Khol Di Hai Zulf Kis Ne Phool Se Rukhsar Par

کھول دی ہے زلف کس نے پھول سے رخسار پر

کھول دی ہے زلف کس نے پھول سے رخسار پر

چھا گئی کالی گھٹا سی آن کر گلزار پر

کیا ہی افشاں ہے جبین و ابروئے خم دار پر

ہے چراغاں آج کعبے کے در و دیوار پر

نقش پا پنج شاخہ قبر پر روشن کرو

مر گیا ہوں میں تمہاری گرمیٔ رفتار پر

چشم بد دور آج ہے یہ کون گل رو جھانکتا

چشم نرگس کا ہے عالم روزن دیوار پر

ناتواں کا بھلا کس منہ سے میں شکوہ کروں

خال ہے یاں مہر خاموش لب گفتار پر

ہم ازل سے انتظار یار میں سوئے نہیں

آفریں کہیے ہمارے دیدۂ بے دار پر

کفر اپنا عین دیں داری ہے گر سمجھے کوئی

اجتماع سبحہ یاں موقوف ہے زنار پر

ٹھوکریں کھائے گا اک دن سرکشی اتنی نہ کر

او سر بے مغز کیوں بھولا ہے اس دستار پر

زلف اس کی اپنے حق میں دیکھیے کہتی ہی کیا

ہے ہمارا فیصلہ اب تو زبان مار پر

گر چمن میں ہم سے بے برگوں کو جا دیتی نہیں

خار کی مانند بٹھلا دیں سر دیوار پر

ہے اگر عرفاں کا طالب خاکساری کر شعار

دیکھتے ہیں آئنہ اکثر لگا دیوار پر

ابرو و مژگاں سے اس کے دیکھیں دل کیوں کر بچے

اب تو نوبت آ گئی ہے تیر اور تلوار پر

انتہائے عشق میں دی جان میں نے اس لئے

لالہ باصد داغ اگتا ہے مرے کہسار پر

رابطہ گر غیر سے ہو یار کو چاہوں میں

میں نہ بلبل ہوں کہ مرتا ہوں گل بے خار پر

دل جلا ایسا ہوں میرا نام لے بیٹھا جو وہ

پڑ گئے چھالے زبان مرغ آتش خوار پر

اٹھ کے بت خانے سے مسجد کو اگر جائے گا تو

سیکڑوں ٹوٹیں گی تسبیحیں ترے زنار پر

حیف کوئے یار تک پہنچی نہ میری استخواں

مدتوں آ کر ہما بیٹھا رہا دیوار پر

سوکھ جائیں گر ہماری آبلوں کی چھاگلیں

پاس سے کانٹے نظر آئیں زبان خار پر

بعد مردن بھی ہے باقی میری نالوں کا اثر

تار مطرب کا ہے عالم ہر کفن کی تار پر

تیری آب تیغ سے ظالم جو ہو طوفان بپا

موت تڑپی مثل ماہی گنبد دوار پر

خط اسے اتنے لکھے میں نے کہ واں بھر جواب

بیٹھے رہتے ہیں کبوتر سیکڑوں دیوار پر

حشر تک ممکن نہیں اب چمکی تیغ آفتاب

باڑہ رکھواتا ہے ظالم مغربی تلوار پر

کفش پا کی گل دکھا کر ہنس کے یوں کہنے لگا

سیر کو کیوں جاؤں گلشن ہے مرے بیزار پر

دیکھیو ضد میرے مرغ نامہ بر کے واسطے

قینچیاں لگوائیں ہیں بے رحم نے دیوار پر

یار کو معلوم ہوتا ہے ہجر میں سویا نہیں

خط لکھوں گویا بیاض دیدۂ بیدار پر

گویا فقیر محمد

© UrduPoint.com

All Rights Reserved

(841) ووٹ وصول ہوئے

Your Thoughts and Comments

Khol Di Hai Zulf Kis Ne Phool Se Rukhsar Par by Goya Faqir Mohammad - Read Goya Faqir Mohammad's best Shayari Khol Di Hai Zulf Kis Ne Phool Se Rukhsar Par at UrduPoint. Here you can read the best poetry Khol Di Hai Zulf Kis Ne Phool Se Rukhsar Par of Goya Faqir Mohammad. Khol Di Hai Zulf Kis Ne Phool Se Rukhsar Par is the most famous poetry by Goya Faqir Mohammad. People love to read poetry by Goya Faqir Mohammad, and Khol Di Hai Zulf Kis Ne Phool Se Rukhsar Par by Goya Faqir Mohammad is best among the whole collection of poetry by Goya Faqir Mohammad.

Goya Faqir Mohammad is the most famous Urdu Poet. Therefore, people love to read Urdu Poetry of Goya Faqir Mohammad. At UrduPoint, you can find the complete collection of Urdu Poetry of Goya Faqir Mohammad. On this page, you can read Khol Di Hai Zulf Kis Ne Phool Se Rukhsar Par by Goya Faqir Mohammad. Khol Di Hai Zulf Kis Ne Phool Se Rukhsar Par is the best poetry by Goya Faqir Mohammad.

Read the Goya Faqir Mohammad's best poetry Khol Di Hai Zulf Kis Ne Phool Se Rukhsar Par here at UrduPoint; you will surely like it. If we make a list of Goya Faqir Mohammad's best Shayari, Khol Di Hai Zulf Kis Ne Phool Se Rukhsar Par of Goya Faqir Mohammad will be at the top. Many people, who love the Urdu Shayari of Goya Faqir Mohammad, regard it as the best poetry Khol Di Hai Zulf Kis Ne Phool Se Rukhsar Par of Goya Faqir Mohammad.

We recommend you read the most famous poetry, Khol Di Hai Zulf Kis Ne Phool Se Rukhsar Par of Goya Faqir Mohammad here, you will surely love it. Also, don't forget to share it with others.