Ya Ali Keh Kar Bat Pindar Tora Chahiye

یا علی کہہ کر بت پندار توڑا چاہئے

نفس امارہ کی گردن کو مروڑا چاہئے

تنگ آ کر جسم کو اے روح چھوڑا چاہئے

طفل طبعوں کے لیے مٹی کا گھوڑا چاہئے

زلف کے سودے میں اپنے سر کو پھوڑا چاہئے

جب بلا کا سامنا ہو منہ نہ موڑا چاہئے

گھورتی ہے تم کو نرگس آنکھ پھوڑا چاہئے

گل بہت ہنستے ہیں کان ان کے مروڑا چاہئے

آج کل ہوتا ہے اپنا عشق پنہاں آشکار

پک چکا ہے خوب اب پھوٹے یہ پھوڑا چاہئے

مانگتا ہوں میں خدا سے اپنے دل سے داغ عشق

بادشاہ حسن کے سکے کا توڑا چاہئے

ان لبوں کے عشق نے ہے جیسے دیوانہ کیا

بڑ اپنی ہے اک لالوں کا جوڑا چاہئے

دے رہا ہے گیسوئے مشکین سودے کو جگہ

کس کے آگے جا کے اپنے سر کو پھوڑا چاہئے

بادۂ گلگوں کے شیشہ کا ہوں سائل ساقیا

ساتھ کیفیت کے اڑتا مجھ کو گھوڑا چاہئے

یہ صدا آتی ہے رفتار سمند عمر سے

وہ بھی گھوڑا ہے کوئی جس کو کہ کوڑا چاہئے

قطع مقراض خموشی سے زباں کو کیجئے

قفل دے کر گنج پر مفتاح توڑا چاہئے

اپنے دیوانہ کا دل لے کر یہ کہتا ہے وہ طفل

یہ کھلونا ہے اسی قابل کہ توڑا چاہئے

زلفیں روئے یار پر بے وجہ لہراتی نہیں

کچھ نہ کچھ زہر اگلے یہ کالے کا جوڑا چاہئے

باغباں سے چھپ کے گل چینی جو کی تو کیا کیا

آنکھ بلبل کی بچا کر پھول توڑا چاہئے

فصل گل میں بیڑیاں کاٹی ہیں میرے پاؤں کی

ہاتھ میں حداد کے سونے کا توڑا چاہئے

باغ عالم میں یہی میری دعا ہے روز و شب

خار خار عشق گل رخسار توڑا چاہئے

عشق کی مشکل پسندی سے ہوا یہ آشکار

خوب صورت کو غرور حسن تھوڑا چاہئے

زمزمے سن کر مرے صیاد گل رو نے کہا

ذبح کیجے ایسے بلبل کو نہ چھوڑا چاہئے

پیر ہو آتشؔ کفن کا سامنا ہے عن قریب

توبہ کیجے دامن تر کو نچوڑا چاہئے

خواجہ حیدر علی آتش

Previous More Islamic Poetry Next

Khwaja Haidar Ali Aatish

Facebook Twitter Google + Share on Whatsapp

(2898) ووٹ وصول ہوئے

Ya Ali Keh Kar Bat Pindar Tora Chahiye by Khwaja Haidar Ali Aatish - Read Khwaja Haidar Ali Aatish's best Shayari Ya Ali Keh Kar Bat Pindar Tora Chahiye at UrduPoint. Here you can read the best poetry Ya Ali Keh Kar Bat Pindar Tora Chahiye of Khwaja Haidar Ali Aatish. Ya Ali Keh Kar Bat Pindar Tora Chahiye is the most famous poetry by Khwaja Haidar Ali Aatish. People love to read poetry by Khwaja Haidar Ali Aatish, and Ya Ali Keh Kar Bat Pindar Tora Chahiye by Khwaja Haidar Ali Aatish is best among the whole collection of poetry by Khwaja Haidar Ali Aatish.

Khwaja Haidar Ali Aatish is the most famous Urdu Poet. Therefore, people love to read Urdu Poetry of Khwaja Haidar Ali Aatish. At UrduPoint, you can find the complete collection of Urdu Poetry of Khwaja Haidar Ali Aatish. On this page, you can read Ya Ali Keh Kar Bat Pindar Tora Chahiye by Khwaja Haidar Ali Aatish. Ya Ali Keh Kar Bat Pindar Tora Chahiye is the best poetry by Khwaja Haidar Ali Aatish.

Read the Khwaja Haidar Ali Aatish's best poetry Ya Ali Keh Kar Bat Pindar Tora Chahiye here at UrduPoint; you will surely like it. If we make a list of Khwaja Haidar Ali Aatish's best Shayari, Ya Ali Keh Kar Bat Pindar Tora Chahiye of Khwaja Haidar Ali Aatish will be at the top. Many people, who love the Urdu Shayari of Khwaja Haidar Ali Aatish, regard it as the best poetry Ya Ali Keh Kar Bat Pindar Tora Chahiye of Khwaja Haidar Ali Aatish.

We recommend you read the most famous poetry, Ya Ali Keh Kar Bat Pindar Tora Chahiye of Khwaja Haidar Ali Aatish here, you will surely love it. Also, don't forget to share it with others.