Sherah Afaq Mujh Sa Kon Sa Deewana Hai, Urdu Ghazal By Khwaja Haidar Ali Aatish

Sherah Afaq Mujh Sa Kon Sa Deewana Hai is a famous Urdu Ghazal written by a famous poet, Khwaja Haidar Ali Aatish. Sherah Afaq Mujh Sa Kon Sa Deewana Hai comes under the Social category of Urdu Ghazal. You can read Sherah Afaq Mujh Sa Kon Sa Deewana Hai on this page of UrduPoint.

شہرۂ آفاق مجھ سا کون سا دیوانہ ہے

خواجہ حیدر علی آتش

شہرۂ آفاق مجھ سا کون سا دیوانہ ہے

ہند میں میں ہوں پرستاں میں مرا افسانہ ہے

صید گاہ مرغ دل رخسارۂ جانانہ ہے

دام زلف عنبریں ہے خال مشکیں دانہ ہے

حسن سے رتبہ ہے اپنے عشق کامل کا بلند

آستانہ پر پری ہے بام پر دیوانہ ہے

اس میں رہتا ہے صفائے روئے جاناں کا خیال

دل نہیں پہلو میں اپنے آئینہ کا خانہ ہے

بیچتا ہوں دل کو جو محبوب چاہے مول لے

بوسہ قیمت ہے توجہ کی نظر بیعانہ ہے

پھوٹیں وہ آنکھیں نگاہ بد سے جو دیکھیں تجھے

آتشیں رخسار مجمر خال کالا دانہ ہے

روز و شب اس شمع رو کو بھیجتا ہوں خط شوق

نامہ بر دن کو کبوتر رات کو پروانہ ہے

خار خار دل غنیمت جانتا ہوں عشق میں

زلف دود آہ کی آراستگی کاشانہ ہے

شرح لکھا چاہئے اس کی بیاض صبح پر

مطلع خورشید بیت ابرو جانانہ ہے

حالت آئینہ رکھتا ہے صفا سے دل مرا

آشنا سے آشنا بیگانہ سے بیگانہ ہے

قتل سے مجھ سخت جاں کے منکر اے قاتل نہ ہو

حجت قاطع تری تلوار کا دندانہ ہے

واسطے ہر شے کے دنیا میں مقرر ہیں محل

شہر میں جب تک ہے مجنوں گنج بے ویرانہ ہے

باغ عالم میں نہیں اس شوخ سا کوئی حسیں

گل ہے اپنا یار یوسف سبزۂ بیگانہ ہے

اب نہیں اے یار جوبن کو ترے بیم زوال

خط مشکیں حسن کی جاگیر کا پروانہ ہے

حال ہے جس کا اسی کے واسطے ہے خوش نما

نقص ہے تلوار کا وصف ارہ کا دندانہ ہے

یار کھینچے تیغ تیرے قتل کرنے کے لیے

سر جھکا آتشؔ یہ جائے سجدۂ شکرانہ ہے

خواجہ حیدر علی آتش

© UrduPoint.com

All Rights Reserved

(1854) ووٹ وصول ہوئے

You can read Sherah Afaq Mujh Sa Kon Sa Deewana Hai written by Khwaja Haidar Ali Aatish at UrduPoint. Sherah Afaq Mujh Sa Kon Sa Deewana Hai is one of the masterpieces written by Khwaja Haidar Ali Aatish. You can also find the complete poetry collection of Khwaja Haidar Ali Aatish by clicking on the button 'Read Complete Poetry Collection of Khwaja Haidar Ali Aatish' above.

Sherah Afaq Mujh Sa Kon Sa Deewana Hai is a widely read Urdu Ghazal. If you like Sherah Afaq Mujh Sa Kon Sa Deewana Hai, you will also like to read other famous Urdu Ghazal.

You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.