Mujhe Nafrat Hai, Urdu Nazam By Mirza Abdul Aleem Baig

مجھے نفرت ہے

دوسرے لوگوں کی طرح محبت کرنے سے

مجھے نفرت ہے

دوسرے لوگوں کی طرح لکھنے سے

میں تم نے محبت کرتا ہوں

جب تم رُوتی ہو

مجھے اچھی لگتی ہو

میں محبت کرتا ہوں

تمہارے دُھندلائے ہوئے افسردہ چہرے سے

مجھے اچھی لگتی ہو

جب دل گرفتگی تمہیں پگھلا دیتی ہے

مجھے بہتے آنسو اچھے لگتے ہیں

میں پیار کرتا ہوں

آنسووٴں سے بھیگے ہوئے تمہارے چہرے سے

مجھے اچھی لگتی ہو

اور بہت ہی خوبصورت ہو جاتی ہو

جب تم رُو رہی ہو

تم نے ایسا کیسے سوچ لیا؟

میں نے تمہیں دل سے بُھلا دیا!

نہیں جاناں

تمہارا نام آتے ہی

دلِ بے تاب ویسے ہی دھڑکتا ہے

میں اب بھی لفظ لکھتا ہوں

میں ان لفظوں میں جیتا مرتا ہوں

تمہیں فرصت ملے تو دیکھو

مری سانسوں میں بسنے والا ہر اک پل

تمہارے ذکر سے خالی نہیں ہوتا

مری جان

مرے پاس کہنے کیلئے بہت کچھ ہے

مگر

مجھے نفرت ہے

دوسرے لوگوں کی طرح محبت کرنے سے

مجھے نفرت ہے

دوسرے لوگوں کی طرح لکھنے سے