Zindagi Dard Ki Kahani Hai, Urdu Ghazal By Firaq Gorakhpuri
Zindagi Dard Ki Kahani Hai is a famous Urdu Ghazal written by a famous poet, Firaq Gorakhpuri. Zindagi Dard Ki Kahani Hai comes under the Sad category of Urdu Ghazal. You can read Zindagi Dard Ki Kahani Hai on this page of UrduPoint.
زندگی درد کی کہانی ہے
فراق گورکھپوری
زندگی درد کی کہانی ہے
چشم انجم میں بھی تو پانی ہے
بے نیازانہ سن لیا غم دل
مہربانی ہے مہربانی ہے
وہ بھلا میری بات کیا مانے
اس نے اپنی بھی بات مانی ہے
شعلۂ دل ہے یہ کہ شعلہ ساز
یا ترا شعلۂ جوانی ہے
وہ کبھی رنگ وہ کبھی خوشبو
گاہ گل گاہ رات رانی ہے
بن کے معصوم سب کو تاڑ گئی
آنکھ اس کی بڑی سیانی ہے
آپ بیتی کہو کہ جگ بیتی
ہر کہانی مری کہانی ہے
دونوں عالم ہیں جس کے زیر نگیں
دل اسی غم کی راجدھانی ہے
ہم تو خوش ہیں تری جفا پر بھی
بے سبب تیری سرگرانی ہے
سر بہ سر یہ فراز مہر و قمر
تیری اٹھتی ہوئی جوانی ہے
آج بھی سن رہے ہیں قصۂ عشق
گو کہانی بہت پرانی ہے
ضبط کیجے تو دل ہے انگارا
اور اگر روئیے تو پانی ہے
ہے ٹھکانا یہ در ہی اس کا بھی
دل بھی تیرا ہی آستانی ہے
ان سے ایسے میں جو نہ ہو جائے
نو جوانی ہے نو جوانی ہے
دل مرا اور یہ غم دنیا
کیا ترے غم کی پاسبانی ہے
گردش چشم ساقیٔ دوراں
دور افلاک کی بھی پانی ہے
اے لب ناز کیا ہیں وہ اسرار
خامشی جن کی ترجمانی ہے
مے کدوں کے بھی ہوش اڑنے لگے
کیا تری آنکھ کی جوانی ہے
خودکشی پر ہے آج آمادہ
ارے دنیا بڑی دوانی ہے
کوئی اظہار ناخوشی بھی نہیں
بد گمانی سی بد گمانی ہے
مجھ سے کہتا تھا کل فرشتۂ عشق
زندگی ہجر کی کہانی ہے
بحر ہستی بھی جس میں کھو جائے
بوند میں بھی وہ بیکرانی ہے
مل گئے خاک میں ترے عشاق
یہ بھی اک امر آسمانی ہے
زندگی انتظار ہے تیرا
ہم نے اک بات آج جانی ہے
کیوں نہ ہو غم سے ہی قماش اس کا
حسن تصویر شادمانی ہے
سونی دنیا میں اب تو میں ہوں اور
ماتم عشق آنجہانی ہے
کچھ نہ پوچھو فراقؔ عہد شباب
رات ہے نیند ہے کہانی ہے
فراق گورکھپوری
© UrduPoint.com
All Rights Reserved
(5731) ووٹ وصول ہوئے
Related Firaq Gorakhpuri Poetry
More Firaq Gorakhpuri Poetry
پھرآج اشک سے آنکھوں میں کیوں ہیں آئے ہیں
Firaq Gorakhpuri - فراق گورکھپوری
Phir Aaj Ashaq Se Aankhoo.n Mein Kio Hain Aye Hove
عشق کی مایوسیوں میں سوز پنہاں کچھ نہیں
Firaq Gorakhpuri - فراق گورکھپوری
Ishq Ki Mayusion Main Soaz Panhan Kuch Nahi
یہ سرمئی فضائوں کی کچھ کنمناہیٹں
Firaq Gorakhpuri - فراق گورکھپوری
Yeh Surmai Fizaao Ki Kuch Kanminahatay
اپنے حواس میں شب غم کب حیات ہے
Firaq Gorakhpuri - فراق گورکھپوری
Apne Hawas Mein Shab Kab Hayat Hai
جولانگہہ حیات کہیں ختم ہی نہیں
Firaq Gorakhpuri - فراق گورکھپوری
Jo La Nigaah E Hayat Kahin Khatam Hi Nahin
ہاتھ آئے تو وہی دامن جاناں ہو جائے
Firaq Gorakhpuri - فراق گورکھپوری
Haath Aaye To Wohi Daman Janaan Ho Jaye
جن کی زندگی دامن تک ہے بے چارے فرزانے ہیں
Firaq Gorakhpuri - فراق گورکھپوری
Jin Ki Zindagi Daman Tak Hai Be Charay Farzane Hain
یہ جو قول و قرار ہے ،کیا ہے
Firaq Gorakhpuri - فراق گورکھپوری
Yeh Jo Qaul O Qaraar Hain Kia Hain
You can read Zindagi Dard Ki Kahani Hai written by Firaq Gorakhpuri at UrduPoint. Zindagi Dard Ki Kahani Hai is one of the masterpieces written by Firaq Gorakhpuri. You can also find the complete poetry collection of Firaq Gorakhpuri by clicking on the button 'Read Complete Poetry Collection of Firaq Gorakhpuri' above.
Zindagi Dard Ki Kahani Hai is a widely read Urdu Ghazal. If you like Zindagi Dard Ki Kahani Hai, you will also like to read other famous Urdu Ghazal.
You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.