Bay Chaini, Urdu Nazam By Masood Uzzafer

کیوں میرے سینے سے لپٹی ہے

کون ہے کہاں رہتی ہے تو

کروٹیں بدلتا ہوں رات بھر

کیا ستم کئے جاتی ہے تو

تنہائی میں بھی نہیں اکیلا

ہر دم ساتھ ہوتی ہے تو

خیالوں میں کبھی سانسوں میں

کبھی آنکھوں سے چھلکتی ہے تو

تیرے شہر میں پھرتی ہوں میں

تیری قوم کی بے چینی ہوں میں

شہر میں نہیں ٹھکانا میرا

صرف تیرے سینے میں رہتی ہوں میں

کیا جانے کا تو اُداسی میری

بیٹے اپنے دفن کرتی ہوں میں

عصبیتیں ہو یا نفرتیں ہو

مسلکوں سے بھی قتل ہوتی ہوں میں

ایوانوں میں مسجدوں میں

اجنبی بیٹھی رہتی ہوں میں

سوچا تھا کوئی لکھے گا مجھے

اب قلم سے بھی بکتی ہوئے

کیسے بتاؤں کہ کیا ہوں میں

خوف سے چپ رہتی ہوں میں