Aashiq-e-zulf-o-ruKH-e-dildar Aankhen Ho Gain, Urdu Ghazal By Khwaja Mohammad Wazir

Aashiq-e-zulf-o-ruKH-e-dildar Aankhen Ho Gain is a famous Urdu Ghazal written by a famous poet, Khwaja Mohammad Wazir. Aashiq-e-zulf-o-ruKH-e-dildar Aankhen Ho Gain comes under the Love, Sad category of Urdu Ghazal. You can read Aashiq-e-zulf-o-ruKH-e-dildar Aankhen Ho Gain on this page of UrduPoint.

Urdu Poem English Poem

عاشق زلف و رخ دلدار آنکھیں ہو گئیں

خواجہ محمد وزیر

عاشق زلف و رخ دلدار آنکھیں ہو گئیں

مبتلائے کافر و دیندار آنکھیں ہو گئیں

سرخ پلکیں ہو گئیں خوں بار آنکھیں ہو گئیں

دیکھ لو اب زخم دامن دار آنکھیں ہو گئیں

دیکھ کر محو جمال یار آنکھیں ہو گئیں

جام ہائے شربت دیدار آنکھیں ہو گئیں

آئیو اے اشک اب بہنے لگا ہے خون گرم

بھیجیو پانی کہ آتش بار آنکھیں ہو گئیں

لڑ گئیں تم سے جو آنکھیں ہو گئی اک بار صلح

کیجئے دو تین باتیں چار آنکھیں ہو گئیں

کشتیٔ مے لے کے اے ساقی پہنچ بہر خدا

بے ترے محفل میں دریا بار آنکھیں ہو گئیں

ہے تصور بسکہ آنکھوں میں خط رخسار کا

آئنے کی طرح جوہر دار آنکھیں ہو گئیں

اے بت کافر ہے بس بے عیب ذات اللہ کی

لب ترے عیسیٰ ہوئے بیمار آنکھیں ہو گئیں

بہہ گئیں پلکیں برنگ خس مری اشکوں کے ساتھ

اب تو نظروں میں گل‌ بے خار آنکھیں ہو گئیں

چشم بددور ان کو گردش ہے عجب انداز سے

اے پری آہوئے خوش رفتار آنکھیں ہو گئیں

میرے پاؤں کی طرح ہیہات اب گردش میں ہیں

کس کی یہ وارفتۂ رفتار آنکھیں ہو گئیں

عین نادانی ہے اب ان سے جو رکھیے چشم داشت

شکل مژگاں پھر گئیں بیزار آنکھیں ہو گئیں

لخت دل یاقوت میں آنسو ہیں موتی آب دار

آؤ دیکھو جوہری بازار آنکھیں ہو گئیں

دو تو ہیں چشم سخن گو گر نہیں ہے اک دہن

چپ نہ رہیے قابل گفتار آنکھیں ہو گئیں

عشق پنہاں دیدۂ گریاں نے ظاہر کر دیا

ہنسنے کی جا ہے لب اظہار آنکھیں ہو گئیں

ابلق چشم صنم کس ناز سے گردش میں ہے

خوب کاوے ہوتے ہیں رہوار آنکھیں ہو گئیں

ہر کسی نے آنکھ جب ڈالی گلوئے صاف پر

ہنس کے فرمایا گلے کا ہار آنکھیں ہو گئیں

تول لیتے ہیں سدا نظروں میں جنس حسن کو

پلۂ میزاں مری اے یار آنکھیں ہو گئیں

ہے تصور روز و شب کس کی طلائی رنگ کا

چشم نرگس کی طرح زردار آنکھیں ہو گئیں

کہتے ہو سب دیکھتے ہیں تیری آنکھوں سے مجھے

سچ کہو اغیار کی بے کار آنکھیں ہو گئیں

چلیے اب صحرا سے کوئے یار انہیں دکھلائیے

آبلوں سے پاؤں میں دو چار آنکھیں ہو گئیں

پھول نرگس کے بنائے کب وہاں معمار نے

یہ ہماری نقش بر دیوار آنکھیں ہو گئیں

اے خدا شاہد ہمارا ثم وجہ اللہ ہے

جب نگہ کی بت پہ تجھ سے چار آنکھیں ہو گئیں

آپ سا ان کو بنایا عشق تیر یار نے

ہے سری تار نگہ سوفار آنکھیں ہو گئیں

پیش نرگس ہاتھ پھیلائے ہیں شاخوں سے درخت

کس کو دیکھیں گے جو اب درکار آنکھیں ہو گئیں

چپ کھڑے ہیں بن گئے ہیں نقش بر دیوار ہم

آؤ دیکھو روزن دیوار آنکھیں ہو گئیں

ساقی و مینا و ساغر ایک آتے ہیں نظر

بادۂ وحدت سے کیا سرشار آنکھیں ہو گئیں

روتے روتے ہجر میں سوجے ہیں یہ چشمان تر

جسم لاغر ہو گیا طیار آنکھیں ہو گئیں

عاشق ابرو ہوں کرنا دیدہ و دانستہ قتل

جوہروں سے تجھ میں اے تلوار آنکھیں ہو گئیں

آنکھ کے ڈوروں نے تیرے کچھ تو ہیں دھاگے دیے

اے صنم جو مائل زنار آنکھیں ہو گئیں

پھر گیا وہ آ کے اب جاگے تو کیا حاصل وزیرؔ

سو گئے جب بخت تب بیدار آنکھیں ہو گئیں

خواجہ محمد وزیر

© UrduPoint.com

All Rights Reserved

Aashiq-e-zulf-o-ruKH-e-dildar Aankhen Ho Gain

Khwaja Mohammad Wazir

aashiq-e-zulf-o-ruKH-e-dildar aankhen ho gain
mubtala-e-kafir-o-dindar aankhen ho gain

