Aankhon Mein Jo Baat Ho Gayi Hai, Urdu Ghazal By Firaq Gorakhpuri

Aankhon Mein Jo Baat Ho Gayi Hai is a famous Urdu Ghazal written by a famous poet, Firaq Gorakhpuri. Aankhon Mein Jo Baat Ho Gayi Hai comes under the Sad category of Urdu Ghazal. You can read Aankhon Mein Jo Baat Ho Gayi Hai on this page of UrduPoint.

آنکھوں میں جو بات ہو گئی ہے

فراق گورکھپوری

آنکھوں میں جو بات ہو گئی ہے

اک شرح حیات ہو گئی ہے

جب دل کی وفات ہو گئی ہے

ہر چیز کی رات ہو گئی ہے

غم سے چھٹ کر یہ غم ہے مجھ کو

کیوں غم سے نجات ہو گئی ہے

مدت سے خبر ملی نہ دل کی

شاید کوئی بات ہو گئی ہے

جس شے پہ نظر پڑی ہے تیری

تصویر حیات ہو گئی ہے

اب ہو مجھے دیکھیے کہاں صبح

ان زلفوں میں رات ہو گئی ہے

دل میں تجھ سے تھی جو شکایت

اب غم کے نکات ہو گئی ہے

اقرار گناہ عشق سن لو

مجھ سے اک بات ہو گئی ہے

جو چیز بھی مجھ کو ہاتھ آئی

تیری سوغات ہو گئی ہے

کیا جانیے موت پہلے کیا تھی

اب میری حیات ہو گئی ہے

گھٹتے گھٹتے تری عنایت

میری اوقات ہو گئی ہے

اس چشم سیہ کی یاد یکسر

شام ظلمات ہو گئی ہے

اس دور میں زندگی بشر کی

بیمار کی رات ہو گئی ہے

جیتی ہوئی بازیٔ محبت

کھیلا ہوں تو مات ہو گئی ہے

مٹنے لگیں زندگی کی قدریں

جب غم سے نجات ہو گئی ہے

وہ چاہیں تو وقت بھی بدل جائے

جب آئے ہیں رات ہو گئی ہے

دنیا ہے کتنی بے ٹھکانہ

عاشق کی برات ہو گئی ہے

پہلے وہ نگاہ اک کرن تھی

اب برق صفات ہو گئی ہے

جس چیز کو چھو دیا ہے تو نے

اک برگ نبات ہو گئی ہے

اکا دکا صدائے زنجیر

زنداں میں رات ہو گئی ہے

ایک ایک صفت فراقؔ اس کی

دیکھا ہے تو ذات ہو گئی ہے

فراق گورکھپوری

© UrduPoint.com

All Rights Reserved

(6221) ووٹ وصول ہوئے

You can read Aankhon Mein Jo Baat Ho Gayi Hai written by Firaq Gorakhpuri at UrduPoint. Aankhon Mein Jo Baat Ho Gayi Hai is one of the masterpieces written by Firaq Gorakhpuri. You can also find the complete poetry collection of Firaq Gorakhpuri by clicking on the button 'Read Complete Poetry Collection of Firaq Gorakhpuri' above.

Aankhon Mein Jo Baat Ho Gayi Hai is a widely read Urdu Ghazal. If you like Aankhon Mein Jo Baat Ho Gayi Hai, you will also like to read other famous Urdu Ghazal.

You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.