Apna Har Uzu Chashm Beena Hai

اپنا ہر عضو چشم بینا ہے

اپنا ہر عضو چشم بینا ہے

اس قدر انتظار تیرا ہے

جو ہے محبوب تیرا شیدا ہے

یوسف آگے تری زلیخا ہے

ایک مہ رو بغل میں سوتا ہے

آسماں پر دماغ اپنا ہے

خاک میں جو ملا دیا مجھ کو

آسماں نے زمیں کو سونپا ہے

کس نے چہرے سے بال سرکائے

شام کو صبح آشکارا ہے

استخواں تک کبھی گزر نہ کیا

میرے حق میں ہما بھی عنقا ہے

تیرے قدموں پہ کیوں نہ قیس گرے

نقش پا رشک روئے لیلیٰ ہے

ان دنوں اے مسیح دم تجھ پر

دم نکلتا ہے دم نکلتا ہے

تولوں اس سیم تن کو نظروں میں

یہ مرا جسم زار کانٹا ہے

حسن خوباں ہلال و بدر کی طرح

کبھی کم ہے کبھی زیادہ ہے

اس بیاباں میں لے گئی وحشت

ماہ نو جس کا ایک کانٹا ہے

دل میں رہتا ہے اس کمر کا خیال

کیا یہ عنقا کا آشیانا ہے

آؤ آنکھوں میں ایک دم ٹھہرو

پتلیوں کا یہاں تماشا ہے

کف پا بھی نہ ہم کو دکھلائے

برہمن ہاتھ دیکھ جاتا ہے

یار نام خدا ہے کشتی میں

ناخدا آج پار بیڑا ہے

تیرا نقش قدم زمیں پہ نہیں

آسماں پر کوئی ستارا ہے

ہم سے تم دشمنی لگے کرنے

دوستی اب نصیب اعدا ہے

کہہ رہے ہیں شب فراق میں ہم

آج کس کو امید فردا ہے

خار چبھ کر جو ٹوٹتا ہے کبھی

آبلہ پھوٹ پھوٹ روتا ہے

آنکھیں نرگس ہیں رخ ہے گل قد سرو

تو تو اے گل چمن سراپا ہے

کام پوشاک سے نہیں ہم کو

عیب پوشی ہمارا شیوہ ہے

دے سلیماں کی اس پری کو قسم

اس طرح شیشے میں اتارا ہے

زلف نے نقد دل کئے ہیں جمع

اب تو یہ سانپ کوڑیالا ہے

پہنچے ہیں گور کے کنارے ہم

ہم سے اب تک تمہیں کنارا ہے

جرم گویاؔ کے بخشوا دینا

یا محمد فقیر تیرا ہے

گویا فقیر محمد

© UrduPoint.com

All Rights Reserved

(697) ووٹ وصول ہوئے

Your Thoughts and Comments

Apna Har Uzu Chashm Beena Hai by Goya Faqir Mohammad - Read Goya Faqir Mohammad's best Shayari Apna Har Uzu Chashm Beena Hai at UrduPoint. Here you can read the best poetry Apna Har Uzu Chashm Beena Hai of Goya Faqir Mohammad. Apna Har Uzu Chashm Beena Hai is the most famous poetry by Goya Faqir Mohammad. People love to read poetry by Goya Faqir Mohammad, and Apna Har Uzu Chashm Beena Hai by Goya Faqir Mohammad is best among the whole collection of poetry by Goya Faqir Mohammad.

Goya Faqir Mohammad is the most famous Urdu Poet. Therefore, people love to read Urdu Poetry of Goya Faqir Mohammad. At UrduPoint, you can find the complete collection of Urdu Poetry of Goya Faqir Mohammad. On this page, you can read Apna Har Uzu Chashm Beena Hai by Goya Faqir Mohammad. Apna Har Uzu Chashm Beena Hai is the best poetry by Goya Faqir Mohammad.

Read the Goya Faqir Mohammad's best poetry Apna Har Uzu Chashm Beena Hai here at UrduPoint; you will surely like it. If we make a list of Goya Faqir Mohammad's best Shayari, Apna Har Uzu Chashm Beena Hai of Goya Faqir Mohammad will be at the top. Many people, who love the Urdu Shayari of Goya Faqir Mohammad, regard it as the best poetry Apna Har Uzu Chashm Beena Hai of Goya Faqir Mohammad.

We recommend you read the most famous poetry, Apna Har Uzu Chashm Beena Hai of Goya Faqir Mohammad here, you will surely love it. Also, don't forget to share it with others.

>