Dil Ki Raghbat Hai Jab Ap Hi Ki Taraf, Urdu Ghazal By Ehsan Danish

Dil Ki Raghbat Hai Jab Ap Hi Ki Taraf is a famous Urdu Ghazal written by a famous poet, Ehsan Danish. Dil Ki Raghbat Hai Jab Ap Hi Ki Taraf comes under the Sad category of Urdu Ghazal. You can read Dil Ki Raghbat Hai Jab Ap Hi Ki Taraf on this page of UrduPoint.

دل کی رغبت ہے جب آپ ہی کی طرف

احسان دانش

دل کی رغبت ہے جب آپ ہی کی طرف

کس لیے آنکھ اٹھتی کسی کی طرف

کیسی الجھن ہے بازی گہہ شوق میں

ہم ہیں ان کی طرف وہ کسی کی طرف

صرف اشک و تبسم میں الجھے رہے

ہم نے دیکھا نہیں زندگی کی طرف

ہم جو غول بیاباں سے واقف نہیں

چل دیے دور کی روشنی کی طرف

دیر و کعبہ سے پیاسی جبینیں لیے

آ گئے ہم تری بندگی کی طرف

رات ڈھلتے جب ان کا خیال آ گیا

ٹکٹکی بندھ گئی چاندنی کی طرف

جب نہ قصد خودی کے دریچے کھلے

اہل دل ہو لیے بے خودی کی طرف

ہم نے دل کی لگی ان سے کی تھی بیاں

بات وہ لے گئے دل لگی کی طرف

جادۂ آگہی پر بڑی بھیڑ تھی

سیکڑوں مڑ گئے گمرہی کی طرف

ہیں مرے حلقہ علم میں بالیقیں

آسماں کے پیام آدمی کی طرف

ان کے جلووں کی جانب نظر اٹھ گئی

موج تھی بڑھ گئی چاندنی کی طرف

کون سا جرم ہے کیا ستم ہو گیا

آنکھ اگر اٹھ گئی آپ ہی کی طرف

جانے وہ ملتفت ہوں کدھر بزم میں

آنسوؤں کی طرف یا ہنسی کی طرف

اس کے پندار خود آگہی پر نہ جا

دیکھ انساں کی بے چارگی کی طرف

اپنے ماحول میں کیوں اندھیرا کریں

دیر تک دیکھ کر روشنی کی طرف

موت کی راہ آسان ہو جائے گی

پیار سے دیکھیے زندگی کی طرف

ہم جنوں مند بھی اتنے واقف تو ہیں

عقل کا رخ ہے وارفتگی کی طرف

شاعری کی کسی منزل درد میں

اک دریچہ ہے پیغمبری کی طرف

جانے آنکھوں نے آنکھوں سے کیا کچھ کہا

زندگی جھک گئی زندگی کی طرف

دانشؔ انکار خالق سے ہوتا نہیں

دیکھتا ہوں میں جب آدمی کی طرف

احسان دانش

Previous More Sad Poetry Next

Ehsan Danish

Facebook Twitter Reddit Pinterest Whatsapp

(2047) ووٹ وصول ہوئے

You can read Dil Ki Raghbat Hai Jab Ap Hi Ki Taraf written by Ehsan Danish at UrduPoint. Dil Ki Raghbat Hai Jab Ap Hi Ki Taraf is one of the masterpieces written by Ehsan Danish. You can also find the complete poetry collection of Ehsan Danish by clicking on the button 'Read Complete Poetry Collection of Ehsan Danish' above.

Dil Ki Raghbat Hai Jab Ap Hi Ki Taraf is a widely read Urdu Ghazal. If you like Dil Ki Raghbat Hai Jab Ap Hi Ki Taraf, you will also like to read other famous Urdu Ghazal.

You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.