Wafa Ka Ehad Tha Dil Ko Sambhlnay Ke Liye, Urdu Ghazal By Ehsan Danish

Wafa Ka Ehad Tha Dil Ko Sambhlnay Ke Liye is a famous Urdu Ghazal written by a famous poet, Ehsan Danish. Wafa Ka Ehad Tha Dil Ko Sambhlnay Ke Liye comes under the Sad category of Urdu Ghazal. You can read Wafa Ka Ehad Tha Dil Ko Sambhlnay Ke Liye on this page of UrduPoint.

وفا کا عہد تھا دل کو سنبھالنے کے لئے

احسان دانش

وفا کا عہد تھا دل کو سنبھالنے کے لئے

وہ ہنس پڑے مجھے مشکل میں ڈالنے کے لئے

بندھا ہوا ہے بہاروں کا اب وہیں تانتا

جہاں رکا تھا میں کانٹے نکالنے کے لئے

کوئی نسیم کا نغمہ کوئی شمیم کا راگ

فضا کو امن کے قالب میں ڈھالنے کے لئے

خدا نہ کردہ زمیں پاؤں سے اگر کھسکی

بڑھیں گے تند بگولے سنبھالنے کے لئے

اتر پڑے ہیں کدھر سے یہ آندھیوں کے جلوس

سمندروں سے جزیرے نکالنے کے لئے

ترے سلیقۂ ترتیب نو کا کیا کہنا

ہمیں تھے قریۂ دل سے نکالنے کے لئے

کبھی ہماری ضرورت پڑے گی دنیا کو

دلوں کی برف کو شعلوں میں ڈھالنے کے لئے

یہ شعبدے ہی سہی کچھ فسوں گردوں کو بلاؤ

نئی فضا میں ستارے اچھالنے کے لئے

ہے صرف ہم کو ترے خال و خد کا اندازہ

یہ آئنہ تو ہیں حیرت میں ڈالنے کے لئے

نہ جانے کتنی مسافت سے آئے گا سورج

نگار شب کا جنازہ نکالنے کے لئے

میں پیش رو ہوں اسی خاک سے اگیں گے چراغ

نگاہ و دل کے افق کو اجالنے کے لئے

فصیل شب سے کوئی ہاتھ بڑھنے والا ہے

فضا کی جیب سے سورج نکالنے کے لئے

کنوئیں میں پھینک کے پچھتا رہا ہوں اے دانشؔ

کمند تھی جو مناروں پر ڈالنے کے لئے

احسان دانش

© UrduPoint.com

All Rights Reserved

(1918) ووٹ وصول ہوئے

You can read Wafa Ka Ehad Tha Dil Ko Sambhlnay Ke Liye written by Ehsan Danish at UrduPoint. Wafa Ka Ehad Tha Dil Ko Sambhlnay Ke Liye is one of the masterpieces written by Ehsan Danish. You can also find the complete poetry collection of Ehsan Danish by clicking on the button 'Read Complete Poetry Collection of Ehsan Danish' above.

Wafa Ka Ehad Tha Dil Ko Sambhlnay Ke Liye is a widely read Urdu Ghazal. If you like Wafa Ka Ehad Tha Dil Ko Sambhlnay Ke Liye, you will also like to read other famous Urdu Ghazal.

You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.