Vesal Gharion Main Rezah Rezah Bikhar Rahay Hain

وصال گھڑیوں میں ریزہ ریزہ بکھر رہے ہیں

یہ کیسی رت ہے یہ کن عذابوں کے سلسلے ہیں

مرے خدا اذن ہو کہ مہر سکوت توڑیں

مرے خدا اب ترے تماشائی تھک چکے ہیں

نہ جانے کتنی گلاب صبحیں خراج دے کر

رسن رسن گھور اماوسوں میں گھرے ہوئے ہیں

صدائیں دینے لگی تھیں ہجرت کی اپسرائیں

مگر مرے پاؤں دھرتی ماں نے پکڑ لیے ہیں

یقین کر لو کہ اب نہ پیچھے قدم ہٹے گا

یہ آخری حد تھی اور ہم اس تک آ گئے ہیں

حسن عباس رضا

(1721) ووٹ وصول ہوئے