Main K Ik Bani Adam, Urdu Nazam By Khalid Mubashir
Main K Ik Bani Adam is a famous Urdu Nazam written by a famous poet, Khalid Mubashir. Main K Ik Bani Adam comes under the Love, Sad, Social, Friendship, Bewafa, Heart Broken, Hope category of Urdu Nazam. You can read Main K Ik Bani Adam on this page of UrduPoint.
میں کہ اک بنی آدم
خالد مبشر
میں کہ اک بنی آدم
عالم عناصر کا
اک خمیر تازہ دم
اک حیات مجھ میں ہے
کائنات مجھ میں ہے
میری سلطنت ہے سب
مجھ سے ہے جہاں قائم
میں ہوں گردش پیہم
رو میں ہے لہو ہر دم
کیا خبر لہو کیا ہے
ایک شورش ہستی
ایک داخلی طوفاں
ایک محشر دوراں
کیا خبر لہو کیا ہے
گردشیں ستاروں کی
گردش آسمانوں کی
گردشیں زمینوں کی
گردشیں زمانوں کی
کیا خبر لہو کیا ہے
یہ نظام کل جاری
یعنی حرکتیں ساری
سب لہو کی حرکت ہے
ہے لہو کے دم سے ہی
امن بھی، محبت بھی
جنگ بھی، عداوت بھی
شورش و بغاوت بھی
کیا خبر لہو کیا ہے
گردشیں لہو کی جب
مجھ میں شور کرتی ہیں
بے خودی کے نشے میں
جسم کا ہر اک خلیہ
رقص کرنے لگتا ہے
اور پھر یہ ہوتا ہے
خشکیوں کا ہر ذرہ
پانیوں کا ہر قطرہ
ایک بے بدن جذبہ
رقص کرنے لگتا ہے
اس جنوں کے عالم میں
زخم جاگ جاتے ہیں
درد چیخ اٹھتا ہے
اور پھر یہ ہوتا ہے
روح و دل کی وادی میں
نغمے گونج اٹھتے ہیں
نغمہ ہائے سحر انگیز
بے کراں فضاؤں میں
لا مکاں خلاؤں میں
سوز اور فغاں بن کر
میٹھی لے میں ڈھل ڈھل کر
جب بکھرنے لگتے ہیں
ایسے سحر عالم میں
ایک کیف و مستی کا
نشہ چھانے لگتا ہے
اور پھر یہ ہوتا ہے
کائنات کی ہر شے
گنگنانے لگتی ہے
اور پھر وہی نغمے
روح و دل کے چھالوں کو
تار، تار زخموں کو
نیم جاں کراہوں کو
لالہ زار داغوں کو
جاگتے پھپھولوں کو
مست لوریاں دے کر
خواب کے گلستاں میں
لاپتہ زمانے تک
یوں ہی چھوڑ دیتے ہیں
اصل میں وہی نغمے
درد کا مداوا ہیں!!
خالد مبشر
© UrduPoint.com
All Rights Reserved
(2010) ووٹ وصول ہوئے
Related Khalid Mubashir Poetry
Related Poetry
More Khalid Mubashir Poetry
تمہاری یاد کا مرہم بنام دل کر دوں
Khalid Mubashir - خالد مبشر
Tumhari Yaad Ka Marhaam Banam Dil Kar Doon
میں کہ اک بنی آدم
Khalid Mubashir - خالد مبشر
Main K Ik Bani Adam
سب لوگ شام ہوتے ہی جب اپنے گھر گئے
Khalid Mubashir - خالد مبشر
Sab Loog Shaam Hote Hi Jab Apne Gher Gaye
عناصر کی گھنی زنجیر ہے
Khalid Mubashir - خالد مبشر
Anasar Ki Ghani Zanjeer Hai
غریق ذکر خدا دن کو خانقاہ میں تھا
Khalid Mubashir - خالد مبشر
Ghareeq Ziker Khuda Din Ko Khanqah Main Tha
لوگ کہتے ہیں بہت زندہ و پائندہ ہوں
Khalid Mubashir - خالد مبشر
Loog Kehte Hain Buhat Zinda O Painda Hoon
زخموں کا ایک سلسلہ اچھا نہیں لگا
Khalid Mubashir - خالد مبشر
Zakhamoon Ka Aik Silsila Acha Nahi Laga
اپنا وجود میں نے اب اس طرح پاک کر لیا
Khalid Mubashir - خالد مبشر
Apna Wajood Main Ne Ab Iss Tarhaan Paak Kar Liya
You can read Main K Ik Bani Adam written by Khalid Mubashir at UrduPoint. Main K Ik Bani Adam is one of the masterpieces written by Khalid Mubashir. You can also find the complete poetry collection of Khalid Mubashir by clicking on the button 'Read Complete Poetry Collection of Khalid Mubashir' above.
Main K Ik Bani Adam is a widely read Urdu Nazam. If you like Main K Ik Bani Adam, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.