Duniya Mein Koi Ranj Se BaDh Kar KHushi Nahin, Urdu Ghazal By Mohammad Yusuf Rasikh
Duniya Mein Koi Ranj Se BaDh Kar KHushi Nahin is a famous Urdu Ghazal written by a famous poet, Mohammad Yusuf Rasikh. Duniya Mein Koi Ranj Se BaDh Kar KHushi Nahin comes under the Love, Sad category of Urdu Ghazal. You can read Duniya Mein Koi Ranj Se BaDh Kar KHushi Nahin on this page of UrduPoint.
دنیا میں کوئی رنج سے بڑھ کر خوشی نہیں
محمد یوسف راسخ
دنیا میں کوئی رنج سے بڑھ کر خوشی نہیں
وہ بھی ہمیں نصیب کبھی ہے کبھی نہیں
درد جگر کی تم پہ مصیبت پڑی نہیں
تم تو کہو گے عشق کی منزل کڑی نہیں
دشمن کی راہ روک کے بیٹھا ہوں آج میں
دنیا کا راستہ ہے تمہاری گلی نہیں
دشمن کی موت کا تمہیں کیوں کر نہ ہو ملال
اک باوفا جہاں میں وہی تھا وہی نہیں
شوخی کسی کی کھل گئی آخر کلیم پر
کرنے کی تھی جو بات وہی ان سے کی نہیں
قطروں کے لب پہ شور انالبحر ہے رواں
تقلید کیا یہ حضرت منصور کی نہیں
ایفائے عہد ہے کہ قیامت کا شور ہے
تم کھل کے کہہ نہ دو کہ زباں ہم نے دی نہیں
لیلیٰ نے خود قرار دیا ہے وفا کو جرم
مجنوں نے وہ کتاب محبت پڑھی نہیں
کٹنے کو کٹ رہی ہے برابر شب فراق
جینے کو جی رہا ہوں مگر زندگی نہیں
تم کو فریب غیر سے آگاہ کر دیا
ورنہ مجھے کسی سے کوئی دشمنی نہیں
روتا ہے بے ثباتیٔ گلزار دہر پر
غنچہ کے لب پہ غور سے دیکھو ہنسی نہیں
آنکھوں نے پھوٹ پھوٹ کے سب حال کہہ دیا
عین وصال میں بھی یہاں خامشی نہیں
پیر مغاں کے فیض سے روشن ہے مے کدہ
ساغر کا جو مرید نہیں متقی نہیں
آرام سے قفس میں گزاروں گا زندگی
اچھا ہوا کہ طاقت پرواز ہی نہیں
آتی ہے خاک طور سے اب تک یہی خدا
دل کی لگی کا ذکر کوئی دل لگی نہیں
عاشق کے دم سے حسن کی دنیا کو ہے فروغ
بلبل نہیں تو رونق گلزار ہی نہیں
دلبر کے انتخاب میں مجھ سے خطا ہوئی
میرا قصور ہے یہ خطا آپ کی نہیں
وحدت کا وہ سرور تھا ساقی کے جام میں
پینے کو ہم نے پی ہے مگر بے خودی نہیں
پوچھا تھا بے وفا تو نہ پایا رقیب کو
میں نے بھی کس مزے سے کہا ہے کہ جی نہیں
کھانے کو زخم ملتے ہیں پینے کو اشک ہیں
روزی جہاں ہیں کیا مری تقدیر کی نہیں
عاشق کے زخم دیکھ کے عیسیٰ نے کہہ دیا
یہ تو نظر کی چوٹ ہے تلوار کی نہیں
تشنہ لبوں کی جان ہے شمشیر آبدار
خواہش انہیں تو کوثر و تسنیم کی نہیں
جنبش ہوئی ہے دشنۂ غمزہ کو بے سبب
اللہ خیر عالم اسباب کی نہیں
جس سمت آنکھ اٹھتی ہے کشتوں کا ڈھیر ہے
مقتل ہے عاشقوں کا تمہاری گلی نہیں
جنت سے کچھ غرض ہے نہ دنیا سے واسطہ
معشوق اپنا حور نہیں ہے پری نہیں
خانہ خراب عشق کی حالت نہ پوچھئے
کوئی بھی غم گسار بجز بیکسی نہیں
انکار اب تو اس لب نازک سے ہو چکا
پہلی سی شکل غنچۂ امید کی نہیں
تو خانہ زاد زلف کو آزاد کیوں کرے
میں تو ترا غلام ہوں میں آدمی نہیں
حوروں کو بھیج کر مری حالت تو پوچھئے
کنج مزار باعث دل بستگی نہیں
اک ماہرو کی یاد نے چمکا دیا ہے دل
سینہ ہے داغ داغ مگر تیرگی نہیں
تاثیر آہ کی کبھی تم کو دکھائیں گے
ہم ہیں تو گنبد فلک چنبری نہیں
بارش ہی کو الٹ کے بنا دو نہ تم شراب
