ترا غم رہے سلامت یہی میری زندگی ہے
ترے غم سے میرے جاناں مرے دل میں روشنی ہے
مری مے کشی کا حاصل وہ شراب بن گئی ہے
جو ملی تری نظر سے جو تری نظر سے پی ہے
تجھے سامنے بٹھا کر صدا پوجتا رہوں میں
ہے یہی مری عبادت یہی میری بندگی ہے
مرے دل میں بسنے والے تجھے کیسے بھول جاؤں
ترا عشق میرا مذہب تری یاد زندگی ہے
مری التجا ہے تجھ سے مری بندگی بدل دے
کہ ترے کرم مری جاں مری لو لگی ہوئی ہے
میں فقیر آستاں ہوں مری لاج رکھ خدارا
یہ جبین شوق میری ترے در پہ جھک گئی ہے
میں فناؔ کی منزلوں میں ہوں فنا کہ بعد زندہ
تری آرزو میں مٹ کر مجھے زندگی ملی ہے
فنا بلند شہری
© UrduPoint.com
All Rights Reserved
Firaq Gorakhpuri 
Shahzad Ahmed 
Mohammad Ibrahim Zauq 
Zafar Iqbal 
Nasir Kazmi 
Meeraji 
Khwaja Haidar Ali Aatish 
Daniyal Tareer 
Shan E Haider Bebak Amrohvi 
Rasheed Qaisrani 
Sadaf Lucknowi 
Anjum Siddiqui