشنا ہونا
کبھی نہ عاشق دنیائے بے وفا ہونا
بدی سے شام و سحر جنگ آزما ہونا
خدا سے دور نہ اے بندۂ خدا ہونا
نشے میں دولت و زر کے نہ چور ہو جانا
قریب آئے جو دنیا تو دور ہو جانا
جو روح بن کے سما جائے ہر رگ و پے میں
تو پھر نہ شہد میں لذت نہ ساغر مے میں
وہی ہے ساز کے پردے میں لحن میں لے میں
اسی کی ذات کی پرچھائیاں ہر اک شے میں
نہ موج ہے نہ ستاروں کی آب ہے کوئی
تجلیوں کے ادھر آفتاب ہے کوئی
ابد کا نور فراہم کیا سحر کے لئے
دیا پیام بہاروں کا دشت و در کے لئے
دیے جلا دئے تاریک رہ گزر کے لئے
جیا بشر کے لئے جان دی بشر کے لیے
دعا یہ ہے کہ رہے عشق حشر تک تیرا
زمیں پہ عام ہو یہ درد مشترک تیرا
خدا کرے کہ زمانہ سنے تری آواز
ہر اک جبیں کو میسر ہو تیرا عکس نیاز
جہاں میں عام ہو تیرے ہی پیار کا انداز
خلوص دل سے ہو پوجا خلوص دل سے نماز
ترے پیام کی برکت سے نیک ہو جائیں
یہ امتیاز مٹیں لوگ ایک ہو جائیں
درشن سنگھ
© UrduPoint.com
All Rights Reserved
Guru-nanak Dev Ji
Darshan Singh
nikhar nikhar gaya husn-e-shuur-e-rindana
kuchh aise rang se chheDa rabab-e-mastana
ki jhumne laga ruhaniyat ka mai-KHana
teri sharab se madhosh ho gae mai-KHwar
dui miTa ke hum aaghosh ho gae mai-KHwar
tera payam tha Duba hua tabassum mein
bhari thi ruh-e-latafat tere takallum mein
nawa-e-haq ki kashish thi tere tarannum mein
yaqin ki shama jalai shab-e-tawahhum mein
dilon ko haq se ham-ahang kar diya tu ne
gulon ko gundh ke yak-rang kar diya tu ne
teri nawa ne diya nur aadamiyat ko
miTa ke rakh diya hirs-o-hawa ki zulmat ko
dilon se dur kiya sim-o-zar ki raghbat ko
ki pa liya tha tere dil ne haq ki daulat ko
hujum-e-zulmat-e-baatil mein haq-panahi ki
faqir ho ke bhi duniya mein baadshahi ki
teri nigah mein quran-o-did ka aalam
tera KHayal tha raaz-e-hayat ka mahram
har ek gul pe Tapakti thi pyar ki shabnam
ki bas gaya tha nazar mein bahisht ka mausam
nafas nafas mein kali rang-o-bu ki Dhalti thi
nasim thi ki farishton ki sans chalti thi
teri sharab se baba farid the sarshaar
tere KHulus se be-KHud the sufiyan-e-kibar
kahan kahan nahin pahunchi tere qadam ki bahaar
tere amal ne sanware jahan ke kirdar
teri nigah ne sahba-e-agahi de di
bashar ke hath mein qindil-e-zindagi de di
tere payam se aisi ki thi masihai
tere suKHan mein habib-e-KHuda ki ranai
tere kalam mein gautam ka nur-e-danai
tere tarane mein murli ka lahn-e-yaktai
har ek nur nazar aaya tere paikar mein
tamam nikhaten simTi hain ek gul-e-tar mein
jahan jahan bhi gaya tu ne aagahi banTi
andheri raat mein chahat ki raushni banTi
ata kiya dil-e-bedar zindagi banTi
fasad-o-jang ki duniya mein shanti banTi
bahaar aai khili pyar ki kali har su
tere nafas se nasim-e-sahar chali har su
raza-e-haq ko najat-e-bashar kaha tu ne
