Tumheñ Malom Hai Taimor Kī Fojaiñ Jis Waqt, Urdu Nazam By Meeraji
Tumheñ Malom Hai Taimor Kī Fojaiñ Jis Waqt is a famous Urdu Nazam written by a famous poet, Meeraji. Tumheñ Malom Hai Taimor Kī Fojaiñ Jis Waqt comes under the Social category of Urdu Nazam. You can read Tumheñ Malom Hai Taimor Kī Fojaiñ Jis Waqt on this page of UrduPoint.
تمہیں معلوم ہے تیمور کی فوجیں جس وقت
میراجی
تمہیں معلوم ہے تیمور کی فوجیں جس وقت
اپنے دشمن پہ بڑھا کرتی تھیں
عورتیں پیچھے رہا کرتی تھیں
اور جو عالم تھے فاضل تھے ان انسانوں کا جرگہ سب کے
پیچھے پیچھے ہی چلا کرتا تھا
کس لیے سب کو رہ زیست پہ ہر گام بڑھانے والے
سب سے پیچھے ہی چلا کرتے ہیں
علم میں ایک ہی بنیادی کمی ہے ورنہ
علم ہر ایک زمانے میں ہر ایک شے سے ترقی پاتا
آج اقبال یہ کہتا ہے کہ عورت ہی کا شعلہ وہ جس سے یونان
حشر تک علم فلاطون سے رہے گا زندہ
آج اسکول میں کالج میں مقام اول
عورتوں کے لیے مخصوص کیے جاتے ہیں
آج انگریزی پڑھی جاتی ہے جغرافیہ تاریخ ہر اک علم یہاں
ایسے استاد سکھاتا ہے کہ جیسے ہم کو
یہی معلوم نہیں ہے کہ جو عالم تھے جو فاضل تھے ان انسانوں کا جرگہ سب سے
پیچھے پیچھے ہی بڑھا کرتا تھا
عورتیں ان سے ذرا آگے رہا کرتی تھیں
عورتیں آج بھی آگے ہی رہا کرتی ہیں
عورتیں آج بھی کہتی ہیں ہمارے گیسو
چاہے بکھرے ہوں کہ ایک جوڑے میں پابند کیے بیٹھے ہوں
دیکھنے والوں کی ناکام تمناؤں کو
ایک ہی ہاتھ کے پابند ہوا کرتے ہیں
وہی اک ہاتھ جو تلوار کو پہلو میں لیے
سب سے آگے ہی چلا کرتا ہے
اس کو کچھ علم کی پرواہ نہیں (عورت کی بھی پرواہ کیا ہے)
اس کو کچھ علم نہیں کیسے فلاطوں پل میں
اک شرر بن کے بجھا کرتا ہے
سامنے تو ہے مگر تیرا منور چہرہ
اسی جاہل کو نظر آتا ہے
جو یہ کہتا ہے کہ تیمور کی فوجیں جس وقت
اپنے دشمن پہ بڑھا کرتی تھیں
عورتیں پیچھے رہا کرتی تھیں
اور جو عالم تھے جو فاضل تھے وہ یہ سوچتے تھے
ہار کس شخص کی ہے جیت ہے کس کی چھوڑو
ہم بھی کن چھوٹی سی باتوں میں الجھ بیٹھے ہیں
چلتے چلتے مجھے تیزی سے خیال آیا ہے
تیرا یہ جوڑا جو کھل جائے بکھر جائے تو پھر کیا ہوگا
میری تاریخ کہ تیری تاریخ
پھیل کر آج پہ (اور کل پہ بھی) چھا جائے گی
سوچنے والے کو اک پل میں بتا جائے گی
عورتیں پیچھے اگر ہوں بھی تو آگے ہی رہا کرتی ہیں
اور فلاطوں کا چچا ہاتھ میں تلوار لیے آگے بڑھا کرتا ہے
لو وہ جوڑا بھی فلاطوں ہی سے کچھ کہنے لگا
اور رستے میں اسے کون ملے گا تیمور
اور وہ اس سے کہے گا کہ یہاں کیوں آئی
جا مرے پیچھے چلی جا کہ ترے پیچھے ہمیشہ ہر دم
علم یوں رینگتے ہی رینگتے بڑھتا جائے
جیسے ہر بات کے پیچھے ہر بات
رینگتے رینگتے بڑھتی ہی چلی جاتی ہے
اور ہر ایک فلاطوں جو شرر بن کے چمکتا ہے وہ مٹ جاتا ہے
میراجی
© UrduPoint.com
All Rights Reserved
(5006) ووٹ وصول ہوئے
Related Meeraji Poetry
Related Poetry
More Meeraji Poetry
رس کی انوکھی لہریں
Meeraji - میراجی
Ras Ki Anokhi Lahrain
گناہوں سے نشوونما پا گیا دل
Meeraji - میراجی
Gunao Se Nashonuma Pa Gaya Dil
جیون جیوتی جاگ رہی ہے چھوڑ بہانے ، چھوڑ بہانے
Meeraji - میراجی
Jeevan Jyoti Jag Rahi Hai Chod Bahane Chod Bahane
پیارے لمحے آئیں گے اور مجبوری مٹ جائے گی
Meeraji - میراجی
Pyare Lamhe Aayen Ge Aur Majbori Mit Jaye Gi
غم کے بھروسے کیا کچھ چھوڑا کیا اب تم سے بیان کریں
Meeraji - میراجی
Gham K Bharoosay Kya Kuch Chorra Kya Ab Tum Se Bayan Karen
کلرک کا نغمۂ محبت
Meeraji - میراجی
Clark Ka Naghma Muhabbat
بچھا ہے صحرا اور اس میں
Meeraji - میراجی
Bicha Hai Sehra Aur Usme Aik Aistadah Surat Bata Rahi Hai
جیسے ہوتی آئی ہے ویسی بسر ہو جائے گی
Meeraji - میراجی
Jaise Hoti Ai Hai Wais Basar Ho Jaye Gi
You can read Tumheñ Malom Hai Taimor Kī Fojaiñ Jis Waqt written by Meeraji at UrduPoint. Tumheñ Malom Hai Taimor Kī Fojaiñ Jis Waqt is one of the masterpieces written by Meeraji. You can also find the complete poetry collection of Meeraji by clicking on the button 'Read Complete Poetry Collection of Meeraji' above.
Tumheñ Malom Hai Taimor Kī Fojaiñ Jis Waqt is a widely read Urdu Nazam. If you like Tumheñ Malom Hai Taimor Kī Fojaiñ Jis Waqt, you will also like to read other famous Urdu Nazam.
You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.