surKH palken ho gain KHun-bar aankhen ho gain
dekh lo ab zaKHm-e-daman-dar aankhen ho gain

dekh kar mahw-e-jamal-e-yar aankhen ho gain
jam-ha-e-sharbat-e-didar aankhen ho gain

aaiyo ai ashk ab bahne laga hai KHun-e-garam
bhejiyo pani ki aatish-bar aankhen ho gain

laD gain tum se jo aankhen ho gai ek bar sulh
kijiye do-tin baaten chaar aankhen ho gain

kashti-e-mai le ke ai saqi pahunch bahr-e-KHuda
be tere mahfil mein dariya-bar aankhen ho gain

hai tasawwur bas-ki aankhon mein KHat-e-ruKHsar ka
aaine ki tarah jauhar-dar aankhen ho gain

ai but-e-kafir hai bas be-aib zat allah ki
lab tere isa hue bimar aankhen ho gain

bah gain palken ba-rang-e-KHas meri ashkon ke sath
ab to nazron mein gul-e-be-KHar aankhen ho gain

chashm-e-baddur in ko gardish hai ajab andaz se
ai pari aahu-e-KHush-raftar aankhen ho gain

mere panw ki tarah haihat ab gardish mein hain
kis ki ye warafta-e-raftar aankhen ho gain

ain nadani hai ab un se jo rakhiye chashm-dasht
shakl-e-mizhgan phir gain bezar aankhen ho gain

laKHt-e-dil yaqut mein aansu hain moti aab-dar
aao dekho jauhari bazar aankhen ho gain

do to hain chashm-e-suKHan-go gar nahin hai ek dahan
chup na rahiye qabil-e-guftar aankhen ho gain

ishq-e-pinhan dida-e-giryan ne zahir kar diya
hansne ki ja hai lab-e-izhaar aankhen ho gain

ablaq-e-chashm-e-sanam kis naz se gardish mein hai
KHub kawe hote hain rahwar aankhen ho gain

har kisi ne aankh jab Dali gulu-e-saf par
hans ke farmaya gale ka haar aankhen ho gain

tol lete hain sada nazron mein jins-e-husn ko
palla-e-mizan meri ai yar aankhen ho gain

hai tasawwur roz-o-shab kis ki tilai rang ka
chashm-e-nargis ki tarah zardar aankhen ho gain

kahte ho sab dekhte hain teri aankhon se mujhe
sach kaho aghyar ki bekar aankhen ho gain

chaliye ab sahra se ku-e-yar unhen dikhlaiye
aablon se panw mein do-chaar aankhen ho gain

phul nargis ke banae kab wahan meamar ne
ye hamari naqsh-bar-diwar aankhen ho gain

ai KHuda shahid hamara summa-wajhullah hai
jab nigah ki but pe tujh se chaar aankhen ho gain

aap sa in ko banaya ishq-e-tir-e-yar ne
hai siri tar-e-nigah sufar aankhen ho gain

pesh-e-nargis hath phailae hain shaKHon se daraKHt
kis ko dekhenge jo ab darkar aankhen ho gain

chup khaDe hain ban gae hain naqsh-bar-diwar hum
aao dekho rauzan-e-diwar aankhen ho gain

saqi-o-mina-o-saghar ek aate hain nazar
baada-e-wahdat se kya sarshaar aankhen ho gain

rote rote hijr mein suje hain ye chashman-e-tar
jism laghar ho gaya tayyar aankhen ho gain

aashiq-e-abru hun karna dida-o-danista qatl
jauharon se tujh mein ai talwar aankhen ho gain

aankh ke Doron ne tere kuchh to hain dhage diye
ai sanam jo mail-e-zunnar aankhen ho gain

phir gaya wo aa ke ab jage to kya hasil 'wazir'
so gae jab baKHt tab bedar aankhen ho gain

(540) ووٹ وصول ہوئے

Related Poetry

You can read Aashiq-e-zulf-o-ruKH-e-dildar Aankhen Ho Gain written by Khwaja Mohammad Wazir at UrduPoint. Aashiq-e-zulf-o-ruKH-e-dildar Aankhen Ho Gain is one of the masterpieces written by Khwaja Mohammad Wazir. You can also find the complete poetry collection of Khwaja Mohammad Wazir by clicking on the button 'Read Complete Poetry Collection of Khwaja Mohammad Wazir' above.

Aashiq-e-zulf-o-ruKH-e-dildar Aankhen Ho Gain is a widely read Urdu Ghazal. If you like Aashiq-e-zulf-o-ruKH-e-dildar Aankhen Ho Gain, you will also like to read other famous Urdu Ghazal.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.