Dagh, Urdu Nazam By Maikash Akbarabadi
Dagh is a famous Urdu Nazam written by a famous poet, Maikash Akbarabadi. Dagh comes under the Love, Sad category of Urdu Nazam. You can read Dagh on this page of UrduPoint.
داغؔ
میکش اکبرآبادی
ہے اب تک سحر سا چھایا تری جادو نوائی کا
دل اردو پہ اب تک داغ ہے تیری جدائی کا
زبان شعر سے اب بھی تری آواز سنتا ہوں
جو نکلا تھا تری مضراب سے وہ ساز سنتا ہوں
تغزل کو تری رنگیں نوائیں یاد ہیں اب تک
ترے نغموں سے دل کی بستیاں آباد ہیں اب تک
دلوں کو اب بھی چمکاتی ہے شمع آرزو تیری
لب تحریر پر اب تک ہے شیریں گفتگو تیری
ترے جذبات میں اب تک صداقت جگمگاتی ہے
تری گفتار کی شوخی دلوں کو گدگداتی ہے
نیاز و ناز کی محفل میں تیرا نام رہتا ہے
ترے مستوں کے آگے اب بھی تیرا جام رہتا ہے
تری رنگینیوں میں سادگی کی شان ہوتی ہے
ترے افکار کی دنیا بھی شعرستان ہوتی تھی
ترے نغمے سکوں پرور تھے ارباب محبت کے
سدا بے داغ دیکھا ہے ترے دامان فطرت
چھلکتی تھیں ترے دل کی ادائیں بھی نگاہوں سے
بلا کا درد ہوتا تھا تری خاموش آہوں میں
تو بندہ تھا محبت کا محبت تھی ترے دل میں
سمندر موجزن رہتا تھا اس چھوٹے سے ساحل میں
ترے لب پر وہی آتا تھا جو ہر دل میں ہوتا تھا
وہ بن جاتا تھا شاعر جو تری محفل میں ہوتا تھا
فصیح الملک تھا جان فصاحت تیری باتیں تھیں
قیامت جس پہ دم دے وہ قیامت تیری باتیں تھیں
تری گفتار میں ہم نے مذاق زندگی دیکھا
ترے سازوں میں دل کے سوز کا مفہوم تھا گویا
تری ہستی کو راز دو جہاں معلوم تھا گویا
فرشتوں کا تقدس تھا ترے حسن تکلم میں
ترے آنسو میں سوز دل تھا یا شعلہ تھا شبنم میں
زباں کو حور و غلماں نے تری کوثر سے دھویا تھا
خدا نے بحر الفت میں تری الفت کو کھویا تھا
عنادل بھی بڑھے تیری طرف دامن کو پھیلائے
محبت کی زباں سے تو نے جس دم پھول برسائے
فضا کو کر دیا رنگین اپنی نغمہ خوانی سے
گلوں میں پھونک دی روح تبسم گل فشانی سے
ترے نغمے بہے جب نکہت گل کے سفینے میں
تو لالے نے بٹھایا لا کے تجھ کو اپنے سینے میں
ہر اک درد آشنا دل میں رکھا تجھ کو محبت نے
بٹھایا چاند کے ماتھے پہ تجھ کو دست قدرت نے
زمین شعر نے پایا تھا اوج آسماں تجھ سے
زباں کا لطف تھا اے بلبل ہندوستاں تجھ سے
پیمبر تھا سخن کا تو ترے نغموں پہ جھومیں گے
ہم اپنے دیدۂ دل سے تری تربت کو چومیں گے
رہیں گے حشر تک باقی ترے نغمے نہیں فانی
بجا ہے تجھ کو کہتے ہیں جو ہم تلمیذ رحمانی
ترے جذبات کے پر کیف سیلابوں میں بہتے ہیں
حقیقت آشنا تجھ کو جہاں استاد کہتے ہیں
جہان آرزو میں اب بھی حال و قال تیرا ہے
سخن کی مملکت میں آج تک اقبال تیرا ہے
سخن فہموں کے دل میں اب بھی تیری یاد باقی ہے
غزل کے مے کدہ جب تک ہے قائم تو ہی ساقی ہے
دکن میں ذوق تھا ذوق سخن محبوب تھا تجھ کو
ہمیں معلوم ہے ملک دکن محبوب تھا تجھ کو
دکن کو آنے والے بس گیا ملک دکن میں تو
کہ بلبل تھا بنایا آشیاں اپنا چمن میں تو
قیامت تک نہ بھولیں گے تجھے تیرے وطن والے
کہیں بلبل کے نغمے بھول جاتے ہیں چمن والے
دل بیتاب کے بربط پہ نغمہ درد کا گایا
تغزل سے ہماری محفلوں کو تو نے گرمایا
ترے احسان کے گن گائے گا جوش وفا کوشی
دکن والوں کی فطرت میں نہیں احساں فراموشی
کلیجہ تھام کر اپنا ترے اشعار گائیں گے
دکن کی وادیوں میں ہم ترے نغمے بسائیں گے
عقیدت آفریں گل تیری تربت پر چڑھائیں گے
ترے ہر شعر کو ہم اپنی آنکھوں سے لگائیں گے
میکش اکبرآبادی
© UrduPoint.com
All Rights Reserved
Dagh
Maikash Akbarabadi
dil-e-urdu pe ab tak dagh hai teri judai ka
zaban-e-sher se ab bhi teri aawaz sunta hun
jo nikla tha teri mizrab se wo saz sunta hun
taghazzul ko teri rangin nawaen yaad hain ab tak
tere naghmon se dil ki bastiyan aabaad hain ab tak
dilon ko ab bhi chamkati hai sham-e-arzu teri
lab-e-tahrir par ab tak hai shirin guftugu teri
tere jazbaat mein ab tak sadaqat jagmagati hai
teri guftar ki shoKHi dilon ko gudgudati hai
niyaz-o-naz ki mahfil mein tera nam rahta hai
tere maston ke aage ab bhi tera jam rahta hai
teri ranginiyon mein sadgi ki shan hoti hai
tere afkar ki duniya bhi sheristan hoti thi
tere naghme sukun-parwar the arbab-e-mohabbat ke
