Haath Aaye To Wohi Daman Janaan Ho Jaye

ہاتھ آئے تو وہی دامن جاناں ہو جائے

ہاتھ آئے تو وہی دامن جاناں ہو جائے

چھوٹ جائے تو وہی اپنا گریباں ہو جائے

عشق اب بھی ہے وہ محرم بیگانہ نما

حسن یوں لاکھ چھپے لاکھ نمایاں ہو جائے

ہوش و غفلت سے بہت دور ہے کیفیت عشق

اس کی ہر بے خبری منزل عرفاں ہو جائے

یاد آتی ہے جب اپنی تو تڑپ جاتا ہوں

میری ہستی ترا بھولا ہوا پیماں ہو جائے

آنکھ وہ ہے جو تری جلوہ گہہ ناز بنے

دل وہی ہے جو سراپا ترا ارماں ہو جائے

پاک بازان محبت میں جو بے باکی ہے

حسن گر اس کو سمجھ لے تو پشیماں ہو جائے

سہل ہو کر ہوئی دشوار محبت تیری

اسے مشکل جو بنا لیں تو کچھ آساں ہو جائے

عشق پھر عشق ہے جس روپ میں جس بھیس میں ہو

عشرت وصل بنے یا غم ہجراں ہو جائے

کچھ مداوا بھی ہو مجروح دلوں کا اے دوست

مرہم زخم ترا جور‌ پشیماں ہو جائے

یہ بھی سچ ہے کوئی الفت میں پریشاں کیوں ہو

یہ بھی سچ ہے کوئی کیوں کر نہ پریشاں ہو جائے

عشق کو عرض تمنا میں بھی لاکھوں پس و پیش

حسن کے واسطے انکار بھی آساں ہو جائے

جھلملاتی ہے سر بزم جہاں شمع خودی

جو یہ بجھ جائے چراغ رہ عرفاں ہو جائے

سر شوریدہ دیا دشت و بیاباں بھی دیے

یہ مری خوبیٔ قسمت کہ وہ زنداں ہو جائے

عقدۂ عشق عجب عقدۂ مہمل ہے فراقؔ

کبھی لاحل کبھی مشکل کبھی آساں ہو جائے

فراق گورکھپوری

© UrduPoint.com

All Rights Reserved

(6466) ووٹ وصول ہوئے

Your Thoughts and Comments

Haath Aaye To Wohi Daman Janaan Ho Jaye by Firaq Gorakhpuri - Read Firaq Gorakhpuri's best Shayari Haath Aaye To Wohi Daman Janaan Ho Jaye at UrduPoint. Here you can read the best poetry Haath Aaye To Wohi Daman Janaan Ho Jaye of Firaq Gorakhpuri. Haath Aaye To Wohi Daman Janaan Ho Jaye is the most famous poetry by Firaq Gorakhpuri. People love to read poetry by Firaq Gorakhpuri, and Haath Aaye To Wohi Daman Janaan Ho Jaye by Firaq Gorakhpuri is best among the whole collection of poetry by Firaq Gorakhpuri.

Firaq Gorakhpuri is the most famous Urdu Poet. Therefore, people love to read Urdu Poetry of Firaq Gorakhpuri. At UrduPoint, you can find the complete collection of Urdu Poetry of Firaq Gorakhpuri. On this page, you can read Haath Aaye To Wohi Daman Janaan Ho Jaye by Firaq Gorakhpuri. Haath Aaye To Wohi Daman Janaan Ho Jaye is the best poetry by Firaq Gorakhpuri.

Read the Firaq Gorakhpuri's best poetry Haath Aaye To Wohi Daman Janaan Ho Jaye here at UrduPoint; you will surely like it. If we make a list of Firaq Gorakhpuri's best Shayari, Haath Aaye To Wohi Daman Janaan Ho Jaye of Firaq Gorakhpuri will be at the top. Many people, who love the Urdu Shayari of Firaq Gorakhpuri, regard it as the best poetry Haath Aaye To Wohi Daman Janaan Ho Jaye of Firaq Gorakhpuri.

We recommend you read the most famous poetry, Haath Aaye To Wohi Daman Janaan Ho Jaye of Firaq Gorakhpuri here, you will surely love it. Also, don't forget to share it with others.