Naye Aadmi Ka Confession, Urdu Nazam By Ghazanfar

Naye Aadmi Ka Confession is a famous Urdu Nazam written by a famous poet, Ghazanfar. Naye Aadmi Ka Confession comes under the Love, Sad, Social, Friendship, Bewafa, Heart Broken, Hope category of Urdu Nazam. You can read Naye Aadmi Ka Confession on this page of UrduPoint.

نئے آدمی کا کنفشن

غضنفر

کبھی یہ بھی خواہش پریشان کرتی ہے مجھ کو

کہ میں اپنے بھیتر کے میں کو نکالوں

مگر میرے میں کی تو صورت بہت ہی بری ہے

خباثت کا انبار جس میں نہاں ہے

صرافہ سے جس کی کراہت عیاں ہے

جبیں پر خطرناک سوچوں کے جنگل اگے ہیں

بھیانک ارادوں کے وحشی چھپے ہیں

نگاہوں میں جس کی ہوسناکیوں کے مناظر بھرے ہیں

مناظر بھی ایسے کہ جن میں

زنا ایسے لوگوں کے ہم راہ کرنے کو سوچا گیا ہے

بدن جن کے جنسی بلوغت کو پہنچے نہیں ہیں

یا وہ جو بلوغت کی ساری کشش کھو چکے ہیں

یا وہ جن سے کوئی مقدس سا رشتہ جڑا ہے

مرے میں کی صورت بری ہے

کہ دنداں درندوں کی صورت

کسی سہمے سمٹے کنوارے بدن میں گڑے ہیں

کہ ماتم کدے میں بھی آنکھیں کسی جسم کی برجیوں پر ٹکی ہیں

کہ بیوی بغل میں مگر ذہن میں اور ہی کوئی تن من کھلا ہے

کہ پگلی بھکارن کے تن اور اندھے بھکاری کے کشکول پر بھی نظر ہے

بری ہے بہت ہی بری ہے

کہ دل میں اعزا کی اموات کی خواہشیں بھی دبی ہیں

کئی بے گنہ گردنیں انگلیوں میں پھنسی ہیں

کہ لفظ عیادت میں بیمار کی موت کی بھی دعا ہے

بری ہے بری ہے

کہ احباب کی جیت پر دل دکھی ہے

کہ اولاد کی برتری سے چبھن ہے

کہ بھائی کے روشن جہاں سے جبیں پر شکن ہے

بری ہے بری ہے

کہ جو پالتا ہے اسی کی نفی ہے

کہ جو پوجتا ہے اسی سے دغا ہے

عجب اوبڑ کھابڑ سی میں کی زمیں ہے

کہ اس میں کہیں بھی توازن نہیں ہے

کسی بھی طرح کا تناسب نہیں ہے

جہاں چاہیے حوصلہ بزدلی ہے

جہاں راستی کی ضرورت کجی ہے

جہاں چاہیے امن غارت گری ہے

جہاں چاہیے قرب واں فاصلہ ہے

جہاں صلح کل چاہیے گرمیاں سردیاں ہیں

اگر میرے میں کی یہ صورت مرے خول کی باہر سطح پر آ گئی

تو زمانہ مجھے کیا کہے گا

یہی سوچ کر اپنی اس آرزو کے بدن میں

تبر بھونک دیتا ہوں اکثر

مگر یہ تمنا

کہ میں اپنے بھیتر کے میں کو نکالوں

مرے دل میں رہ رہ کے کیوں جاگتی ہے

سبب اس کا یہ تو نہیں ہے

کہ میں اپنے اندر کی شفاف مکروہ صورت دکھا کر

زمانے کی آنکھوں میں خود کو بڑا دیکھنا چاہتا ہوں

یا یہ کہ مسلسل شرافت کے ناٹک سے تنگ آ چکا ہوں

یا پھر یہ کہ اب

باہری شکل و صورت میں میری

کشش کوئی

باقی

نہیں ہے

غضنفر

© UrduPoint.com

All Rights Reserved

(1249) ووٹ وصول ہوئے

You can read Naye Aadmi Ka Confession written by Ghazanfar at UrduPoint. Naye Aadmi Ka Confession is one of the masterpieces written by Ghazanfar. You can also find the complete poetry collection of Ghazanfar by clicking on the button 'Read Complete Poetry Collection of Ghazanfar' above.

Naye Aadmi Ka Confession is a widely read Urdu Nazam. If you like Naye Aadmi Ka Confession, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.