Saugandhi, Urdu Nazam By Kumar Pashi

Saugandhi is a famous Urdu Nazam written by a famous poet, Kumar Pashi. Saugandhi comes under the Love, Sad category of Urdu Nazam. You can read Saugandhi on this page of UrduPoint.

Urdu Poem English Poem

سوگندھی

کمار پاشی

اک موسم مرے دل کے اندر

اک موسم مرے باہر

اک رستہ مرے پیچھے بھاگے

اک رستہ مرے آگے

بیچ میں چپ چپ کھڑی ہوں جیسے

بوجھی ہوئی بجھارت

کس کو دوش دوں، جانے مجھ کو

کس نے کیا اکارت

آئینہ دیکھوں، بال سنواروں

لب پہ ہنسی سجاؤں

گلا سڑا وہی گوشت کہ جس پر

بیٹھی رنگ چڑھاؤں

جانے کتنی برف پگھل گئی

بہہ گیا کتنا پانی

کس ندیا میں ڈھونڈوں بچپن

کس دریا میں جوانی

رات آئے مری ہڈیاں جاگیں

دن جاگے میں سوؤں

اپنے اجاڑ بدن سے لگ کر

کبھی ہنسوں، کبھی روؤں

ایک بھیانک سپنا: آگ میں لپٹی جلتی جاؤں

چولی میں اڑسے سکوں کے سنگ پگھلتی جاؤں

اک موسم مرے دل کے اندر

اک موسم مرے باہر

اک رستہ مرے پیچھے بھاگے

اک رستہ مرے آگے

رستے بیچ میں کھڑی اکیلی

پیا نہ سنگ سہیلی

کیا جانے مجھ جنم جلی نے

کیا اپرادھ کیا ہے

آخر کیوں دنیا کا میں نے سارا زہر پیا ہے

ساری عمر نہ جانے اپنے بدن میں کسے جیا ہے

میرے ساتھ زمانے!

تو نے اچھا نہیں کیا ہے

دور کھڑے مرے آنگن دوارے

پل پل پاس بلائیں

کہو ہواؤں سے اب، ان کو

دور بہت ہی دور کہیں لے جائیں

جھوٹ کی یہ کالی دیواریں

جھوٹ کا فرش اور چھت ہے

جھوٹ کا بستر جھوٹ کے ساتھی

جھوٹ کی ہر سنگت ہے

جھوٹ بچھاؤں، جھوٹ لپیٹوں

جھوٹ اتاروں، پہنوں

جھوٹ پہن کر جسم کے ویرانے میں دوڑتی جاؤں

سچ کے جگنو بول کہاں ہے

کب سے تجھے بلاؤں

اس لمبی تاریک سڑک پر کب تک چلتی جاؤں

کیوں نہیں ذہن کی دیواروں سے

ٹکراؤں، مر جاؤں

شمع سریکھی پگھل رہی ہوں

اوجھل کبھی اجاگر

اک موسم مرے دل کے اندر

اک موسم مرے باہر

مجھ سے ملنے کون آئے اب ان تنہا راہوں پر

بوٹی بوٹی بٹ گئی میری روشن چوراہوں پر

اس گہرے سناٹے میں کس کو آواز لگاؤں

کون آئے گا مدد کو میری

کیا چیخوں چلاؤں

اپنے مردہ گوشت کی چادر

اوڑھ کے چپ ہو جاؤں

اور اچانک نیندوں کی دلدل میں گم ہو جاؤں

کسی کے ہاتھ نہ آؤں

خود کو میں خود ڈھونڈنے نکلوں

لیکن کہیں نہ پاؤں

کمار پاشی

© UrduPoint.com

All Rights Reserved

Saugandhi

Kumar Pashi

ek mausam mere dil ke andar
ek mausam mere bahar
ek rasta mere pichhe bhage
ek rasta mere aage
bich mein chup chup khaDi hun jaise
bujhi hui bujhaart
kis ko dosh dun, jaane mujh ko
kis ne kiya akarat

aaina dekhun, baal sanwarun
lab pe hansi sajaun
gala-saDa wahi gosht ki jis par
baiThi rang chaDhaun

jaane kitni barf pighal gai
bah gaya kitna pani
kis nadiya mein DhunDun bachpan
kis dariya mein jawani

raat aae meri haDDiyan jagen
din jage main soun
apne ujaD badan se lag kar
kabhi hansun, kabhi roun
ek bhayanak sapna: aag mein lipTi jalti jaun
choli mein aDse sikkon ke sang pighalti jaun

ek mausam mere dil ke andar
ek mausam mere bahar
ek rasta mere pichhe bhage
ek rasta mere aage
raste bich main khaDi akeli
piya na sang saheli
kya jaane mujh janm-jali ne
kya apradh kiya hai
aaKHir kyun duniya ka main ne sara zahr piya hai
sari umr na jaane apne badan mein kise jiya hai
mere sath zamane!
tu ne achchha nahin kiya hai
dur khaDe mere aangan dware
pal pal pas bulaen
kaho hawaon se ab, un ko
dur bahut hi dur kahin le jaen

jhuT ki ye kali diwaren
jhuT ka farsh aur chhat hai
jhuT ka bistar jhuT ke sathi
jhuT ki har sangat hai
jhuT bichhaun, jhuT lapeTun
jhuT utarun, pahnun
jhuT pahan kar jism ke virane mein dauDti jaun
sach ke jugnu bol kahan hai
kab se tujhe bulaun
is lambi tarik saDak par kab tak chalti jaun
kyun nahin zehn ki diwaron se
Takraun, mar jaun

shama sarekhi pighal rahi hun
ojhal kabhi ujagar
ek mausam mere dil ke andar
ek mausam mere bahar
mujh se milne kaun aae ab in tanha rahon par
boTi boTi baT gai meri raushan chaurahon par
is gahre sannaTe mein kis ko aawaz lagaun
kaun aaega madad ko meri
kya chiKHon chillaun
apne murda gosht ki chadar
oDh ke chup ho jaun
aur achanak nindon ki daldal mein gum ho jaun
kisi ke hath na aaun
KHud ko main KHud DhunDne niklun
lekin kahin na paun

(507) ووٹ وصول ہوئے

You can read Saugandhi written by Kumar Pashi at UrduPoint. Saugandhi is one of the masterpieces written by Kumar Pashi. You can also find the complete poetry collection of Kumar Pashi by clicking on the button 'Read Complete Poetry Collection of Kumar Pashi' above.

Saugandhi is a widely read Urdu Nazam. If you like Saugandhi, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.