تم کو ذرا مذاق ادب پروری نہیں
روتا ہے کوئی دل کو کوئی اپنا جان کر
ڈاکہ ہے لوٹ مار ہے یہ دلبری نہیں
آنکھوں سے قتل کرتے ہو لب سے جلاتے ہو
پھر یہ کمال کیا ہے جو افسوں گری نہیں
طالب کی آنکھ کرتی ہے خیرہ شعاع حسن
پردہ ہے اس کا نام یہ بے پردگی نہیں
زمزم حرم سے آتا ہے راسخؔ کے واسطے
وہ خانۂ خدا ہے وہاں کچھ کمی نہیں
راسخؔ کسے سنائیں ہم اپنا بیان غم
غالبؔ نہیں انیسؔ نہیں انوریؔ نہیں
محمد یوسف راسخ
© UrduPoint.com
All Rights Reserved
Duniya Mein Koi Ranj Se BaDh Kar KHushi Nahin
Mohammad Yusuf Rasikh
wo bhi hamein nasib kabhi hai kabhi nahin
dard-e-jigar ki tum pe musibat paDi nahin
tum to kahoge ishq ki manzil kaDi nahin
dushman ki rah rok ke baiTha hun aaj main
duniya ka rasta hai tumhaari gali nahin
dushman ki maut ka tumhein kyunkar na ho malal
ek ba-wafa jahan mein wahi tha wahi nahin
shoKHi kisi ki khul gai aaKHir kalim par
karne ki thi jo baat wahi un se ki nahin
qatron ke lab pe shor-e-anal-bahr hai rawan
taqlid kya ye hazrat-e-mansur ki nahin
ifa-e-ahd hai ki qayamat ka shor hai
tum khul ke kah na do ki zaban hum ne di nahin
laila ne KHud qarar diya hai wafa ko jurm
majnun ne wo kitab-e-mohabbat paDhi nahin
kaTne ko kaT rahi hai barabar shab-e-firaq
jine ko ji raha hun magar zindagi nahin
tum ko fareb-e-ghair se aagah kar diya
warna mujhe kisi se koi dushmani nahin
rota hai be-sabaati-e-gulzar-e-dahr par
ghunche ke lab pe ghaur se dekho hansi nahin
aankhon ne phuT phuT ke sab haal kah diya
ain-e-visal mein bhi yahan KHamushi nahin
pir-e-mughan ke faiz se raushan hai mai-kada
saghar ka jo murid nahin muttaqi nahin
aaram se qafas mein guzarunga zindagi
achchha hua ki taqat-e-parwaz hi nahin
aati hai KHak-e-tur se ab tak yahi KHuda
dil ki lagi ka zikr koi dil-lagi nahin
aashiq ke dam se husn ki duniya ko hai farogh
bulbul nahin to raunaq-e-gulzar hi nahin
dilbar ke intiKHab mein mujh se KHata hui
mera qusur hai ye KHata aap ki nahin
wahdat ka wo surur tha saqi ke jam mein
pine ko hum ne pi hai magar be-KHudi nahin
puchha tha bewafa to na paya raqib ko
main ne bhi kis maze se kaha hai ki ji nahin
khane ko zaKHm milte hain pine ko ashk hain
rozi jahan hain kya meri taqdir ki nahin
aashiq ke zaKHm dekh ke isa ne kah diya
ye to nazar ki choT hai talwar ki nahin
tishna-labon ki jaan hai shamshir-e-ab-dar
KHwahish unhen to kausar-o-tasnim ki nahin
jumbish hui hai dashna-e-ghamza ko be-sabab
allah KHair aalam-e-asbab ki nahin
jis samt aankh uThti hai kushton ka Dher hai
maqtal hai aashiqon ka tumhaari gali nahin
jannat se kuchh gharaz hai na duniya se wasta
mashuq apna hur nahin hai pari nahin
KHana-KHarab-e-ishq ki haalat na puchhiye
