Zindagi, Urdu Nazam By Mirza Abdul Aleem Baig

یہ میں ہوں

جیسے آپ ہیں

لیکن میں کچھ الجھوں کی گرفت میں ہوں

میں آگہی کے بھیانک دُور کے گزر رہا ہوں

میں سنورنے کی جستجو میں

روز بنتا ہوں

روز ٹوٹتا ہوں

زیست کی تمام تر حقیقتوں کے آگاہ ہوں

بناوٴٹ اور دکھاوے زندگی نگل جاتے ہیں

اردگرد اچھی بُری حقیقت کا حصہ ہوں

یہ جو آگہی کے دُکھ ہوتے ہیں نا!

تمام سچ جھوٹ لگتے ہیں

ہر بات بے مقصد

ہر رشتہ مطلبی

ہر شخص خود غرض

تمام حرف کھوکھلے

تمام لفظ بے معنی

یہ جو آگہی ہے نا!

یہ تو بد سے بھی بدتر ہے

ہنستے بستے انسان کو

رُلا دیتی ہے

اُجاڑ دیتی ہے

یہ جو جہالت کا اندھیرا ہے نا!

کتنا سکون بخش ہے

اک کردار جنم دیتا ہے

اک کردار مار دیتا ہے

زندگی اے زندگی

اچھا تُو یہ بتا زندگی

تجھے جیسے جی رہا ہوں میں

مجھے ایسے جینا چاہیے؟

تجھے اچھا سمجھا جائے تو کیا؟

مجھے بُرا سمجھا جائے تو بھی کیا؟