Aik Zaati Nazam, Urdu Nazam By Ghulam Muhammad Qasir
Aik Zaati Nazam is a famous Urdu Nazam written by a famous poet, Ghulam Muhammad Qasir. Aik Zaati Nazam comes under the Sad, Social category of Urdu Nazam. You can read Aik Zaati Nazam on this page of UrduPoint.
ایک ذاتی نظم
غلام محمد قاصر
میں اکثر دیکھنے جاتا تھا اس کو جس کی ماں مرتی
اور اپنے دل میں کہتا تھا یہ کیسا شخص؟ ہے اب بھی
جیے جاتا ہے آخر کون اس کے گھر میں ہے جس کے
لیے یہ سختیاں سہتا ہے تکلیفیں اٹھاتا ہے
تھکن دن کی سمیٹے شب کو گھر جانے پہ کون اس کے
لیے دہلیز پر بیٹھا۔۔۔ دعا کی مشعلیں دل میں
جلائے۔۔۔ دیدۂ بے خواب کی ہر راہ دروازے
کی درزوں سے نکالے گا۔۔۔ خدا کی مہربانی اک
حقیقت ہی سہی کچھ قہر آلودہ بھی ہے۔۔۔ جو اس
کی نافرمانیاں کرتے ہیں ان کے واسطے اس نے
دہکتی آگ بھی تیار رکھی ہے۔۔۔ دل کافر
میں اس کی مہربانی اور رحمت کا تصور بھی
جب آیا مامتا کے لفظ کی صورت میں آیا ہے
مری ویران آنکھوں نے پھر ایسا وقت بھی دیکھا
کہ سورج جل رہا تھا روشنی منظر سے غائب تھی
خدا زندہ تھا لیکن اس کی رحمت سر سے غائب تھی
انہی آنکھوں میں میرے خیریت سے لوٹ آنے پر
نہ تھا اشک مسرت بھی۔۔۔ کہ میری راہ تکنا جن
کی بینائی کا مصرف تھا۔۔۔ وہ لب دو چار دن پہلے
مرے ماتھے پہ ہو کر ثبت جو کہتے تھے'' تم جاؤ
تمہاری نوکری کی بات ہے بیٹے! میں اچھی ہوں
مجھے اب جان کا خطرہ نہیں ہے اور اگر کچھ ہو
گیا تو ہم تمہیں فوراً بلا لیں گے چلے جاؤ''
(اگر مر جاؤں میں تو صبر کر لینا۔۔۔ خدا حافظ)
مگر یہ بات قاصرؔ ان لبوں سے کب سنی میں نے
اسے معلوم تھا شاید کہ مائیں مر نہیں سکتیں
دل اولاد میں اک یاد بن کر زندہ رہتی ہیں
بلایا تو گیا مجھ کو مگر وہ لب؟ کہاں وہ لب؟
مرے فاقہ زدہ بچپن کو نیندوں سے گریزاں، پا
کے جو پریوں کے افسانے سناتے تھے تو میں خوابوں
میں خود کو ان کے دسترخوانوں پر موجود پاتا تھا
سکت باقی نہیں ہے ان لبوں میں آج اتنی بھی
کہ میری خاطر اک حرف دعا کا بوجھ اٹھا لیتے
مجھے جو دیکھنے آتے ہیں کہتے ہیں میں زندہ ہوں
میں کھاتا ہوں کہ یہ بھی زندگی کی اک ضرورت ہے
مگر ہر ذائقے میں ایک تلخی کا اضافہ ہے
کسی دیوار کا سایہ ہو یا ہو پیڑ کی چھاؤں
مرا جسم برہنہ چھیدتی رہتی ہیں کرنیں اب
ہوا وہ ہاتھ غائب جو کہ میری ذات پر ہوتے
ہوئے ہر وار کو بڑھ بڑھ کے خود پر روک لیتا تھا
دعا کو ہاتھ اٹھاتا ہوں دعائیں اس کی خاطر ہیں
میں گویا ہوں کہ میری سب صدائیں اس کی خاطر ہیں
محبت اس کی خاطر ہے وفائیں اس کی خاطر ہیں
کہ میری ابتدائیں، انتہائیں اس کی خاطر ہیں
غلام محمد قاصر
© UrduPoint.com
All Rights Reserved
(4242) ووٹ وصول ہوئے
Related Ghulam Muhammad Qasir Poetry
More Ghulam Muhammad Qasir Poetry
اک نامعلوم کہانی تھی
Ghulam Muhammad Qasir - غلام محمد قاصر
Ek Namaloom Kahani Thi
کتنی دہشت شبِ سیاہ میں تھی
Ghulam Muhammad Qasir - غلام محمد قاصر
Kitni Dehshat Shab E Siyaah Mein Thi
پہلے اک شخص میری ذات بنا
Ghulam Muhammad Qasir - غلام محمد قاصر
Pehle Ek Shakhs Meri Zaat Bana
چراغاں کا ہوا آغاز دل میں
Ghulam Muhammad Qasir - غلام محمد قاصر
Chiragon Ki Hova Aaghaaz Dil Mein
آنکھوں میں پانیوں کے فسانے لیے ہوئے
Ghulam Muhammad Qasir - غلام محمد قاصر
Aankhon Mein Paniyon Ke Fasane Liye Hoe
بغیر اس کے اب آرام بھی نہیں آتا
Ghulam Muhammad Qasir - غلام محمد قاصر
Baghair Is Ke Ab Araam Bhi Nahi Aata
کیا پسند جو کچے مکان والوں نے
Ghulam Muhammad Qasir - غلام محمد قاصر
Kiya Pasand Jo Kache Makaan Walon Ne
سبزے کو نکھارے نام ترا
Ghulam Muhammad Qasir - غلام محمد قاصر
Sabze Ko Nikhare Naam Tera
You can read Aik Zaati Nazam written by Ghulam Muhammad Qasir at UrduPoint. Aik Zaati Nazam is one of the masterpieces written by Ghulam Muhammad Qasir. You can also find the complete poetry collection of Ghulam Muhammad Qasir by clicking on the button 'Read Complete Poetry Collection of Ghulam Muhammad Qasir' above.
Aik Zaati Nazam is a widely read Urdu Nazam. If you like Aik Zaati Nazam, you will also like to read other famous Urdu Nazam.
You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.