Muslim Umma Ka America Se Shikwa, Urdu Nazam By Khalid Irfan
Muslim Umma Ka America Se Shikwa is a famous Urdu Nazam written by a famous poet, Khalid Irfan. Muslim Umma Ka America Se Shikwa comes under the Funny category of Urdu Nazam. You can read Muslim Umma Ka America Se Shikwa on this page of UrduPoint.
مسلم امہ کا امریکہ سے شکوہ
خالد عرفان
کیوں گنہ گار بنوں ویزا فراموش رہوں
کب تلک خوف زدہ صورت خرگوش رہوں
وقت کا یہ بھی تقاضہ ہے کہ خاموش رہوں
ہم نوا! میں کوئی مجرم ہوں کہ روپوش رہوں
شکوہ امریکہ سے خاکم بدہن ہے مجھ کو
چونکہ اس ملک کا صحرا بھی چمن ہے مجھ کو
گر ترے شہر میں آئے ہیں تو معذور ہیں ہم
وقت کا بوجھ اٹھائے ہوئے مزدور ہیں ہم
ایک ہی جاب پہ مدت سے بدستور ہیں ہم
بشؔ سے نزدیک مشرفؔ سے بہت دور ہیں ہم
یو ایس اے شکوۂ ارباب وفا بھی سن لے
طالب ایڈ سے تھوڑا سا گلہ بھی سن لے
تیرا پرچم سر افلاک اڑایا کس نے
تیرے قانون کو سینے سے لگایا کس نے
ہر سینیٹر کو الیکشن میں جتایا کس نے
فنڈ ریزنگ کی محافل کو سجایا کس نے
ہیلریؔ سے کبھی پوچھو کبھی چک شومر سے
ہر سینیٹر کو نوازا ہے یہاں ڈالر سے
جیکسن ہائیٹس کی گلیوں کو بسایا ہم نے
کونی آئی لینڈ کی زینت کو بڑھایا ہم نے
گوریوں ہی سے نہیں عشق لڑایا ہم نے
کالیوں سے بھی یہاں عقد رچایا ہم نے
آ کے اس ملک میں رشتے ہی فقط جوڑے ہیں
بم تو کیا ہم نے پٹاخے بھی نہیں چھوڑے ہیں
جب برا وقت پڑا ہم نے سنبھالی مسجد
کب تلک رہتی مسلمان سے خالی مسجد
جب ہوئی گھر سے بہت دور بلالی مسجد
ہم نے ''تہہ خانے'' میں چھوٹی سی بنا لی مسجد
ہم نے کیا جرم کیا اپنی عبادت کے لیے
صرف میلاد کیا جشن ولادت کے لیے
ہم نے رکھی ہے یہاں امن و اماں کی بنیاد
اپنی فطرت میں نہیں دہشت و دنگا و فساد
ہر مسلمان پہ یو ایس اے میں پڑی ہے افتاد
پھر بھی ہم نے ترے شہروں کو کیا ہے آباد
تجھ سے اقرار محبت کی سزا پائی ہے
ہم نے اس ملک میں جھٹکے کی چکن کھائی ہے
گر گیا تیز ہواؤں سے اگر طیارہ
پکڑا جاتا ہے مسلمان یہاں بے چارا
کبھی گھورا کبھی تاڑا تو کبھی للکارا
کبھی سب وے سے اٹھایا کبھی چھاپہ مارا
تو نے یہ کہہ کے جہازوں کو کراچی بھیجا
یہ بھی شکلاً ہے مسلمان اسے بھی لے جا
ہم مسلمان ہیں دہشت کے روادار نہیں
کسی خطے کے بھی انسان سے بیزار نہیں
قتل اور خوں کی سیاست کے طرف دار نہیں
دافع جنگ فقط پھول ہیں تلوار نہیں
ہم یہاں امن کے حامی ہیں تجھے فکر نہیں
میرے قرآن میں دہشت کا کہیں ذکر نہیں
میڈیا تیرا دوات اور قلم تیرے ہیں
جتنے بھی ملک ہیں ڈالر کی قسم تیرے ہیں
یہ شہنشاہ یہ ارباب حرم تیرے ہیں
کاش تجھ کو یقیں آ جائے کہ ہم تیرے ہیں
تو نے جب بھی کبھی مانگا ہے تجھے تیل دیا
تجھ کو جب موقع لگا تو نے ہمیں بیل دیا
حالت جنگ میں ہم لوگ ترے ساتھ رہے
تاکہ دنیا کی قیادت میں تری بات رہے
اور مسلمان ہی محروم عنایات رہے
کچھ تو ڈی پورٹ ہوئے نذر حوالات رہے
ہم ترے سب سے بڑے حلقۂ احباب میں ہیں
پھر بھی طوفاں سے نکلتے نہیں گرداب میں ہیں
''ایڈ'' میں تیری عجب معرکہ آرائی ہے
موت کے ساز میں لپٹی ہوئی شہنائی ہے
اسلحہ دے کے جو دشمن کی پذیرائی ہے
ہم وفادار نہیں تو بھی تو ہرجائی ہے
رحمتیں ہیں تری اغیار کے کاشانوں پر
چھاپہ پڑتا ہے تو بے چارے مسلمانوں پر
خالد عرفان
© UrduPoint.com
All Rights Reserved
Muslim Umma Ka America Se Shikwa
Khalid Irfan
kab talak KHauf-zada surat-e-KHargosh rahun
waqt ka ye bhi taqaza hai ki KHamosh rahun
ham-nawa! main koi mujrim hun ki ru-posh rahun
shikwa america se KHakam-ba-dahan hai mujh ko
chunki is mulk ka sahra bhi chaman hai mujh ko
gar tere shahr mein aae hain to mazur hain hum
waqt ka bojh uThae hue mazdur hain hum
ek hi job pe muddat se ba-dastur hain hum
'bush' se nazdik 'musharraf' se bahut dur hain hum
USA shikwa-e-arbab-e-wafa bhi sun le
talib-e-aiD se thoDa sa gila bhi sun le
tera parcham sar-e-aflak uDaya kis ne
tere qanun ko sine se lagaya kis ne
har senator ko election mein jitaya kis ne
fund-rasing ki mahafil ko sajaya kis ne
