Family Planning, Urdu Nazam By Furqat Kakorvi

Family Planning is a famous Urdu Nazam written by a famous poet, Furqat Kakorvi. Family Planning comes under the Social category of Urdu Nazam. You can read Family Planning on this page of UrduPoint.

فیملی پلاننگ

فرقت کاکوروی

ہر دم یہی اک فکر ہو اولاد ہی کا ذکر ہو

ہر سمت چاہے کال ہو سارا جہاں پامال ہو

بد حال ہو بے حال ہو کنگال ہو

بچوں سے مالا مال ہو

گھر میں اگر کھانا نہیں پانی نہیں، دانا نہیں

چاہے کوئی ناشاد ہو

گھر میں اگر چلمن نہیں اک شمع تک روشن نہیں

آٹا نہیں راشن نہیں

ایک دن سفر کو ہم چلے، اور ریل میں ہم گھس گئے

بچوں سے ہم منہ موڑ کر، سارے کلنڈر چھوڑ کر

اور گھیر لیں سیٹیں تمام رکھا مگر یہ اہتمام

سارے مسافر ہوں کھڑے ہر سمت ہوں بچے پڑے

اک شور و ہنگامہ رہے، گردش میں پیمانہ رہے

کوئی جیے چاہے مرے اپنا سفر اچھا کٹے

بچوں کی پیدائش میں ہم چیں پیں کی آلائش میں ہم

وقفے کبھی دیتے نہیں دنیا سے ہم ہیٹے نہیں

جب جانکی کا گھر بسا اور بارہواں بچہ ہوا

بولے یہ سن کر جانکی سب دین ہے بھگوان کی

بابا نے پوچھا کیا ہوا بولے کہ پھر لڑکا ہوا

بولے چلو اچھا ہوا اولاد کا کوٹا بڑھا

بولے کہ یہ کیا کھائے گا اس کے لیے کیا آئے گا

اس کا ابھی سے ذکر کیا اس کی ابھی سے فکر کیا

ہم سب فقیروں کو یہاں اتنی بھلا فرصت کہاں

اولاد بھی پیدا کریں اور بیٹھ کر سوچا کریں

پیسے کہاں سے آئیں گے؟ کپڑے کہاں سے لائیں گے؟

وہ جن کا بہتر حال ہے، ان کا بھی یہ احوال ہے

جب سائیکل پر چل دیے، کل فیملی اپنی لیے

دو ٹوکری میں ہیں نہاں دو کا ہے ڈنڈے پر مکاں

شانوں کو دو پکڑے ہوئے، گردن میں دو جکڑے ہوئے

ہے کیریر پر ماں لدی لڑکی ہے گھنٹی سے بندھی

سائیکل نے فراٹے بھرے لڑکوں نے خراٹے بھرے

پھر زن، زنازن، زن زنن زن زن زنازن زن زنن

فرقت کاکوروی

© UrduPoint.com

All Rights Reserved

(2607) ووٹ وصول ہوئے

Related Poetry

You can read Family Planning written by Furqat Kakorvi at UrduPoint. Family Planning is one of the masterpieces written by Furqat Kakorvi. You can also find the complete poetry collection of Furqat Kakorvi by clicking on the button 'Read Complete Poetry Collection of Furqat Kakorvi' above.

Family Planning is a widely read Urdu Nazam. If you like Family Planning, you will also like to read other famous Urdu Nazam.

You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.