Begum Se Shikwa, Urdu Ghazal By Khalid Aziz

وقت بے وقت وہ دفتر سے بلا لیتی ہیں

لسٹ شاپنگ کی وہ ہاتھوں میں تھما دیتی ہیں

میں جو ہو جاؤں کبھی لیٹ کہیں دفتر سے

پھر تو وہ فون پہ بے بھاو سنا دیتی ہیں

خود تو شوقین ہیں گانوں کی مگر میرے لئیے

عا لم آ ن لائین وہ ٹی وی پہ لگا دیتی ہیں

میں کہیں جانا بھی چاہوں تو کہاں جاؤنگا

گھر سے نکلوں تو وہ جاسوس لگا دیتی ہیں

برتھ ڈے شان سے ہر سال مناتی ہیں مگر

عمر پوچھو تو وہ دو چار گھٹا دیتی ہیں

کبھی تحفے کا جو پوچھا کہ تمھیں کیا ہے پسند

ڈائمنڈ رنگ کی وہ ایڈ دکھا دیتی ہیں

میں جو اردو میں کروں بات تو انگلش میں جواب

گفتگو کی تو وہ کھچڑی سی بنا دیتی ہیں

کبھی تھیٹر میں جو ہیروئین کی تعریف کروں

کہنیاں مار کے پسلی کو ہلا دیتی ہیں

یہ تو ازراہ تفنّن تھا حقیقت یہ ہے

کس سلیقے سے وہ گھر بار چلا لیتی ہیں