tainat-e-KHudi ko zarar kaha tu ne
wafa-nigar ko haqiqat-nigar kaha tu ne
zuhur-e-ishq ko sachchi sahar kaha tu ne
jahan-e-ishq mein kuchh besh-o-kam ka farq na tha
teri nigah mein dair-o-haram ka farq na tha
bataya tu ne ki irfan se aashna hona
kabhi na aashiq-e-duniya-e-be-wafa hona
badi se sham-o-sahar jang-azma hona
KHuda se dur na ai banda-e-KHuda hona
nashe mein daulat-o-zar ke na chur ho jaana
qarib aae jo duniya to dur ho jaana
jo ruh ban ke sama jae har rag-o-pai mein
to phir na shahd mein lazzat na saghar-e-mai mein
wahi hai saz ke parde mein lahn mein lai mein
usi ki zat ki parchhaiyan har ek shai mein
na mauj hai na sitaron ki aab hai koi
tajalliyon ke idhar aaftab hai koi
abad ka nur faraham kiya sahar ke liye
diya payam bahaaron ka dasht-o-dar ke liye
diye jala diye tarik rahguzar ke liye
jiya bashar ke liye jaan di bashar ke liye
dua ye hai ki rahe ishq hashr tak tera
zamin pe aam ho ye dard-e-mushtarak tera
KHuda kare ki zamana sune teri aawaz
har ek jabin ko mayassar ho tera aks-e-niyaz
jahan mein aam ho tere hi pyar ka andaz
KHulus-e-dil se ho puja KHulus-e-dil se namaz
tere payam ki barakat se nek ho jaen
ye imtiyaz miTen log ek ho jaen
(991) ووٹ وصول ہوئے
Related Darshan Singh Poetry
More Darshan Singh Poetry
چشم بینا ہو تو قید حرم و طور نہیں
Darshan Singh - درشن سنگھ
Chashm-e-bina Ho To Qaid-e-haram-o-tur Nahin
بہت مشکل ہے ترک آرزو ربط آشنا ہو کر
Darshan Singh - درشن سنگھ
Bahut Mushkil Hai Tark-e-arzu Rabt-ashna Ho Kar
آج دل سے دعا کرے کوئی
Darshan Singh - درشن سنگھ
Aaj Dil Se Dua Kare Koi
نگاہ مست ساقی کا سلام آیا تو کیا ہوگا
Darshan Singh - درشن سنگھ
Nigah-e-mast-e-saqi Ka Salam Aaya To Kya Hoga
عشق شبنم نہیں شرارا ہے
Darshan Singh - درشن سنگھ
Ishq Shabnam Nahin Sharara Hai
جذبۂ دل کو عمل میں کبھی لاؤ تو سہی
Darshan Singh - درشن سنگھ
Jazba-e-dil Ko Amal Mein Kabhi Lao To Sahi
تلاش نور
Darshan Singh - درشن سنگھ
Talash-e-nur
تجھے کیا خبر مرے ہم سفر مرا مرحلہ کوئی اور ہے
Darshan Singh - درشن سنگھ
Tujhe Kya Khabar Mere Ham-safar Mera Marhala Koi Aur Hai
You can read Guru-nanak Dev Ji written by Darshan Singh at UrduPoint. Guru-nanak Dev Ji is one of the masterpieces written by Darshan Singh. You can also find the complete poetry collection of Darshan Singh by clicking on the button 'Read Complete Poetry Collection of Darshan Singh' above.
Guru-nanak Dev Ji is a widely read Urdu Nazam. If you like Guru-nanak Dev Ji, you will also like to read other famous Urdu Nazam.
You can also read Poetry, If you want to read more poems. We hope you will like the vast collection of poetry at UrduPoint; remember to share it with others.