Kahan Ho Ae Bais E Tabassum Keh Aah O Zari Talash Mein Hai, Urdu Ghazal By Hassan Mehmood

Kahan Ho Ae Bais E Tabassum Keh Aah O Zari Talash Mein Hai is a famous Urdu Ghazal written by a famous poet, Hassan Mehmood. Kahan Ho Ae Bais E Tabassum Keh Aah O Zari Talash Mein Hai comes under the Love, Sad, Heart Broken category of Urdu Ghazal. You can read Kahan Ho Ae Bais E Tabassum Keh Aah O Zari Talash Mein Hai on this page of UrduPoint.

کہاں ہو اے باعثِ تبسم کہ آہ و زاری تلاش میں ہے

حسن محمود

کہاں ہو اے باعثِ تبسم کہ آہ و زاری تلاش میں ہے

ہمارے دل میں تمہی کو لے کر کوئی تمہاری تلاش میں ہے

اک آس دل میں ہے ٹمٹماتی اگرچہ سانسیں اکھڑ رہی ہیں

ضرور بجھتے چراغ لے کر کوئی ہماری تلاش میں ہے

مکیں بھی ہونا تو پچھلی صف میں، نظر ملانا نہ بات کرنا

وہ غیر حاضر ہیں یا کہ حاضر؟ یہ بزم ساری تلاش میں ہے

بوقتِ رخصت کسی کی بپتا نہ سُن سکے تھے ہمیں مگر اب

کتاب مفقود، گم مصنف ہے اور یہ قاری تلاش میں ہے

نئے مسیحا کو کھوجتی ہے یہ زُود بیزار خلق پھر سے

ابھی ہے بھگوان زیرِ تعمیر اور پجاری تلاش میں ہے

ہُوا ہے اسکول میں دھماکہ فضا میں اعضاء بکھر گئے ہیں

کہاں ملے گا پِسر کا لاشہ وہ غم کی ماری تلاش میں ہے

تھے لوگ خوشحال تو کم ازکم یہاں سے خوراک تھی مہیا

تَہی ہے کچرا بھی خوردنی سے تو کیا بچاری تلاش میں ہے

فریب کو خوشنما سمجھ کر ہے جن کی عادت شکار ہونا

کہاں ہیں وہ سادہ لوح بندے نیا مداری تلاش میں ہے

خِرد کو اپنے ہی ہاتھ سے خود شکم کے پنجرے میں قید کر کے

وہ مردِ آزاد خود غلامی کی اختیاری تلاش میں ہے

اناج و غلے کی بوریوں سے وہ گھر وڈیرے کا بھرنے والا

اب اپنے بچوں کو کیا کھلائے گا خود وہ ہاری تلاش میں ہے

نہیں ضمانت کہ اس بھنور سے نکل کے ساحل سے جا لگیں گے

قفس سے نکلے گا کب پرندہ نیا شکاری تلاش میں ہے

ہے پُر خطا پھر بھی رحمتوں کی وعید ہے اس کو کِبریا سے

عروجِ خاکی کا راز کیا ہے جو نوری ناری تلاش میں ہے

حسن وہ اقبال و فیض و امجد، اور افتخار و فراز جیسی

کہیں سے مل جائے خوش کلامی ہر اک لکھاری تلاش میں ہے

حسن محمود

© UrduPoint.com

All Rights Reserved

(2435) ووٹ وصول ہوئے

You can read Kahan Ho Ae Bais E Tabassum Keh Aah O Zari Talash Mein Hai written by Hassan Mehmood at UrduPoint. Kahan Ho Ae Bais E Tabassum Keh Aah O Zari Talash Mein Hai is one of the masterpieces written by Hassan Mehmood. You can also find the complete poetry collection of Hassan Mehmood by clicking on the button 'Read Complete Poetry Collection of Hassan Mehmood' above.

Kahan Ho Ae Bais E Tabassum Keh Aah O Zari Talash Mein Hai is a widely read Urdu Ghazal. If you like Kahan Ho Ae Bais E Tabassum Keh Aah O Zari Talash Mein Hai, you will also like to read other famous Urdu Ghazal.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.