Mujhe Dar Hai, Urdu Nazam By Majid Jahangir

نجانےکون سا ڈر ہے

نجانے کون سی ضد ہے

یہ ڈر ہے یا کوئی ضد ہے

معّمہ حل طلب ہے یہ

مگر ہے آرزو دل کی

کہ میں تاریخ کے ماتھے پہ چند الفاظ لکھ ڈالوں

جو بعد از مرگ بھی دنیا مرے اشعار دہرائے

مرے افکار کی ضُو سے کوئی تبدیلی آجائے

یہی خواہش مرے دل میں بڑی ہلچل مچاتی ہے

مجھے مجبور کرتی ہے

قلم سے جو بھی میں لکھوں وہ حق کی ترجمانی ہو

کہ آنے والی نسلیں بھی مجھے دوشی نہ ٹھہرائیں

وہ باتوں میں نہ یہ کہہ دیں

بکاو تھا ہوس کا مارا شاعر تھامجھے ڈر ہے

مجھے ڈر ہے

کہ محنت فیض و جالب کی کہیں زائل نہ ہو جائے

جو تھا اقبال کا شاھیں کہیں پھر سے نہ سو جائے

مجھے ڈر ہے

کہ نسلِ نو ترے بچے مرے بچے

جو بعد از مرگ قبروں پر دعا کے واسطے آئیں

وہ جیون سے نہ تنگ آکر لحد پر تیری اور میری

کہیں جوتے نہ دیں ماریں

کہ کیسے ملک میں تم نے دیا ہے آشیاں ہم کو

ہزار اس سے تو بہتر تھا نہ پیدا ہی یہاں ہوتے

نہ یہ حالات ہم تکتے نہ ایسے پھوٹ کر روتے

یہ اپنا دیس ہے لوگو مرے اسلاف نے اس کے لیےقربانیاں د یں ہیں

لہو اپنا بہایا ہے بہت سا رنج اٹھایا ہے

تو کیسے بھیٹریوں کے ہاتھ میں اپنا وطن دے دوں

جسے خوں تک پلایا ہے وہ سارا میں چمن دے دوں

کہیں ایسا نہ ہو جائے تباہی رب کی جانب سے مقدر میں لکھی جائے

کوئِی اقدام کر ڈالو جو باقی تن میں ہیں سانسیں

وطن کے نام کر ڈالو۔۔۔ وطن کے نام کر