Quantum Leap, Urdu Nazam By Emad Ahmad

Quantum Leap is a famous Urdu Nazam written by a famous poet, Emad Ahmad. Quantum Leap comes under the Social category of Urdu Nazam. You can read Quantum Leap on this page of UrduPoint.

کوانٹم لیپ(Quantum Leap)

عماد احمد

ہمیں اب آگہی اور روشنی اک چیز لگتے ہیں

اگرہوآنکھ کے اندرتواس کوروشنی کہیے

اگر ہو قلب کے اندر تواس کوآگہی کہیے

سفر باہر کا ہو تو روشنی سے آگہی لیجے

سفر اندر کا ہو تو آگہی سے روشنی لیجے

حقیقت دیکھنی ہو ظاہری اسباب کی تو آنکھ کو کچھ نُور تو درکار ہوتا ہے

حقیقت جاننی ہو داخلی اسرار کی توقلب کو کچھ نُور تو درکار ہوتا ہے

معمہ ہو اگر مادّہ سے وابستہ تو اس کی آگہی آنکھوں سے ملتی ہے

مسائل ہوں اگر ما بعد ا لطبیعات کے بارے

تو پھر قلبی نظر آگاہ کرتی ہے

اگر قلب و نظر یکجان ہو جائیں

اگر ظاہر کی آنکھیں باطنی آنکھوں سے مل کر زاویہ ترتیب دیتی ہوں

اگر قلبِ بشر بس آگہی کی روشنی میں راہ ڈھونڈے تو

سفر اندر یا باہر کا نہیں رہتا

کہ یہ اندر یا باہر تو فقط کچھ استعارے ہیں

حقیقت کے کنارے ہیں

حقیقت تو سمندر ہے

نہیں بلکہ سمندر بھی فقط اک استعارہ ہے

حقیقت کا بیاں انسان کی تخلیق کردہ کچھ زبانوں میں نہیں ممکن

حقیقت کا بیاں انسان کی ایجاد کردہ علمی اصلاحات سے

پردے میں ہے اب تک

بیاں کرنے کی کوشش میں یہاں اتنا اشارہ ہے

بیاں کرنے کا بس اتنا ہی یارا ہے

کہ گر قلب و نظریک جان ہو جائیں

تو ایسے آدمی کوآگہی اور روشنی اک چیز لگتے ہیں

تو اس کے راستے بس نُور میں تفویض لگتے ہیں

ستاروں کے سفربھی پاؤں کو دہلیز لگتے ہیں!

عماد احمد

© UrduPoint.com

All Rights Reserved

(1267) ووٹ وصول ہوئے

You can read Quantum Leap written by Emad Ahmad at UrduPoint. Quantum Leap is one of the masterpieces written by Emad Ahmad. You can also find the complete poetry collection of Emad Ahmad by clicking on the button 'Read Complete Poetry Collection of Emad Ahmad' above.

Quantum Leap is a widely read Urdu Nazam. If you like Quantum Leap, you will also like to read other famous Urdu Nazam.

You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.