sada be-dagh dekha hai tere daman-e-fitrat
chhalakti thin tere dil ki adaen bhi nigahon se
bala ka dard hota tha teri KHamosh aahon mein
tu banda tha mohabbat ka mohabbat thi tere dil mein
samundar maujzan rahta tha is chhoTe se sahil mein
tere lab par wahi aata tha jo har dil mein hota tha
wo ban jata tha shair jo teri mahfil mein hota tha
fasih-ul-mulk tha jaan-e-fasahat teri baaten thin
qayamat jis pe dam de wo qayamat teri baaten thin
teri guftar mein hum ne mazaq-e-zindagi dekha
tere sazon mein dil ke soz ka mafhum tha goya
teri hasti ko raaz-e-do-jahan malum tha goya
farishton ka taqaddus tha tere husn-e-takallum mein
tere aansu mein soz-e-dil tha ya shoala tha shabnam mein
zaban ko hur-o-ghilman ne teri kausar se dhoya tha
KHuda ne bahr-e-ulfat mein teri ulfat ko khoya tha
anadil bhi baDhe teri taraf daman ko phailae
mohabbat ki zaban se tu ne jis dam phul barsae
faza ko kar diya rangin apni naghma-KHwani se
gulon mein phunk di ruh-e-tabassum gul-fishani se
tere naghme bahe jab nikhat-e-gul ke safine mein
to lale ne biThaya la ke tujh ko apne sine mein
har ek dard-ashna dil mein rakha tujh ko mohabbat ne
biThaya chand ke mathe pe tujh ko dast-e-qudrat ne
zamin-e-sher ne paya tha auj-e-asman tujh se
zaban ka lutf tha ai bulbul-e-hindustan tujh se
payambar tha suKHan ka to tere naghmon pe jumenge
hum apne dida-e-dil se teri turbat ko chumenge
rahenge hashr tak baqi tere naghme nahin fani
baja hai tujh ko kahte hain jo hum tilmiz-e-rahmani
tere jazbaat ke pur-kaif sailabon mein bahte hain
haqiqat-ashna tujh ko jahan-ustad kahte hain
jahan-e-arzu mein ab bhi haal-o-qal tera hai
suKHan ki mumlikat mein aaj tak iqbaal tera hai
suKHan-fahmon ke dil mein ab bhi teri yaad baqi hai
ghazal ke mai-kada jab tak hai qaem tu hi saqi hai
dakan mein zauq tha zauq-e-suKHan mahbub tha tujh ko
hamein malum hai mulk-e-dakan mahbub tha tujh ko
dakan ko aane wale bas gaya mulk-e-dakan mein tu
ki bulbul tha banaya aashiyan apna chaman mein tu
qayamat tak na bhulenge tujhe tere watan wale
kahin bulbul ke naghme bhul jate hain chaman wale
dil-e-betab ke barbat pe naghma dard ka gaya
taghazzul se hamari mahfilon ko tu ne garmaya
tere ehsan ke gun gaega josh-e-wafa-koshi
dakan walon ki fitrat mein nahin ehsan-framoshi
kaleja tham kar apna tere ashaar gaenge
dakan ki wadiyon mein hum tere naghme basaenge
aqidat-afrin gul teri turbat par chaDhaenge
tere har sher ko hum apni aankhon se lagaenge
(566) ووٹ وصول ہوئے
Related Maikash Akbarabadi Poetry
Related Poetry
More Maikash Akbarabadi Poetry
کسان
Maikash Akbarabadi - میکش اکبرآبادی
Kisan
یہ رنگ و نور بھلا کب کسی کے ہاتھ آئے
Maikash Akbarabadi - میکش اکبرآبادی
Ye Rang-o-nur Bhala Kab Kisi Ke Hath Aae
آپ کی میری کہانی ایک ہے (ردیف .. ن)
Maikash Akbarabadi - میکش اکبرآبادی
Aap Ki Meri Kahani Ek Hai
تری زلفوں کو کیا سلجھاؤں اے دوست (ردیف .. ن)
Maikash Akbarabadi - میکش اکبرآبادی
Teri Zulfon Ko Kya Suljhaun Ai Dost
جامعہ عثمانیہ
Maikash Akbarabadi - میکش اکبرآبادی
Jamia-usmaniya
ڈاکٹر زورؔ سے
Maikash Akbarabadi - میکش اکبرآبادی
Doctor Zor Se
ہم نے لالے کی طرح اس دور میں
Maikash Akbarabadi - میکش اکبرآبادی
Humne Lale Ki Tarah Is Daur Mein
ولیؔ
Maikash Akbarabadi - میکش اکبرآبادی
Wali
You can read Dagh written by Maikash Akbarabadi at UrduPoint. Dagh is one of the masterpieces written by Maikash Akbarabadi. You can also find the complete poetry collection of Maikash Akbarabadi by clicking on the button 'Read Complete Poetry Collection of Maikash Akbarabadi' above.
Dagh is a widely read Urdu Nazam. If you like Dagh, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.