'hilary' se kabhi puchho kabhi chak-schumer se
har senator ko nawaza hai yahan dollar se
jackson-heights ki galiyon ko basaya hum ne
coney-island ki zinat ko baDhaya hum ne
goriyon hi se nahin ishq laDaya hum ne
kaliyon se bhi yahan aqd rachaya hum ne
aa ke is mulk mein rishte hi faqat joDe hain
bam to kya hum ne paTaKHe bhi nahin chhoDe hain
jab bura waqt paDa hum ne sambhaali masjid
kab talak rahti musalman se KHali masjid
jab hui ghar se bahut dur bilali masjid
hum ne tah-KHane mein chhoTi si bana li masjid
hum ne kya jurm kiya apni ibaadat ke liye
sirf milad kiya jashn-e-wiladat ke liye
hum ne rakkhi hai yahan amn-o-aman ki buniyaad
apni fitrat mein nahin dahshat o danga o fasad
har musalman pe USA mein paDi hai uftad
phir bhi hum ne tere shahron ko kiya hai aabaad
tujh se iqrar-e-mohabbat ki saza pai hai
hum ne is mulk mein jhaTke ki chikan khai hai
gir gaya tez hawaon se agar tayyara
pakDa jata hai musalman yahan be-chaara
kabhi ghura kabhi taDa to kabhi lalkara
kabhi subway se uThaya kabhi chhapa mara
tu ne ye kah ke jahazon ko karachi bheja
ye bhi shaklan hai musalman ise bhi le ja
hum musalman hain dahshat ke rawadar nahin
kisi KHitte ke bhi insan se bezar nahin
qatl aur KHun ki siyasat ke taraf-dar nahin
dafe-e-jang faqat phul hain talwar nahin
hum yahan amn ke hami hain tujhe fikr nahin
mere quran mein dahshat ka kahin zikr nahin
media tera dawat aur qalam tere hain
jitne bhi mulk hain dollar ki qasam tere hain
ye shahanshah ye arbab-e-haram tere hain
kash tujh ko yaqin aa jae ki hum tere hain
tu ne jab bhi kabhi manga hai tujhe tel diya
tujh ko jab mauqa laga tu ne hamein bel diya
haalat-e-jang mein hum log tere sath rahe
taki duniya ki qayaadat mein teri baat rahe
aur musalman hi mahrum-e-inayat rahe
kuchh to diport hue nazr-e-hawalat rahe
hum tere sab se baDe halqa-e-ahbab mein hain
phir bhi tufan se nikalte nahin girdab mein hain
aiD mein teri ajab marka-arai hai
maut ke saz mein lipTi hui shahnai hai
aslaha de ke jo dushman ki pazirai hai
hum wafadar nahin tu bhi to harjai hai
rahmaten hain teri aghyar ke kashanon par
chhapa paDta hai to bechaare musalmanon par
(1435) ووٹ وصول ہوئے
Related Khalid Irfan Poetry
More Khalid Irfan Poetry
خوش خوراک
Khalid Irfan - خالد عرفان
Khush-khurak
شاعر کی بیوی
Khalid Irfan - خالد عرفان
Shair Ki Biwi
کیسا عجیب آیا ہے اس سال کا بجٹ
Khalid Irfan - خالد عرفان
Kaisa Ajib Aaya Hai Is Sal Ka Bajat
جسم پر صابن تھا پانی غسل خانے سے گیا
Khalid Irfan - خالد عرفان
Jism Par Sabun Tha Pani Ghusl-khane Se Gaya
تقسیم وزارت
Khalid Irfan - خالد عرفان
Taqsim-e-wazarat
میں نے بھی آم رکھ دیا
Khalid Irfan - خالد عرفان
Maine Bhi Aam Rakh Diya
کرفیو میں مشاعرہ
Khalid Irfan - خالد عرفان
Curfew Mein Mushaera
میں کرپشن کی فضیلت کو کہاں سمجھا تھا
Khalid Irfan - خالد عرفان
Main Corruption Ki Fazilat Ko Kahan Samjha Tha
You can read Muslim Umma Ka America Se Shikwa written by Khalid Irfan at UrduPoint. Muslim Umma Ka America Se Shikwa is one of the masterpieces written by Khalid Irfan. You can also find the complete poetry collection of Khalid Irfan by clicking on the button 'Read Complete Poetry Collection of Khalid Irfan' above.
Muslim Umma Ka America Se Shikwa is a widely read Urdu Nazam. If you like Muslim Umma Ka America Se Shikwa, you will also like to read other famous Urdu Nazam.
You can also read Funny Poetry, If you want to read more poems. We hope you will like the vast collection of poetry at UrduPoint; remember to share it with others.