koi bhi gham-gusar ba-juz bekasi nahin
inkar ab to is lab-e-nazuk se ho chuka
pahli si shakl ghuncha-e-ummid ki nahin
tu KHana-zad-e-zulf ko aazad kyun kare
main to tera ghulam hun main aadmi nahin
huron ko bhej kar meri haalat to puchhiye
kunj-e-mazar bais-e-dil-bastagi nahin
ek mah-ru ki yaad ne chamka diya hai dil
sina hai dagh dagh magar tirgi nahin
tasir aah ki kabhi tum ko dikhaenge
hum hain to gumbad-e-falak-e-chambari nahin
barish hi ko ulaT ke bana do na tum sharab
tum ko zara mazaq-e-adab-parwari nahin
rota hai koi dil ko koi apna jaan kar
Daka hai luT-mar hai ye dilbari nahin
aankhon se qatl karte ho lab se jalate ho
phir ye kamal kya hai jo afsun-gari nahin
talib ki aankh karti hai KHira shua-e-husn
parda hai us ka nam ye be-pardagi nahin
zamzam haram se aata hai 'rasiKH' ke waste
wo KHana-e-KHuda hai wahan kuchh kami nahin
'rasiKH' kise sunaen hum apna bayan-e-gham
'ghaalib' nahin 'anis' nahin 'anwari' nahin
(549) ووٹ وصول ہوئے
Related Mohammad Yusuf Rasikh Poetry
More Mohammad Yusuf Rasikh Poetry
تارے کھلے ہوئے ہیں شب ماہتاب ہے
Mohammad Yusuf Rasikh - محمد یوسف راسخ
Tare Khile Hue Hain Shab-e-mahtab Hai
دنیا میں کوئی رنج سے بڑھ کر خوشی نہیں
Mohammad Yusuf Rasikh - محمد یوسف راسخ
Duniya Mein Koi Ranj Se Badh Kar Khushi Nahin
سمجھتا ہوں وسیلہ مغفرت کا شرم عصیاں کو
Mohammad Yusuf Rasikh - محمد یوسف راسخ
Samajhta Hun Wasila Maghfirat Ka Sharm-e-isyan Ko
دل میں جو تصور ہے تری زلف رسا کا
Mohammad Yusuf Rasikh - محمد یوسف راسخ
Dil Mein Jo Tasawwur Hai Teri Zulf-e-rasa Ka
گھڑی بھر رنگ نکھرا صورت گلہائے تر میرا
Mohammad Yusuf Rasikh - محمد یوسف راسخ
Ghadi Bhar Rang Nikhra Surat-e-gul-ha-e-tar Mera
دل نالاں تری آہوں میں اثر ہے کہ نہیں
Mohammad Yusuf Rasikh - محمد یوسف راسخ
Dil-e-nalan Teri Aahon Mein Asar Hai Ki Nahin
حشر میں اور ہی آثار نظر آتے ہیں
Mohammad Yusuf Rasikh - محمد یوسف راسخ
Hashr Mein Aur Hi Aasar Nazar Aate Hain
آ گیا زلف کے دم میں دل ناداں اپنا
Mohammad Yusuf Rasikh - محمد یوسف راسخ
Aa Gaya Zulf Ke Dam Mein Dil-e-nadan Apna
You can read Duniya Mein Koi Ranj Se BaDh Kar KHushi Nahin written by Mohammad Yusuf Rasikh at UrduPoint. Duniya Mein Koi Ranj Se BaDh Kar KHushi Nahin is one of the masterpieces written by Mohammad Yusuf Rasikh. You can also find the complete poetry collection of Mohammad Yusuf Rasikh by clicking on the button 'Read Complete Poetry Collection of Mohammad Yusuf Rasikh' above.
Duniya Mein Koi Ranj Se BaDh Kar KHushi Nahin is a widely read Urdu Ghazal. If you like Duniya Mein Koi Ranj Se BaDh Kar KHushi Nahin, you will also like to read other famous Urdu Ghazal.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.